luqa 2:14 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁴ «ا‑ييلي لمجد ءي‑ربّي غ‑تاتّويت، تيلي سّلامت ءي‑ويلّي‑ف‑يرضا غ‑دّونيت.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁴ «a‑yili lmjd i‑rbbi ġ‑tattuyt, tili sslamt i‑willi‑f‑irḍa ġ‑ddunit.»

luqa 2:14 Iomraidhean Croise

matta 21:9

فرحن باهرا غويلّي زوارنين ءي‑ياسوع غ‑وغاراس ءولا غويلّي‑اس‑گُّرانين، ار‑تالّن اوال‑نسن ار‑تّينين: «هوصانّا ءي‑يوس ن‑داود. امباركي ا‑يگا غواد‑د‑يوشكان س‑يسم ن‑سيدي ربّي. هوصانّا غ‑يگنّا ياتّوين.»

luqa 1:79

ييسفيو ف‑ويلّي زدغنين غ‑تيلّاس د‑ومالو لّموت، ءيسّلكم ءيضارن‑نّغ س‑وغاراس ن‑سّلامت.»

luqa 19:38

ار‑تّينين: «امباركي ا‑يگا‑وگلّيد‑اد‑د‑يوشكان س‑يسم ن‑سيدي ربّي. سّلامت غ‑يگنّا د‑لمجد غ‑تاتّويت.»

luqa 2:13

بانّ‑د ءيلمّا ءيكابارن لّمالايكا گّوتنين د‑لمالاك، ار‑تالغن ربّي ار‑تّينين:

luqa 2:15

لّيغ وورّين لمالايكا س‑يگنوان ءينين ءيمكساون ءي‑نگراتسن: «نكرات ا‑ندّو س‑بيتلاحم ا‑نژر مايد‑ف‑اغ‑ينّا سيدي ربّي.»

luqa 3:22

ءيگّوز‑د فلّاس رّوح لقودوس غ‑سّيفت ن‑يان‑وتبير، ءيساول‑د يان‑واوال زغ‑يگنوان ييني: «كيّي تگيت ءيوي ءيعزّان. فرحغ سرك باهرا.»

yuḥanna 14:27

ءيمّا غيلاد فلغ‑اون سّلامت. سّلامت‑ينو ايد‑اون‑فكيغ. ءور‑را‑تيژضار دّونيت اد‑اون‑تّي‑تفك غمكلّي‑اون‑تّ‑فكيغ نكّي. ا‑ور‑تيكساضم ءولا تودجم تاغوفت ا‑تكشم س‑وولاون‑نّون.

yuḥanna 17:4

سّبايّنغ‑د لمجد‑نّك غ‑دّونيت‑اد، كمّلغ تاووري لّي‑يّي‑تفكيت.

yuḥanna 3:16

اشكو غونشكاد ا‑س‑يحنّا ربّي ف‑دّونيت ايلّيغ‑د‑يفكا غوالّي ءيگان يوس، ا‑د‑يكّيس ءي‑لهالاك كولّو وانّا سرس يومنّ، ءيشّكشم‑تن س‑تودرت ءيدومن.

irqqasn 10:36

غمكاد ا‑يگا‑واوال لّي‑د‑يوزن ربّي ءي‑مدّن‑نس ن‑ايت‑ياعقوب، ءيمل‑اسن‑د لخبار ءيفولكين ن‑سّلامت غ‑گراس ديدسن ف‑وودم ن‑ياسوع لماسيح لّي‑يگان سيديس ن‑كولّو ما‑يلّان.

ruma 5:1

ءيمّا غيلاد تلّا‑ياغ سّلامت غ‑گراتنّغ د‑ربّي ف‑وودم ن‑سيديتنّغ ياسوع لماسيح، اشكو ءيگا‑ياغ د‑ويد‑ف‑يرضا ف‑سّيبت ن‑ما‑سرس‑نومن.

afsus 1:6

ار‑ت‑باهرا‑نتالغ ف‑لحنانت‑اد ءيگّوتن لّي‑س‑اغ‑يبارك ف‑وودم ن‑يوس ءيعزّان

afsus 1:9

اشكو ءيسّبايّن‑اغ‑د تاغاوسا‑ياد ءينتلن، ءيمل‑اغ‑د ما‑يرا ا‑يسكر ءيرضو سرس ءيقصاد‑ت ف‑وفوس لّماسيح،

afsus 2:4

ءيمّا ربّي، تگّوت دارس رّحمت، ءيحنّو گينّغ س‑لحنانت‑نس ءيگّوتن،

afsus 2:7

باش ا‑يمل، غيلاد ءولا كولّو مايد‑د‑يفتان، منشك ا‑س‑باهرا‑تگّوت لحنانت‑نس لّي‑س‑اغ‑يبارك ف‑سّيبت لّماسيح ياسوع.

filibbi 2:11

ييني كرايگاتّ ءيلس: «ياسوع لماسيح ا‑يگان سيديس ن‑كولّو ما‑يلّان.» غمكاد ا‑س‑راد‑كولّو‑وقّرن لمجد ن‑ربّي باباتنّغ.

filibbi 2:13

اشكو ربّي ا‑بدّا‑گيگون‑يحكامن باش ا‑تّيريم ما‑ت‑يرضان ار‑سرس‑تسكارم.

kulussi 1:20

ف‑وودم‑نس ا‑ف‑يقصاد ربّي ا‑يرار ءي‑يخف‑نس كولّو ما‑يلّان غ‑واكال ءولا غ‑يگنوان، ءيسكر سّلامت غ‑گراس د‑مدّن ف‑سّيبت ن‑يدامّن لّماسيح لّي‑فّينين لّيغ ءيمّوت ف‑وگّجدي.

2 tasaluniki 2:16

ار‑نتالغ سيديتنّغ ياسوع لماسيح د‑ربّي باباتنّغ لّي‑فلّانّغ‑يحنّان ءيبارك‑اغ ءيفك‑اغ زّعامت ءيدومن ءولا رّجا ءيصحان.

anurẓm 5:13

سفلدغ غاكودان ءي‑كولّو ما‑يخلق ربّي غ‑يگنّا ءولا غ‑واكال ءولا غ‑دّو‑واكال ءولا غ‑ومدا، سفلدغ ءي‑كولّو ما‑يدّرن غ‑كرايگاتّ ماني ار‑تّينين: «ا‑ييلي لحمد د‑تّوقير د‑لمجد د‑لقوّا ءي‑والّي ءيسكيوسن ف‑لعرش ءولا ءي‑ولقّاغ، غيلاد ءولا كولّو مايد‑د‑يفتان.»