luqa 21:36 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁶ رارات لعاقل تضوفم‑بدّا ار‑تّضالابم ربّي ا‑كُن‑يسّدوس ا‑تنجمّ زغ‑كولّو غايلّي را‑يجرو، تبيدّم غ‑لگدّام ن‑يوس ن‑بنادم تزگام.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁶ rarat lɛaql tḍufm‑bdda ar‑ttḍalabm rbbi a‑kʷn‑issdus a‑tnjmm zġ‑kullu ġaylli ra‑ijru, tbiddm ġ‑lgddam n‑yus n‑bnadm tzgam.»

luqa 21:36 Iomraidhean Croise

matta 24:42

ضوفات اشكو ءور‑تسّينم مان اسّ ا‑را‑د‑ياشك سيديتون.

matta 24:43

راد‑اون‑ينيغ، مراد ءيس‑يسّن بو‑تگمّي مان تاساعت غ‑ييض ا‑را‑د‑ياشك‑ومخّار، راد‑باهرا‑يضوف. ءور‑را‑ت‑يادج ا‑ينقب تيگمّي‑نس.

matta 24:44

ءولا كونّي ءيلّا فلّاون ا‑بدّا‑توجادم، اشكو را‑د‑ياشك يوس ن‑بنادم غ‑كرا ن‑تاساعت لّي‑ور‑تغالم.

matta 25:13

ءيزايد ياسوع ييني‑اسن: «ضوفات اشكو ءور‑تسّينم مان اسّ ءولا مان تاساعت ا‑راد‑د‑اشكغ.

matta 26:41

اوزات تضالبم ربّي ا‑كُن‑يسّانف ءي‑كولّو ما‑را‑كُن‑يجلّو. هاتي ءول ن‑بنادم ار‑يتّيري ا‑يسكار افولكي، ءيمّا دّات‑نس تضعف.»

matta 8:20

ءيرار‑اس ياسوع ييني‑اس: «ءيبوغاغ دارسن تانسيوين‑نسن، ءولا ءيگضاض ن‑يگنوان دارسن ءوسودن‑نسن، ءيمّا يوس ن‑بنادم ءور‑دارس مانيغ ا‑يسراس اگايّو‑نس.»

marqus 13:33

رارات لعاقل‑نّون تضوفم اشكو ءور‑تسّينم ماناگو ا‑را‑د‑يروح‑وزمز‑ان.

marqus 13:37

مايد‑اون‑نّيغ، را‑ت‑ينيغ ءي‑كولّو مدّن: ضوفات.»

luqa 1:19

ييني‑اس لمالاك: «نكّي گيغ جيبرايّيل، ار‑تبدّادغ غ‑لگدّام ن‑ربّي. يوزن‑يّي‑د ا‑سرك‑ساولغ اويغ‑اك‑د لخبار‑اد ءيفولكين.

luqa 18:1

ءيساول ياسوع س‑يمحضارن‑نس، ييري اد‑اسن‑يمل ءيس‑تن‑د‑يقّان ا‑بدّا‑تژالّان بلا‑دا‑ترماين. يوت‑اسن لمعنا‑ياد،

luqa 20:35

ءيمّا غويلّي ف‑يرضا ربّي اد‑نكرن زغ‑لموت دّرن غ‑ليخرت، نتني ءور‑را‑تاهالن ءولا‑دا‑تاهالنت.

luqa 21:35

اشكو را‑يزري‑واسّ‑ان ف‑كولّو ءيمزدغن ن‑دّونيت.

irqqasn 10:2

ار‑يتعباد ربّي ييري بدّا ا‑ت‑يرضو، نتّان ءولا كولّو ايت‑تگمّي‑نس. ار‑ياكّا ما‑يگّوتن ءي‑يمژلاض ن‑ايت‑يودايا، ار‑بدّا‑يتژالّا ار‑يتضالاب ربّي.

1 kurintus 16:13

ضوفات تزگام غ‑وغاراس لّماسيح، تزعمّ تدوسم.

2 kurintus 4:14

نسّن ماياد باهرا: ربّي لّي‑د‑يسّنكرن سيديتنّغ ياسوع راد‑اغ‑يسّنكر ءولا نكُّني د‑ياسوع، ياوي‑اغ ديدون س‑دارس.

kulussi 4:2

زايدات ار‑بدّا‑تّژالّام ار‑تضالابم ربّي، ترارم لعاقل س‑ماد‑اس‑تّينيم ار‑تي‑تّشكارم باهرا.

1 tasaluniki 5:17

ار‑تّژالّام غ‑كرايگاتّ لوقت،

2 timutaws 4:5

ءيمّا كيّي ءيخصّا‑ك ا‑بدّا‑تغويت غ‑يخف‑نّك، تصبرت ءي‑ترفوفنت، ار‑تّخدامت س‑تبرّاحت لّخبار ءيفولكين. سكار كولّو ما‑د‑يقّانّ واد ءيگان اخدّام ن‑ربّي.

1 bṭrus 4:7

هاتي ياكمور‑د ءيسيگُّرا ن‑كولّو ما‑يلّان. رارات لعاقل تغويم غ‑يخف‑نّون باش ا‑تّژالّام ار‑تضالابم ربّي.

1 bṭrus 5:8

امژات غ‑يخف‑نّون ترارم لعاقل، اشكو ار‑يتلّي‑ونوّاش‑نّون ءيبليس زوند ءيزم، ار‑يندّر ار‑يسيگّيل س‑ما‑يقُّاي.

1 yuḥanna 2:28

ءيمّا غيلاد ا‑تاروا عزّانين، زايدات تزگام غ‑لماسيح، باش ا‑يزعم‑وول‑نّغ غاكود نّا‑د‑يوورّي ءيبايّن‑د، ءور‑را‑نيري ا‑زگيس‑نرگس.

yahuda 1:24

ءيمّا غوالّي ءيژضارن ا‑كُن‑ينجّا باش ا‑ور‑تضرم، ءيسّلكم‑كُن‑ين س‑لگدّام لّمجد‑نس س‑لفرح ءيگّوتن بلا گيگون ءيلّا كرا لّعيب، نتّان ا‑مي‑يلّا لمجد د‑تموغرا د‑تژضّارت د‑لقوّا غيلاد ءولا كولّو غايد ءيزرين ءولا كولّو مايد‑د‑يفتان. د‑غمكاد ا‑ف‑راد‑بدّا‑نتالغ غوالّي ءيگان ربّي انجّام‑نّغ س‑يسم ن‑سيديتنّغ ياسوع لماسيح، امين.

anurẓm 11:4

راد‑گن نتني زوند سنات‑تيزوتنا ءولا سين لقنادل، بيدّن غ‑لگدّام ن‑ربّي لّي‑يحكامن كولّو دّونيت.

anurẓm 6:17

اشكو ءيلكم‑د‑واسّ لّي‑باهرا‑يشقان ءيگ اسّ لّغاضاب‑نسن. ما‑را‑ييژضار ا‑گيس‑يبيدّ؟»

anurẓm 7:9

لّيغ ءيزري مايان سّماقّلغ‑ن ژرغ مدّن گّوتنين باهرا، ءور‑را‑ييژضار يان ا‑تن‑يحاسب. گان نتني زغ‑كولّو تيميزار د‑تقبيلين د‑تاسوتين د‑لّوغات ن‑دّونيت. بيدّن غ‑لگدّام لّعرش ءولا القّاغ س‑تملسا تومليلين، اسين تالضايين غ‑وفوس‑نسن.

anurẓm 8:2

ژرغ ءيلمّا سّا لّمالايكا لّي‑بيدّنين غ‑لگدّام ن‑ربّي، تّفكن‑اسن سّا ن‑نّفّارات.