luqa 23:14 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁴ ييني‑اسن: «ارگاز‑اد، تيويم‑ت‑يد س‑داري، تينيم فلّاس ‹ار‑يجلّو مدّن كولّوتن.› ها‑يّي غيلاد سقساغ‑ت باهرا غ‑لگدّام‑نّون ف‑ما‑يسكر، والاينّي ءور‑وفيغ غ‑ورگاز‑اد كرا لّعيب زغ‑غايلّي س‑ا‑سرس‑تّاشتكّام.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁴ yini‑asn: «argaz‑ad, tiwim‑t‑id s‑dari, tinim fllas ‹ar‑ijllu mddn kullutn.› ha‑yyi ġilad sqsaġ‑t bahra ġ‑lgddam‑nnun f‑ma‑iskr, walaynni ur‑ufiġ ġ‑urgaz‑ad kra l‑lɛib zġ‑ġaylli s‑a‑srs‑ttaštkkam.

luqa 23:14 Iomraidhean Croise

matta 27:19

والاينّي غ‑تاساعت‑ان سول ءيسكيوس بيلاطوس غ‑لكورسي لّحوكم س‑د‑سرس‑توزن‑تمغارت‑نس تيني‑اس‑د: «اد‑ور‑تكشمت سّوق ن‑ورگاز‑ان ءيفولكين، اشكو توشكا‑يّي‑د تاغوفت ءيگّوتن غاسّاد ف‑سّيبت‑نس غ‑يات‑توارگيت.»

matta 27:24

ءيژر بيلاطوس ءيس‑ور‑يسوگير يات، غير زوويدن مدّن دووين س‑وگُّار. ياسي‑د امان ءيسيرد ءيفاسّن‑نس غ‑لگدّام‑نسن ييني‑اسن: «ها‑نكّي ءور‑فلّا‑لّين ءيدامّن ن‑ورگاز‑اد. ژرات كونّي ما‑را‑تسكرم.»

matta 27:4

ييني‑اسن: «هاتي دّنوب ايد سكرغ. زّنزيغ ءي‑لموت يان ءور‑يسكيرن كرا يُخشنّ.» رارن‑اس: «ماد‑اغ‑گيس‑يلّان نكُّني؟ دبّر ءي‑يخف‑نّك.»

matta 27:54

ءيمّا لقبطان ن‑يعسكرين د‑ويلّي ديدس ضوفنين ياسوع، لّيغ ژران اكال ار‑يتموسّو ءولا كولّو مايد ءيجران، ءيكساضن باهرا ار‑تّينين: «س‑صّاحت ءيگا غواد يوس ن‑ربّي.»

irqqasn 13:28

واخّا ءور‑گيس‑وفين ما‑ف‑ا‑ت‑نقّان، ضالبن زغ‑بيلاطوس ا‑ت‑ينغ.

irqqasn 17:11

مدّن‑ان ن‑بيريّا، ءور‑قّورن ءيخفاون‑نسن زوند ايت‑تاسالونيكي. ار‑تّيرين اد‑سفليدن ءي‑واوال ن‑سيديتنّغ ار‑تّ‑گيس‑تاوين باهرا، ار‑سيگّيلن غ‑وارّاتن ن‑ربّي اسّ ف‑واسّ، باش اد‑ژرن ءيس‑يُغژان مايلّي‑اسن‑يتّيني بولُس.

iɛbrin 7:26

وان انمغور‑اد ا‑نحتاجّا، ءيعمّر س‑وفولكي ن‑ربّي، ءيغوس‑وول‑نس، ءور‑گيس‑يلّي كرا لّعيب، ءيتياوژلاي زغ‑كولّو ما‑يسكارن دّنوب، ءيتيالال س‑يگّي ن‑يگنوان.