luqa 23:34 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁴ ءيژّالّ ياسوع ييني: «وا‑بابا ربّي، صامح‑اسن. ءور‑اكُّ‑سّينّ مايد سكارن.» گرن‑د ءيعسكرين اسغار ف‑تملسا‑نس ا‑تنت‑بضون.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁴ iẓẓall yasuɛ yini: «wa‑baba rbbi, ṣamḥ‑asn. ur‑akkʷ‑ssinn mayd skarn.» grn‑d iɛskrin asġar f‑tmlsa‑ns a‑tnt‑bḍun.

luqa 23:34 Iomraidhean Croise

matta 11:25

ءيژّالّ ياسوع غ‑تاساعت‑ان ييني: «وا‑بابا، سيديس ن‑يگنّا د‑واكال، ءولغّ‑ك اشكو تسّنتلت تيغاوسيوين‑اد ف‑ايت‑لعاقل د‑لفهمت تسّملت‑تنت ءي‑يبوجاديين.

matta 11:26

اشكو غمكاد ا‑س‑ترضيت ا‑بابا.»

matta 5:44

ءيمّا نكّي راد‑اون‑ينيغ، حنّوات غ‑ينوّاشن‑نّون، تضالبم ربّي ا‑يرحم غويلّي‑كُن‑سّرفوفنّين.

marqus 15:24

قّنّ‑ت غ‑وگّجدي الّن‑ت. بضون تيملسا‑نس ءي‑نگراتسن گرن‑د فلّاسنت اسغار، كرايگاتّ يان د‑ما‑را‑ياوي.

luqa 22:42

ييني: «وا‑بابا ضالبغ‑اك ءيغ‑تريت، كّيس فلّا لكاس‑اد ن‑ورفوفن. والاينّي ا‑ييلي ما‑تريت، ءورد ماد‑ريغ نكّي.»

yuḥanna 17:9

ف‑سّيبت‑نسن ا‑ف‑ا‑ك‑تضالابغ غيلاد. ءور‑ا‑تضالابغ ف‑دّونيت والاينّي ف‑ويلّي‑يّي‑تفكيت، اشكو وينّك اد‑گان.

yuḥanna 19:11

ءيساول ياسوع ييني‑اس: «ربّي اد‑اك‑فلّا‑يفكان تاژضّارت. مراد ءيس‑اك‑تّ‑ور‑يفكي، ءور‑را‑تيژضارت اد‑يّي‑تسكرت يات. والاينّي ءوگُّار‑نّك ا‑يجلا غوالّي‑يّي‑د‑يدحين غ‑گر ءيفاسّن‑نّك.»

irqqasn 16:28

ءيغر‑اس بولُس س‑جّهد ييني‑اس: «اد‑ور‑تهلكت ءيخف‑نّك. هاتي نلّا كولّواغ.»

irqqasn 3:17

«ءيمّا غيلاد اي‑ايتما، سّنغ غايلّي تسكرم كونّي د‑ينمغورن‑نّون، تسكرم‑ت اشكو ءور‑تسّينم ما‑يگا.

irqqasn 7:60

ءيضر ف‑يفادّن‑نس س‑واكال، يوت س‑يات‑تغويّيت ييني: «وا‑سيدي، ا‑ور‑فلّاسن‑تحاسبت لخُشانت‑اد.» غير ءينّا اوال‑اد ءيمّت. ءيمّا شاول ءيفرح لّيغ نغان ستيفانوس.

ruma 12:14

ضالبات ربّي ا‑يبارك وينّا‑كُن‑سّرفوفنّين. ا‑ور‑تي‑تّضالابم ا‑تن‑يخزو والاينّي ا‑تن‑يبارك.

1 kurintus 2:8

ءور‑يلّي يان غ‑ينمغورن ن‑دّونيت ءيسّن ماياد. مراد ءيس‑سّنّ ماياد، ءيكون ءور‑اكُّ‑راد‑نغن باب لّمجد ف‑وگّجدي.

1 kurintus 4:12

ار‑نتنهاتاف ار‑نتخدام س‑يفاسّن‑نّغ. غاكود نّا‑ياغ‑رگّمن مدّن ار‑نتضالاب ربّي ا‑تن‑يبارك. غاكود نّا‑ياغ‑سّرفوفونّ ار‑نتصبار.

1 timutaws 1:13

كّيغ‑تّين ار‑رگّمغ لماسيح ار‑ت‑سّرفوفونغ ار‑ديدس‑تمّاغّ، والاينّي ءيرحم‑يّي‑د اشكو ءور‑سّينغ ماد‑سكارغ غ‑ووسّان‑ان، ءور‑تا‑سرس‑ومينغ.

1 bṭrus 3:9

ءيغ‑يلّا ماد‑اون‑يسكرن كرا يُخشنّ، اد‑اس‑ور‑ترارم س‑لخُشانت. ءيغ‑يلّا ما‑كُن‑يرگمن، اد‑اس‑ور‑ترارم س‑ترگّام، والاينّي ءينيات‑اس: «ا‑ك‑يبارك ربّي.» اشكو ءيغرا‑ياون‑د ربّي اد‑اون‑تيلي لباراكا.