luqa 3:8 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ سكارات افولكي باش ا‑يبان ءيس‑تفلم ما‑يُخشنّ. ا‑ور‑تّينيم ءي‑نگراتون ‹نكُّني نگا تاروا ن‑يبراهيم،› اشكو راد‑اون‑ينيغ، ربّي ءيژضار ا‑د‑يسّنكر تاروا ءي‑يبراهيم ءولا زغ‑يژران‑اد.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ skarat afulki baš a‑iban is‑tflm ma‑yʷh̬šnn. a‑ur‑ttinim i‑ngratun ‹nkkʷni nga tarwa n‑ibrahim,› ašku rad‑awn‑iniġ, rbbi iẓḍar a‑d‑issnkr tarwa i‑ibrahim ula zġ‑iẓran‑ad.

luqa 3:8 Iomraidhean Croise

matta 21:43

ف‑مايان ا‑ف‑راد‑اون‑ينيغ، را‑كُن‑يسّوفغ ربّي زغ‑تگلديت‑نس، ءيفك‑تّ ءي‑مدّن ياضني لّي‑را‑ياكّا لغلّت‑نس.

matta 3:8

سكارات افولكي باش ا‑يبان ءيس‑تفلم ما‑يُخشنّ.

matta 3:9

ا‑ور‑تّينيم ءي‑نگراتون ‹نكُّني نگا تاروا ن‑يبراهيم،› اشكو راد‑اون‑ينيغ، ربّي ءيژضار ا‑د‑يسّنكر تاروا ءي‑يبراهيم ءولا زغ‑يژران‑اد.

luqa 13:25

اشكو غاكود نّا‑غ‑ينكر بو‑تگمّي ءيقّن ءيمي، را‑تبيدّم غ‑برّا ار‑ن‑سرس‑تسّضوقّورم ار‑تّينيم: ‹رژم‑اغ ا‑سيدي.› ءيمّا نتّا راد‑اون‑ييني: ‹ءور‑سّينغ ماني‑دي‑تكّام كونّي.›

luqa 13:26

راد‑اس‑تّينيم: ‹ها‑نكُّني نشّا ديك نسو ديك، تسّلمدت غ‑تمدينت‑نّغ.›

luqa 14:9

ياشك‑يد غوالّي‑اون‑يعرضن ييني‑اك: ‹نكر ا‑يسكيوس‑ورگاز‑اد.› غاكودان را‑تحشمت د‑يخف‑نّك توورّيت س‑تغوردين ن‑كولّو مدّن‑ان.

luqa 19:40

ءيرار‑اسن ياسوع: «راد‑اون‑ينيغ، ءيغ‑فسّان غويد، راد‑وتن ءيژران‑اد تاغوريت.»

luqa 19:9

ءيساول ياسوع ييني‑اس: «غاسّاد ءيلكم‑د‑وجنجم ن‑ربّي تيگمّي‑اد، اشكو يومن غواد ءولا نتّا غمكلّي يومن باباتنّغ ءيبراهيم.

luqa 5:21

بدون ءيمسلمدن‑لّي ن‑شّرع د‑يفاريسين ار‑سوينگيمن د‑يخفاون‑نسن: «ما‑يگا غواد ار‑يساوال س‑لكوفر؟ ما‑يژضارن ا‑يسّيتّي دّنوب ابلا ربّي واحدوت؟»

yuḥanna 8:33

رارن‑اس‑د: «نكُّني نگا تاروا ن‑يبراهيم، ءور‑جّو‑يلّي ماد‑اغ‑يكرسن. ماخ ا‑تّينيت ‹راد‑اون‑يفسي›؟»

yuḥanna 8:39

ءينين‑اس‑د: «ءيبراهيم ا‑يگان باباتنّغ.» ءيرار‑اسن ياسوع: «مراد ءيس‑تگام تاروا ن‑يبراهيم را‑تسكارم غمكلّي ءيسكار ءيبراهيم.

irqqasn 26:20

فّوغّ ار‑تبرّاحغ غ‑ديماشق، دّوغ ءيلمّا ار‑تبرّاحغ غ‑وروشاليم ءولا غ‑كولّو تامازيرت ن‑يودايا ءولا تيميزار ن‑يبرّانيين. ار‑اسن‑تّينيغ ءيس‑تن‑يخصّا اد‑فلن كولّو ما‑يُخشنّ وورّين س‑ربّي، ار‑سكارن افولكي باش ا‑يبان ءيس‑فلن ما‑يُخشنّ.

ruma 4:16

ءيمّا غويلّي ءومنّين، نتني ا‑را‑يامژ كولّو ماياد. نتني ا‑مي‑را‑يسّافو ربّي اوال‑نس، باش ا‑ياكّا لباراكا‑نس ءي‑كولّو وينّا گانين تاروا ن‑يبراهيم، ءورد غير ءي‑ويلّي سكارنين س‑شّرع، والاينّي را‑ستّ‑ياكّا ءي‑ويلّي ءومنّين غمكلّي يومن ءيبراهيم. اشكو ءيبراهيم يوورّي ءيگا باباتنّغ كولّواغ،

ruma 9:7

ءولا تاروا ن‑يبراهيم، ءور‑گين كولّوتن ايت‑يبراهيم. اشكو ءينّا ربّي: «زغ‑تاروا ن‑يوك ءيسحاق ا‑زغ‑را‑تيلي تاسوت‑نّك.»

filibbi 1:11

راد‑اون‑تيگات صّابت ن‑وفولكي لّي‑گيگون‑يسكار ياسوع لماسيح، ءيبان گيگون لمجد ن‑ربّي، الغن‑ت مدّن ف‑سّيبت‑نّون.