luqa 21:19 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁹ بيدّات تزگام، غمكاد ا‑س‑را‑تنجمّ.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁹ biddat tzgam, ġmkad a‑s‑ra‑tnjmm.

luqa 21:19 Iomraidhean Croise

matta 10:22

را‑كُن‑تكرهون كولّو مدّن ف‑سّيبت ن‑ما‑تگام وينو، والاينّي وانّا ءيبيدّن ءيزگا ار ءيسيگُّرا را‑ينجم.

matta 24:13

ءيمّا وانّا ءيبيدّن ءيزگا ار ءيسيگُّرا را‑ينجم.

luqa 8:15

والاينّي غوالّي ءيضرن غ‑واكال ءيفولكين ءيگا زوند مدّن لّي‑سفلدنين ءي‑واوال ن‑ربّي امژن‑ت س‑نّييت ن‑وول‑نسن ءيغوسن، ار‑سرس‑سكارن بلا‑دا‑ترماين، فكن صّابت‑نسن.

ruma 15:4

كولّو ما‑يتياران غ‑ووسّان لّي‑زرينين، ءيتيارا باش ا‑نلمد نكُّني، نصبر نزعم نزگا غ‑رّجا ف‑سّيبت ن‑مايلّي ناقرا غ‑وارّاتن‑ان.

ruma 2:7

لّان كرا ن‑مدّن ار‑بدّا‑سكارن افولكي ار‑ن‑ترجون غ‑دار ربّي ا‑تن‑يسّاتّوي ار‑تن‑يسّيمغور ءيفك‑اسن تودرت ءيدومن. نتني راد‑اسن‑يفك ربّي تودرت لّيخرت.

ruma 5:3

والاينّي ءورد غير مايان ا‑س‑ا‑نتفراح. ار‑نتفراح ءولا س‑ترفوفنت نّا‑دارنّغ‑يلّان، اشكو نسّن ءيزد س‑ترفوفنت ا‑س‑را‑گينّغ‑يتزاياد صّبر.

ruma 5:4

ءولا س‑صّبر ا‑س‑را‑نتنرو تاسّاست نّا‑يلّان. ءولا س‑تنري ا‑س‑را‑دارنّغ‑ييلي رّجا.

ruma 8:25

والاينّي لّيغ ا‑نترجو غ‑مايلّي ءور‑تا‑نژري، هاتي ار‑سرس‑نتقل نزگا غ‑رّجا ارد‑اغ‑ييلي.

1 tasaluniki 1:3

ار‑د‑نسوينگيم غ‑لگدّام ن‑ربّي باباتنّغ مامنك ا‑كولّو‑تسكارم س‑ليمان‑نّون، ار‑تّخدامّ س‑لحنانت، تزگام غ‑رّجا ن‑سيديتنّغ ياسوع لماسيح.

2 tasaluniki 3:5

ءيمّا غيلاد، نضالب سيديتنّغ ا‑كُن‑يهدو باش ا‑تّحنّوم غمكلّي ءيتحنّو ربّي، ار‑تّصبارم غمكلّي ءيتصبار لماسيح.

iɛbrin 10:36

ءيخصّا‑كُن ا‑تصبرم ارد تكمّلم كولّو ما‑گيگون‑يرا ربّي، تكشمّ تيگيرا س‑مايلّي‑س‑اون‑ينّا راد‑اون‑ييلي.

iɛbrin 6:11

ءيمّا غيلاد نرا كود يان گيگون ا‑يتزاياد غمكان س‑زّعامت ار ءيسيگُّرا، باش ا‑تكشمّ كولّوكن س‑لباراكا لّي‑ن‑نترجو.

iɛbrin 6:15

ءيقل ءيبراهيم ءيصبر ايلّيغ‑اس‑يتياوفكا مايلّي‑س‑اس‑ينّا ربّي.

yaɛqub 1:3

اشكو تسّنم ءيغ‑تزريم غ‑تنوكموت سول‑تزگام غ‑وغاراس لّماسيح، را‑كُن‑يسّدوس مايان باش ا‑تيژضارم ا‑تّصبارم س‑وگُّار.

yaɛqub 1:4

ءيمّا غيلاد، زايدات تصبرم ارد تلكمّ تّمي باش ا‑تيمغورم تكمّلم بلا‑كُن‑يخصّا يات.

2 bṭrus 1:6

تزايدم ف‑تواسّنا ن‑ربّي ا‑بدّا‑تغويم غ‑يخف‑نّون، تزايدم ف‑مايان ا‑باهرا‑تزگام غ‑لحقّ، تزايدم ف‑مايان ا‑بدّا‑ترضوم ربّي،

anurẓm 1:9

ءيمّا نكّي يوحانّا گماتون د‑وسمون‑نّون غ‑تنوكموت ءولا تاگلديت ءولا صّبر لّي‑اغ‑يلّان س‑يسم ن‑ياسوع، لّيغ غ‑يگزير ن‑باطموس تياماژغ ف‑سّيبت ن‑تبرّاحت ن‑واوال ن‑ربّي ءولا ف‑توگّا ن‑ياسوع.

anurẓm 13:10

«وانّا‑د‑يقّانّ ا‑يتياماژ را‑يتياماژ. وانّا‑د‑يقّانّ ا‑يمّت س‑تاژّيت را‑يمّت س‑تاژّيت. مايان ا‑ف‑يلّا ف‑يمژلاين ن‑ربّي ا‑گيس‑امژن، زگان غ‑وغاراس‑نس.»

anurẓm 14:12

مايان ا‑ف‑يلّا ف‑يمژلاين ن‑ربّي اد‑صبرن زگان، ا‑تن‑يگان د‑ويلّي سكارنين س‑لوصيّات ن‑ربّي غوين‑بدّا غ‑ياسوع.

anurẓm 3:10

هاتي تصبرت تزگات غمكلّي‑ك‑وصّاغ. ف‑مايان ا‑ف‑را‑ك‑سّنتالغ غ‑تاساعت ن‑تنوكموت لّي‑را‑يزري ف‑دّونيت ا‑تارم كولّو ويلّي گيس زدغنين.