luqa 18:11 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹¹ ءيبيدّ‑وفاريسي واحدوت، ءيژّالّ د‑يخف‑نس ييني: ‹وا‑ربّي، ار‑ك‑تشكارغ اشكو ءور‑گيغ زوند مدّن ياضني. نتني ار‑تاكُرن ار‑تغُشّان ار‑تفسادن. ار‑ك‑تشكارغ اشكو ءور‑اكُّ‑گيغ زوند بو‑نكّاس‑اد.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹¹ ibidd‑ufarisi waḥdut, iẓẓall d‑ih̬f‑ns yini: ‹wa‑rbbi, ar‑k‑tškarġ ašku ur‑giġ zund mddn yaḍni. ntni ar‑takʷrn ar‑tġʷššan ar‑tfsadn. ar‑k‑tškarġ ašku ur‑akkʷ‑giġ zund bu‑nkkas‑ad.

luqa 18:11 Iomraidhean Croise

matta 10:3

د‑فيليبّوس، د‑بارتولاماوس، د‑توما، د‑ماتّا لّي‑ستّين‑يكّان ءيگا بو‑نكّاس، د‑ياعقوب يوس ن‑حالفا، د‑تادّاوس،

matta 5:20

راد‑اون‑ينيغ، ءيغ‑ور‑ترضيم ربّي ءوگُّار ن‑يمسلمدن ن‑شّرع د‑يفاريسين ءور‑اكُّ‑را‑تيژضارم ا‑تكشمّ س‑تگلديت ن‑يگنّا.

matta 6:5

«ءيغ‑را‑تژّالّم ا‑ور‑تگم زوند ايت‑سين‑وودماون لّي‑دار‑يعزّا اد‑تبدّادن ار‑تژالّان غ‑تگُمّا ن‑تژالّيت ءولا غ‑گر‑تسواك باش ا‑تن‑ژرن مدّن. لحقّ ا‑راد‑اون‑ينيغ، مايان كا‑راد‑اسن‑ييلي.

marqus 11:25

غاكود نّا‑تبيدّم ار‑تّژالّام، صامحات ءي‑وانّا گيگون ءيسكرن كرا يُخشنّ، باش اد‑اون‑يصامح باباتون لّي‑يلّان غ‑يگنّا ءولا كونّي ف‑دّنوب‑نّون.»

luqa 20:47

ار‑شتّان تيگُمّا ن‑تهجّالين، ار‑سّيغزّيفن تيژولّا‑نسن باش اد‑سّبايّنّ ءيخفاون‑نسن ءيس‑فولكين. نتني را‑فلّاسن‑يتّوت لحوكم ن‑ربّي س‑وگُّار.»

luqa 22:41

ءيفل‑تن ءيفتو ياگّوگ‑ن فلّاسن ما‑يتگّان كّوژ ءيد‑مراو ن‑وژمّوژل، ءيضر ف‑يفادّن‑نس ار‑يتژالّا،

گالاطيّا 3:10

كولّو ويلّي ءيتّيرين اد‑رضون ربّي س‑يسكّيرن ن‑شّرع، هاتي غ‑دّو لحوكم ا‑غ‑سول‑قامان. اشكو ءيتيارا: «ربّي را‑يوت لحوكم س‑جهنّاما ف‑كرايگاتّ يان ءور‑يسكارن س‑كولّو ما‑يتياران غ‑وارّاتن ن‑شّرع.»

filibbi 3:6

ءيعزّو‑داري‑وغاراس‑ان باهرا، ايلّيغ ا‑سّرفوفونغ ايت‑ومناگّار لّماسيح. ار‑سكارغ كولّو ما‑فلّا‑يلّان باش اد‑ترضوغ ربّي س‑وفولكي لّي‑يگان وين شّرع.

anurẓm 3:17

ها‑كيّي ار‑تّينيت «لاباس گيگي. ءيگّوت داري لخير. ءور‑حتاجّاغ يات.» والاينّي ءور‑اكُّ‑تسّينت مامنك ا‑تضعفت تهرشت تژلضت تبوكضت تقامات بلا تيملسيت.