luqa 21:8 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ ييني‑اسن ياسوع: «اويات‑ستّ غ‑يخف‑نّون ا‑كُن‑ور‑يجلو يان، اشكو گّوتن غويلّي را‑د‑ياشك اسين ءيسم‑ينو، كود يان ار‑يتّيني ءيزد نتّان ا‑يگان لماسيح ار‑يتّيني: ‹هاتي تروح‑د تاساعت.› والاينّي ا‑تن‑ور‑تضفورم.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ yini‑asn yasuɛ: «awiyat‑stt ġ‑ih̬f‑nnun a‑kʷn‑ur‑ijlu yan, ašku ggutn ġwilli ra‑d‑yašk asin ism‑inu, kud yan ar‑ittini izd nttan a‑igan lmasiḥ ar‑ittini: ‹hati truḥ‑d tasaɛt.› walaynni a‑tn‑ur‑tḍfurm.

luqa 21:8 Iomraidhean Croise

matta 24:11

گّوتن ءيد‑بو‑تكركاس لّي‑را‑د‑ياشك ار‑تّينين ءيس‑گان لانبيا، ار‑جلّون كيگان د‑مدّن.

matta 3:2

«فلات كولّو ما‑تسكارم يُخشن، اشكو تاكمور‑د‑تگلديت ن‑يگنّا.»

matta 4:17

غاكودان ا‑يگرا ياسوع ار‑يتبرّاح ار‑يتّيني: «فلات كولّو ما‑تسكارم يُخشن، اشكو تاكمور‑د‑تگلديت ن‑يگنّا.»

luqa 17:23

راد‑نكرن مدّن ءينين‑اون ‹هاتين› نغد ‹هاتي›. والاينّي راد‑اون‑ينيغ، ا‑ور‑دارسن‑تدّوم ءولا تضفورم‑تن.

luqa 21:7

سقسان‑ت: «واي‑امسلمد، ماناگو ا‑را‑ييلي غايان؟ ما‑را‑يگ تاماتارت ن‑يس‑د‑ياكمور ا‑يجرو؟»

luqa 21:9

ءيغ‑تسفلدم ف‑يماغن ءولا ءودووين اد‑ور‑تغووضم، اشكو ءيقّان‑د ا‑ييلي غايان، والاينّي ءور‑تا‑د‑يروح ءيسيگُّرا.»

yuḥanna 5:43

ءوشكيغ‑د س‑يسم ن‑بابا، ءيمّا كونّي ءور‑ا‑سري‑تسفليدم. مراد ءيس‑د‑يوشكا كرا ن‑يان ياضني ار‑يساوال غير زغ‑يخف‑نس، را‑سرس‑تسفليدم.

yuḥanna 8:24

ماياد ا‑ف‑اون‑نّيغ را‑تمّتم غ‑دّنوب‑نّون. ءيغ‑ور‑تومينم ءيس‑گيغ غوالّي بدّا ءيلّان، راد‑نّيت‑تمّتم غ‑دّنوب‑نّون.»

yuḥanna 8:28

ءيزايد ياسوع ييني‑اسن: «ار تالّم يوس ن‑بنادم ف‑وگّجدي، غاكودان ا‑را‑تيسّانم ءيس‑گيغ غوالّي بدّا ءيلّان، تيسّانم ءيس‑ا‑ساوالغ س‑ماد‑يّي‑يملا بابا، ءور‑ا‑سكارغ يات زغ‑يخف‑ينو.

1 kurintus 6:9

ءيس‑ور‑تسّينم ماياد؟ ءور‑راد‑كشمن مدّن أُخشنّين س‑تگلديت ن‑ربّي. اد‑ور‑تجلوم ءيخف‑نّون. ءور‑را‑سرس‑يكشم يان ءيتفسادن نغد يان ءيتعبادن ءيلاهات ن‑دّونيت‑اد نغد يان ءيتزنون نغد يان ءيتفسادن د‑يوتمان زوند نتّا

afsus 5:6

ا‑ور‑تادجم يان ا‑كُن‑يجلو س‑يواليون خوانين، اشكو ف‑سّيبت لّخُشانات‑ان ا‑ف‑را‑يضر لغاضاب ن‑ربّي ف‑ويلّي سرس رورنين تيغوردين‑نسن.

2 tasaluniki 2:3

اد‑ور‑تادجم يان ا‑كُن‑يجلو، اشكو ءور‑را‑د‑يلكم‑واسّ‑ان ارد مونّ مدّن گّوتنين اد‑مّاغن د‑ربّي، ءيبان‑د‑ونوّاش ن‑ربّي لّي‑را‑يگُّرو س‑لهالاك.

2 timutaws 3:13

ءيمّا مدّن أُخشنّين د‑ايت‑تكركاس راد‑غير‑تزايادن غ‑لخُشانت‑نسن س‑وگُّار، جلان نتني ار‑جلّون وييّاض.

1 yuḥanna 4:1

واي‑ايتما عزّانين، ا‑ور‑تامنم كولّو وانّا ءينّان «ءيلّا‑گيگي رّوح لقودوس،» والاينّي ارمات رّوح‑ان ا‑تژرم ءيس‑يگا وين ربّي نغد ءوهو. اشكو گّوتن مدّن لّي‑تكّانين دّونيت، ار‑تّينين ءيس‑ا‑ساوالن س‑ماد‑اسن‑يمالا ربّي والاينّي ار‑سّكيركيسن.

2 yuḥanna 1:7

هان كيگان د‑ايت‑تكركاس ار‑تكّان دّونيت، اگُين اد‑ينين: «يوشكا‑د ياسوع لماسيح زغ‑ربّي، يوورّي س‑دّات ن‑بنادم.» وان مدّن‑ان، ايت‑تكركاس اد‑گان، گن ءينوّاشن لّماسيح.

anurẓm 1:3

امباركي ا‑يگا وانّا ياقران ءيواليون‑اد ن‑ربّي. ءيمباركين اد‑گان وينّا‑ياسن‑سفليدنين ار‑سكارن س‑مايد ءيتياران، اشكو ياكمور‑د‑وزمز لّي‑غ‑راد‑كولّو‑جرونت‑تغاوسيوين‑اد.

anurẓm 12:9

ءيتياوگار‑ن‑ولگمّاض‑ان ءيمقّورن س‑ييزدار. نتّان ا‑مي‑تّينين ‹ءيبليس› ءولا ‹شيطان›، ءيگ ابنكال اقديم لّي‑يجلّون كولّو ءيمزدغن ن‑دّونيت. ءيتياوگار‑ن س‑واكال نتّا د‑لمالايكا‑نس.