luqa 24:47 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴⁷ تفّوغ‑تبرّاحت س‑يسم‑نس زغ‑وروشاليم ارد تلكم كولّو تيميزار ن‑دّونيت، سفلدن كولّو مدّن ف‑مامنك ا‑س‑ژضارن اد‑فلن دّنوب‑نسن ءيصامح‑اسن ربّي.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴⁷ tffuġ‑tbrraḥt s‑ism‑ns zġ‑urušalim ard tlkm kullu timizar n‑ddunit, sfldn kullu mddn f‑mamnk a‑s‑ẓḍarn ad‑fln ddnub‑nsn iṣamḥ‑asn rbbi.

luqa 24:47 Iomraidhean Croise

matta 28:19

دّوات غيلاد س‑كرايگاتّ تامازيرت، ترارم مدّن اد‑گن ءيمحضارن‑ينو، تسّدّمّ‑تن غ‑وامان س‑يسم ن‑بابا د‑يوس د‑رّوح لقودوس،

matta 3:2

«فلات كولّو ما‑تسكارم يُخشن، اشكو تاكمور‑د‑تگلديت ن‑يگنّا.»

matta 9:13

زايدات تسوانگمّ غ‑وارّا ن‑ربّي لّي‑ينّان ‹ريغ دارون لحنانت، ءورد تيغرسي.› ءيمّا نكّي، ءور‑د‑وشكيغ ا‑ن‑غرغ ءي‑ويلّي غالنين ءيس‑فولكين، والاينّي ءوشكيغ‑د ا‑ن‑غرغ ءي‑ويلّي أُخشنّين.»

luqa 13:34

وا‑وروشاليم، وا‑وروشاليم، وا‑تالّي ءينقّان لانبيا ن‑ربّي ار‑تكّاتّ س‑يژران غويلّي‑د‑سرم‑يوزن. منّاوت‑توال اد‑ريغ اد‑د‑سّمونغ تاروا‑نّم غمكلّي‑دي‑تسّمونو‑تفولّوست ءيكيّاون غ‑دّو ءيفراون‑نس، ءيمّا كونّي ءور‑تريم.

irqqasn 10:43

نتّان ا‑ف‑ساولن لانبيا كولّوتن ار‑اكّان توگّا‑نسن ار‑تّينين: س‑يسم‑نس ا‑س‑را‑يسّيتّي ربّي دّنوب ف‑كولّو وانّا سرس يومنّ.»

irqqasn 11:18

لّيغ سفلدن مدّن‑ان ءي‑ما‑ينّا بطرُس ءور‑سول‑دارسن ما‑تّينين. الغن ربّي ءينين: «هاتي ءيفكا ربّي ءي‑يبرّانيين ءولا نتني اد‑د‑وورّين زغ‑كولّو ما‑يُخشنّ، كشمن‑د س‑تودرت‑اد ءيدومن.»

irqqasn 13:46

ءيرار‑اسن ءيلمّا بولُس د‑بارنابا س‑زّعامت ءينين‑اسن: «نيوي‑اون‑د اوال ن‑ربّي غمكلّي‑اغ‑د‑يقّانّ باش ا‑تزوورم كونّي. ءيمّا غيلاد ءور‑تي‑تريم، تگم ءيخفاون‑نّون د‑ويلّي ءور‑يستهلّان اد‑كشمن س‑تودرت ءيدومن. را‑كُن‑نفل غيلاد ناوي‑تّ غ‑يبرّانيين،

irqqasn 2:38

ءيساول بطرُس ييني‑اسن: «فلات كولّو ما‑تسكارم يُخشن، ءيدّم كود يان گيگون غ‑وامان س‑يسم ن‑ياسوع لماسيح، اد‑اون‑يصامح ربّي ف‑دّنوب‑نّون ءيفك‑اون لباراكا ن‑رّوح لقودوس.

irqqasn 20:21

ار‑بدّا‑تّينيغ س‑لمعقول ءي‑ايت‑يودايا ءولا ءيبرّانيين اد‑فلن كولّو ماد‑سكارن يُخشن، وورّين س‑ربّي امنّ س‑سيديتنّغ ياسوع.

irqqasn 26:18

را‑ك‑ازنغ ا‑ترژمت الّن‑نسن، ترارت‑تن‑د زغ‑تيلّاس س‑تيفاوت، ءولا زغ‑لقوّا ن‑شيطان س‑ربّي، باش ا‑فلّاسن‑يتّين دّنوب‑نسن، وورّين طّافن تاغامت غ‑گر غويلّي ژليغ اد‑گن وينو ف‑سّيبت ن‑ماد‑سري‑ومنّ.›

irqqasn 26:20

فّوغّ ار‑تبرّاحغ غ‑ديماشق، دّوغ ءيلمّا ار‑تبرّاحغ غ‑وروشاليم ءولا غ‑كولّو تامازيرت ن‑يودايا ءولا تيميزار ن‑يبرّانيين. ار‑اسن‑تّينيغ ءيس‑تن‑يخصّا اد‑فلن كولّو ما‑يُخشنّ وورّين س‑ربّي، ار‑سكارن افولكي باش ا‑يبان ءيس‑فلن ما‑يُخشنّ.

irqqasn 28:28

ف‑مايان ا‑ف‑راد‑اون‑ينيغ، اجنجم‑اد ءيفكا‑ت ربّي غيلاد ءي‑ايت‑تميزار ياضني. نتني ا‑را‑سرس‑يسفلد.»

irqqasn 3:19

ماياد ا‑ف‑راد‑اون‑ينيغ، فلات كولّو ما‑تسكارم يُخشن، توورّيم‑د س‑ربّي ا‑فلّاون‑يسّيتّي دّنوب‑نّون،

irqqasn 4:12

ءور‑يژضار يان ا‑ينجم زغ‑لهالاك ابلا سرس نتّان، اشكو ءور‑يلّي غ‑دّو ءيگنوان كرا ن‑يسم ياضني ءيفكا‑ت ربّي ما‑س‑ا‑يتنجام بنادم.»

irqqasn 5:31

ءيسّاتّوي‑ت س‑وفاسيي‑نس باش ا‑يگ اگلّيد د‑ونجّام ءي‑ايت‑ربّي، ءيسكر‑اسن اغاراس ما‑س‑ا‑دي‑توورّين زغ‑كولّو ما‑يُخشنّ، ءيسّيتّي فلّاسن دّنوب‑نسن.

ruma 5:20

ءيفك ءيلمّا ربّي شّرع باش اد‑يگاتن لمعصيات. والاينّي غونشك لّي‑تّيگاتن دّنوب ءوگُّار‑ان ا‑تگا لحنانت ن‑ربّي.

afsus 1:6

ار‑ت‑باهرا‑نتالغ ف‑لحنانت‑اد ءيگّوتن لّي‑س‑اغ‑يبارك ف‑وودم ن‑يوس ءيعزّان

afsus 3:8

واخّا مژّيغ باهرا غ‑گر كولّو ءيمژلاين ن‑ربّي، ءيفكا‑يّي لباراكا‑ياد اد‑تبرّاحغ ءي‑ايت‑تميزار ن‑دّونيت ف‑تميخار لّماسيح لّي‑وگُرنين كولّو ءيسوينگيمن ن‑بنادم.

kulussi 1:27

ءيقصاد اد‑اغ‑د‑يمل تاغاوسا‑ياد باهرا ءيفولكين ءيهيّان لّي‑س‑را‑يبارك كولّو تيميزار ن‑دّونيت. غمكاد ا‑تگا: ءيلّا لماسيح غ‑وول‑نّون اد‑اون‑يفك رّجا ءيصحان ن‑يس‑را‑ن‑تكشمّ س‑لمجد‑نس.

1 yuḥanna 2:12

ءوريغ‑اون‑ين ا‑تاروا عزّانين، اشكو ربّي ءيسّيتّي فلّاون دّنوب‑نّون ف‑يسم لّماسيح.