luqa 21:34 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁴ «اويات‑ستّ غ‑يخف‑نّون ا‑ور‑تلهوم س‑ومشّو ءولا تيسّي ءولا تيغوفيوين ن‑تودرت‑اد، ا‑ور‑يميل ءيروح‑كُن‑د‑واسّ‑ان ءيغوي‑كُن زوند اگضيض لّي‑تغوي‑تژقّورت.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁴ «awiyat‑stt ġ‑ih̬f‑nnun a‑ur‑tlhum s‑umššu ula tissi ula tiġufiwin n‑tudrt‑ad, a‑ur‑imil iruḥ‑kʷn‑d‑wass‑an iġwi‑kʷn zund agḍiḍ lli‑tġwi‑tẓqqurt.

luqa 21:34 Iomraidhean Croise

matta 13:22

ءيمّا امود لّي‑يضرن غ‑وزگُّار، ءيگا نتّا زوند يان ءيسفلدن ءي‑واوال، والاينّي ءيدّا ياسي تيغوفيوين ن‑دّونيت ءيلهو س‑وايدا. غايان ا‑يشّقاجّين اوال ايلّيغ ءور‑د‑ييوي صّابت.

marqus 13:9

«اويات‑ستّ غ‑يخف‑نّون. را‑كُن‑دحاين س‑لمحكامات، سّغورشن‑كُن غ‑تگُمّا ن‑تژالّيت. را‑تبدّادم ف‑سّيبت‑ينو غ‑لگدّام لّحوكّام د‑يگلدان اد‑اسن‑تاكّام توگّا فلّا.

marqus 4:19

والاينّي دّان اسين تيغوفيوين ن‑دّونيت لهون س‑وايدا ءيرين تيغاوسيوين ياضني. غايان ا‑يشّقاجّين اوال‑ان ايلّيغ ءور‑د‑ييوي صّابت.

luqa 10:41

ءيساول سرس سيديتنّغ ييني‑اس: «مارتا، مارتا، ها‑كمّي توحلت باهرا، تهوّلت ءيخف‑نّم س‑كيگان د‑تغاوسيوين.

luqa 12:40

ءولا كونّي ءيلّا فلّاون ا‑بدّا‑توجادم، اشكو راد‑د‑اشكغ نكّي لّي‑يگان يوس ن‑بنادم غ‑كرا ن‑تاساعت لّي‑ور‑تغالم.»

luqa 17:3

اويات‑ستّ غ‑يخف‑نّون. ءيغ‑يسكر گماك كرا يُخشنّ، ساول سرس باش ا‑ور‑ت‑سول‑يسكر. ءيغ‑تُگراژ گماك ءيفل لخُشانت‑ان، صامح‑اس.

luqa 21:35

اشكو را‑يزري‑واسّ‑ان ف‑كولّو ءيمزدغن ن‑دّونيت.

luqa 21:8

ييني‑اسن ياسوع: «اويات‑ستّ غ‑يخف‑نّون ا‑كُن‑ور‑يجلو يان، اشكو گّوتن غويلّي را‑د‑ياشك اسين ءيسم‑ينو، كود يان ار‑يتّيني ءيزد نتّان ا‑يگان لماسيح ار‑يتّيني: ‹هاتي تروح‑د تاساعت.› والاينّي ا‑تن‑ور‑تضفورم.

luqa 8:14

ءيمّا غوالّي ءيضرن غ‑وزگُّار ءيگا زوند مدّن لّي‑سفلدنين ءي‑واوال، دّون ءيلمّا اسين تيغوفيوين ن‑دّونيت‑اد لهون س‑وايدا رشقن س‑تغاوسيوين ياضني. غايان ا‑يشّقاجّين اوال ايلّيغ ءور‑د‑ييوي صّابت.

1 kurintus 5:11

والاينّي ءوريغ‑اون تابرات‑ان اد‑اون‑ينيغ ا‑تّانفم ءي‑وانّا ءيگان ءيخف‑نس د‑گماتون امومن والاينّي ار‑يتفساد نغد ار‑يتامژ ما‑يگّوتن ءي‑يخف‑نس نغد ار‑يتعباد ءيلاهات ياضني نغد ار‑يرگّم غ‑وييّاض نغد ار‑يسّنوفول ءيخف‑نس س‑تيسّي ءيكتين نغد ار‑يتاكُر. وان غواد، انفات‑اس. ءولا تيرمت، ا‑ور‑تّ‑ديدس‑تدروم.

1 kurintus 6:10

نغد يان ءيشتّان وييّاض نغد يان دار ءيعزّا ا‑يتامژ ما‑يگّوتن ءي‑يخف‑نس نغد يان ءيتنوفولن س‑تيسّي نغد يان ءيرگّمن نغد يان ءيتاكُرن.

گالاطيّا 5:20

ار‑تعبادن ءيلاهات ن‑دّونيت‑اد ار‑سكارن سّيحر، ار‑تكرهون ار‑تژين ار‑تنوّاشن ار‑تبزاگن ف‑ينگراتسن، ار‑تّيرين اد‑اگُرن وييّاض، ار‑تمّاغن د‑وانّا ءور‑زگيسن‑يگين، ار‑رگّمن وانّا ءور‑ديدسن‑يبيدّن،

filibbi 4:6

ا‑ور‑تاسيم تاغوفت ف‑كرا، والاينّي تژّالّات ار‑تّضالابم ربّي ف‑كرايگاتّ كرا، ار‑تي‑تّشكارم ار‑اس‑تّينيم ف‑اينّا‑كُن‑يخصّان.

iɛbrin 12:15

اويات‑ستّ غ‑يخفاون‑نّون ا‑ور‑يجلو يان گيگون زغ‑لباراكا ن‑ربّي، ءولا ءيمغي‑د‑وامود ن‑واسمّوم غ‑گراتون، ارد ءيسّدووي مدّن ءيسّهرش ما‑يگّوتن.

2 bṭrus 3:10

والاينّي اسّ ن‑سيديتنّغ را‑د‑ياشك زوند امخّار. راد‑يتّين ءيگنوان س‑يجّيج ءيتجهّدن، ءيفنو كولّو ما‑گيسن‑يلّان س‑لعافيت، تجدر اكال ءولا كولّو ما‑گيس‑سكرن مدّن.

2 bṭrus 3:14

ءيمّا غيلاد غ‑ا‑تّقلم س‑ماياد، اي‑ايتما عزّانين، گات‑ن تيقّي‑نّون ا‑بدّا‑تيلي سّلامت غ‑گراتون د‑ربّي، بلا گيگون ءيلّا كرا لّعيب ءولا كرا يُخشنّ غ‑وولاون‑نّون.

anurẓm 3:3

سوانگم‑د ما‑تلمدت ءولا مايلّي مي تسفلدت غايد ءيزرين. سكار سرس، توورّيد‑د زغ‑دّنوب‑نّك. ءيغ‑ور‑ترورت لعاقل، هاتي را‑ن‑سرك‑اشكغ زوند امخّار، ءور‑را‑تيسّانت مان تاساعت غ‑را‑ك‑ين‑لكمغ.