luqa 4:15 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁵ ار‑تن‑يسّلماد غ‑تگُمّا ن‑تژالّيت، ار‑تي‑تالغن كولّو مدّن.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁵ ar‑tn‑isslmad ġ‑tgʷmma n‑tẓallit, ar‑ti‑talġn kullu mddn.

luqa 4:15 Iomraidhean Croise

matta 13:54

يوورّي‑د س‑تمازيرت‑نس. ار‑يسّلماد غ‑تگمّي ن‑تژالّيت، ار‑گيس‑تعجّابن مدّن ار‑تّينين: «ارگاز‑اد، ماني‑د‑كولّو‑سرس‑تكّا‑تحكيمت‑اد ءولا لمعجيزات‑اد ءيسكار؟

matta 4:23

ءيزايد ياسوع ار‑يتكّا تامازيرت ن‑جاليل كولّوتّ، ار‑يسّلماد غ‑تگُمّا ن‑تژالّيت، ار‑يتبرّاح س‑لخبار ءيفولكين ن‑تگلديت ن‑يگنّا، ار‑يجّوجّي مدّن زغ‑كرايگاتّ تاماضونت ءولا كرايگاتّ اطّان نّا‑گيسن‑يلّان.

matta 9:35

ار‑يتكّا ياسوع كولّو تيمدينين ءولا ءيدوران، ار‑يسّلماد غ‑تگُمّا ن‑تژالّيت ار‑يتبرّاح س‑لخبار ءيفولكين ن‑تگلديت ن‑يگنّا، ار‑يجّوجّي مدّن زغ‑كرايگاتّ تاماضونت ءولا كرايگاتّ اطّان نّا‑گيسن‑يلّان.

matta 9:8

لّيغ‑ت‑ژران، غووضن مدّن‑ان كولّوتن ار‑تالغن ربّي لّي‑يفكان تاژضّارت‑اد ءيگّوتن ءي‑بنادم.

marqus 1:27

ار‑تعجّابن مدّن كولّوتن ار‑سّمقسان ءي‑نگراتسن ار‑تّينين: «ما‑يگا ماياد؟ كرا ن‑ولمّود لّجديد اياد. هاتي دارس تاژضّارت ءيگّوتن ايلّيغ ا‑يتامر لجنون أُخشنّين، ار‑سكارن س‑واوال‑نس.»

marqus 1:39

ءيزايد ار‑يتكّا كولّو تامازيرت ن‑جاليل ار‑يتبرّاح غ‑تگُمّا ن‑تژالّيت ار‑يسّوفوغ لجنون.

marqus 1:45

ءيمّا نتّا ءيفّوغ غاكودان ار‑يساوال باهرا ف‑ياسوع، ار‑يتاوي لخبار ن‑ماد‑اس‑يجران ايلّيغ ءور‑سول‑يژضار ياسوع ا‑يكشم ءيبايّن س‑كرا ن‑ودوّار. ءيقاما غ‑لخلا ار‑ن‑دارس‑تّاشكين مدّن زغ‑كرايگاتّ تاسگا.

luqa 13:10

ءيلّا ياسوع غ‑يات‑تگمّي ن‑تژالّيت غ‑واسّ ن‑وسونفو ار‑يسّلماد.

luqa 4:16

ياشك‑يد ياسوع س‑تمدينت ن‑ناصيرا، غ‑يلّيغ‑تّين‑يكّا غ‑مژّيي‑نس. ءيكشم س‑تگمّي ن‑تژالّيت غ‑واسّ ن‑وسونفو غمكلّي بدّا ءيسكار. ءينكر ا‑يغر ف‑مدّن،