luqa 22:37 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁷ اشكو راد‑اون‑ينيغ، ءيقّان‑د ا‑يجرو مايلّي فلّا ءيتياونّان غايد ءيزرين ءيتيارا: ‹گان‑ت د‑يان زغ‑ويلّي فّوغنين زغ‑شّرع ن‑ربّي.› هاتي را‑يافو كولّو ما‑فلّا‑يتياران.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁷ ašku rad‑awn‑iniġ, iqqan‑d a‑ijru maylli flla ityawnnan ġayd izrin ityara: ‹gan‑t d‑yan zġ‑willi ffuġnin zġ‑ššrɛ n‑rbbi.› hati ra‑yafu kullu ma‑flla‑ityaran.»

luqa 22:37 Iomraidhean Croise

marqus 15:27

اوين‑د سين ءيمخّارن اگُلن‑تن ف‑يگّجدا يان ف‑وفاسي ن‑ياسوع د‑يان ف‑وژلماض‑نس.

marqus 15:28

غمكان ا‑يووفا ما‑يتياران غ‑وارّا ن‑ربّي لّي‑ينّان «را‑ت‑گن د‑يان زغ‑ويلّي فّوغنين زغ‑واوال ن‑ربّي.»

luqa 18:31

ياوي ياسوع سين د‑مراو ن‑ومحضار‑نس واحدوتن، ييني‑اسن: «ژرات، را‑ندّو س‑وروشاليم، ءيجرو غين كولّو ماد‑وران لانبيا ف‑يوس ن‑بنادم.

luqa 22:22

را‑يمّت يوس ن‑بنادم غمكلّي ءيقصاد ربّي، والاينّي تاگوضي ا‑را‑ييلي ءي‑ورگاز لّي‑ت‑يزّنزان.»

luqa 22:36

ييني‑اسن: «ءيمّا غيلاد، وانّا دار اقُراب ءولا اومّيس ءيلّا فلّاس ا‑تن‑ديدس‑ياوي. وانّا ءور‑دار لكومّيت ءيلّا فلّاس ا‑يزّنز اسلهام‑نس ءيسغ‑تّ‑يد.

luqa 22:52

ءيساول ياسوع س‑ينمغورن ن‑تگمّي ن‑ربّي د‑وين ءيمخزنيين د‑يمغارن ن‑تمازيرت لّي‑د‑وشكانين ا‑ت‑امژن، ييني‑اسن: «ما‑س‑دي‑تفّوغم س‑لكمامي د‑يعماد زوند ءيغ‑گيغ امخّار؟

luqa 23:32

اوين ءيعسكرين سين ءيرگازن ياضني گان ءيمخّارن، ا‑تن‑نغن د‑ياسوع.

luqa 24:27

ءيساول‑اسن ءيلمّا ف‑يواليون ن‑موسا ءولا وين لانبيا كولّوتن، ءيمل‑اسن ما‑فلّاس‑يتياران غ‑كولّو ارّاتن ن‑ربّي.

yuḥanna 10:35

نسّن ءيس‑يُغژان كولّو ما‑يتياران غ‑وارّاتن ن‑ربّي. والاينّي لّيغ ءينّا ‹تگام ءيد‑ربّي› ءي‑ويلّي سفلدنين ءي‑واوال‑نس،

yuḥanna 17:4

سّبايّنغ‑د لمجد‑نّك غ‑دّونيت‑اد، كمّلغ تاووري لّي‑يّي‑تفكيت.

2 kurintus 5:21

لماسيح لّي‑ور‑جّو‑يسكيرن كرا ن‑دّنب، ءيرور‑ت ربّي زوند ءيغ‑يعمّر س‑دّنوب ف‑سّيبت‑نّغ، باش ا‑نعمّر نكُّني س‑وفولكي ن‑ربّي ف‑سّيبت‑نس.

گالاطيّا 3:13

ءيمّا لماسيح ءيفوكّا‑ياغ زغ‑لعقوبيت لّي‑را‑يضر ف‑ويلّي ءيبنّون ف‑شّرع. يوورّي ءيگا نتّا واد‑ف‑تضر لعقوبيت، باش ا‑ور‑فلّانّغ‑تضر نكُّني. اشكو ءيتيارا: «كولّو وانّا ءيتياگّالن ف‑وگّجدي، لعقوبيت ن‑ربّي ا‑فلّاس‑يلّان.»