luqa 18:12 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹² ها‑يّي ار‑تاژومغ كرايگاتّ كراض‑ووسّان، ار‑اكّاغ تيس مراوت ن‑كولّو ما‑داري‑يلّان.›

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹² ha‑yyi ar‑taẓumġ kraygatt kraḍ‑uwssan, ar‑akkaġ tis mrawt n‑kullu ma‑dari‑illan.›

luqa 18:12 Iomraidhean Croise

matta 5:20

راد‑اون‑ينيغ، ءيغ‑ور‑ترضيم ربّي ءوگُّار ن‑يمسلمدن ن‑شّرع د‑يفاريسين ءور‑اكُّ‑را‑تيژضارم ا‑تكشمّ س‑تگلديت ن‑يگنّا.

matta 6:1

«رارات لعاقل ا‑ور‑تّيريم ا‑تسكارم ءيفولكيتن‑نّون غ‑لگدّام ن‑مدّن باش ا‑كُن‑ژرن. اشكو ءيغ‑ا‑تسكارم غمكان ءور‑راد‑اون‑تيلي كرا لّباراكا دار باباتون لّي‑يلّان غ‑يگنّا.

matta 6:16

«ءيغ‑ا‑تّاژومّ ا‑ور‑تسكارم زوند ايت‑سين‑وودماون لّي‑كّرسنين ءيگنزي‑نسن باش اد‑سّبايّنّ ءي‑مدّن ءيس‑اژومن. لحقّ ا‑راد‑اون‑ينيغ، مايان كا‑راد‑اسن‑ييلي.

matta 6:5

«ءيغ‑را‑تژّالّم ا‑ور‑تگم زوند ايت‑سين‑وودماون لّي‑دار‑يعزّا اد‑تبدّادن ار‑تژالّان غ‑تگُمّا ن‑تژالّيت ءولا غ‑گر‑تسواك باش ا‑تن‑ژرن مدّن. لحقّ ا‑راد‑اون‑ينيغ، مايان كا‑راد‑اسن‑ييلي.

matta 9:14

اشكين‑د ءيمحضارن ن‑يوحانّا امسدّام س‑دار ياسوع ءينين‑اس: «ار‑نتاژوم نكُّني د‑يفاريسين. ماخ ايلّيغ ءور‑ا‑تاژومن ءيمحضارن‑نّك؟»

luqa 11:42

«وا‑يفاريسين، تاگوضي ا‑راد‑اون‑ييلي. ار‑تاكّام ءي‑ربّي يات زغ‑كرايگاتّ مراوت لّيقامت د‑وزوكُّني د‑كولّو ءيسافارن ياضني، والاينّي ار‑تتّوم لحقّ ءولا لحنانت ن‑ربّي. ها‑تيغاوسيوين‑اد ا‑فلّاون‑يلّان ا‑سرسنتي‑تسكارم بلا تفلم تييّاض.

luqa 17:10

ءولا كونّي، غاكود لّيغ تسكرم كولّو ما‑ف‑كُن‑يوصّا سيديتون ءيقّان‑كُن‑د ا‑تينيم: ‹ءيخدّامن كا‑نگا زوند وييّاض. ءور‑نسكير ابلا مايلّي فلّانّغ ءيلّان.› »

ruma 3:27

ءيس‑سول‑نژضار ا‑نتشكار ءيخف‑نّغ؟ ءوهو، ءور‑اكُّ‑نژضار ا‑نشكر ءيخف‑نّغ، اشكو ءور‑ا‑فلّانّغ‑يترضو ربّي ف‑سّيبت ن‑كرا نسكار والاينّي ف‑سّيبت ن‑ما‑نومن.

1 kurintus 1:29

غمكاد ا‑يقصاد ربّي باش ا‑ور‑ياف بنادم ما‑ف‑ا‑يتالغ ءيخف‑نس غ‑لگدّام ن‑ربّي.

گالاطيّا 1:14

غ‑ووسّان‑ان زوارغ ما‑يگّوتن غ‑ينگّان‑ينو ن‑ايت‑يودايا، اشكو عزّانت داري باهرا لعادات ن‑يمزوورا‑نّغ لّي‑زرينين.

afsus 2:9

ءورد ف‑سّيبت ن‑يفولكيتن‑نّون، باش ا‑ور‑يالغ يان ءيخف‑نس.

1 timutaws 4:8

اشكو يان ءيسّدوسن دّات‑نس، افولكي اين ءيسكر، والاينّي يان ءيسّدوسن رّوح‑نس س‑ما‑يرضان ربّي، راد‑اس‑يفولكي س‑وگُّار ءي‑تودرت‑نس ن‑دّونيت‑اد ءولا تين ليخرت.