luqa 23:4 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ ءيساول بيلاطوس س‑ينمغورن ن‑تگمّي ن‑ربّي د‑مدّن‑ان كولّوتن ييني‑اسن: «ءور‑وفيغ كرا لّعيب غ‑ورگاز‑اد.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ isawl bilaṭus s‑inmġurn n‑tgmmi n‑rbbi d‑mddn‑an kullutn yini‑asn: «ur‑ufiġ kra l‑lɛib ġ‑urgaz‑ad.»

luqa 23:4 Iomraidhean Croise

matta 27:19

والاينّي غ‑تاساعت‑ان سول ءيسكيوس بيلاطوس غ‑لكورسي لّحوكم س‑د‑سرس‑توزن‑تمغارت‑نس تيني‑اس‑د: «اد‑ور‑تكشمت سّوق ن‑ورگاز‑ان ءيفولكين، اشكو توشكا‑يّي‑د تاغوفت ءيگّوتن غاسّاد ف‑سّيبت‑نس غ‑يات‑توارگيت.»

marqus 15:14

ءيسقسا‑تن بيلاطوس: «ماخ؟ ما‑يسكر يُخشنّ؟» ءيمّا نتني ار‑سّغويّون س‑وگُّار ار‑تّينين: «اگُل‑ت ف‑وگّجدي ا‑يمّت.»

luqa 23:22

ءيزايد بيلاطوس تيس كراطّ‑توال ييني‑اسن: «ما‑لّعيب ءيسكر؟ ءور‑گيس‑وفيغ كرا لّعيب ف‑ت‑يد‑يقّان ا‑يمّت. را‑ت‑سّغورشغ ءوكان، رژمغ‑اس.»

yuḥanna 18:38

ييني‑اس ءيلمّا بيلاطوس: «ما‑يگا لحقّ؟» غاكودان ءينكر بيلاطوس ءيفّوغ‑د س‑دار مدّن‑ان ن‑ايت‑يودايا ييني‑اسن: «ءور‑گيس‑وفيغ كرا لّعيب.

irqqasn 25:25

ءور‑گيس‑وفيغ نكّي كرا‑ف‑يستهلّا لموت، والاينّي لّيغ ءيسّغلي تاغاوسا‑نس س‑گر ءيفاسّن ن‑قايصر سكرغ ف‑ا‑ت‑ازنغ س‑دارس.

irqqasn 3:13

راد‑اون‑ينيغ، ربّي ن‑يبراهيم د‑يسحاق د‑ياعقوب، ربّي ن‑يمزوورا‑نّغ ءيسّبايّن‑د لمجد ن‑وخدّام‑نس ياسوع غاسّاد. تدحيم‑ت‑ين كونّي ءي‑لموت، ترگمّ‑ت غ‑لگدّام ن‑بيلاطوس واخّا ءيرا نتّان اد‑اس‑يرژم.

iɛbrin 7:26

وان انمغور‑اد ا‑نحتاجّا، ءيعمّر س‑وفولكي ن‑ربّي، ءيغوس‑وول‑نس، ءور‑گيس‑يلّي كرا لّعيب، ءيتياوژلاي زغ‑كولّو ما‑يسكارن دّنوب، ءيتيالال س‑يگّي ن‑يگنوان.

1 bṭrus 1:19

والاينّي س‑يدامّن عزّانين لّماسيح زوند ءيدامّن ن‑يان‑ولقّاغ ءيغوسن بلا لعيب.

1 bṭrus 2:22

ءيتيارا فلّاس: «ءور‑اكُّ‑يسكير كرا ن‑دّنب. ءور‑جّو‑كّينت‑تكركاس ءيمي‑نس.»

1 bṭrus 3:18

اشكو لماسيح، يات‑توال ا‑يمّوت ف‑سّيبت ن‑دّنوب، ءيمّت غوالّي ءيفولكين ف‑سّيبت ن‑ويلّي أُخشنّين، باش اد‑اغ‑د‑يرار ءي‑ربّي. نغان‑ت مدّن غ‑دّات‑نس، ءيسّدّر‑ت ربّي غ‑رّوح‑نس.