luqa 16:3 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ ءيسوانگم‑وخدّام، ييني د‑يخف‑نس: ‹ما‑راد‑سكرغ؟ را‑يّي‑يسّوفغ سيدي. ءور‑دوسغ باش اد‑قّازغ اكال، د‑ور‑رضيغ ا‑تضالابغ مدّن.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ iswangm‑uh̬ddam, yini d‑ih̬f‑ns: ‹ma‑rad‑skrġ? ra‑yyi‑issufġ sidi. ur‑dusġ baš ad‑qqazġ akal, d‑ur‑rḍiġ a‑tḍalabġ mddn.

luqa 16:3 Iomraidhean Croise

matta 20:8

لّيغ‑ن‑تضر تافوكت ءيساول باب ن‑يگر س‑ونگابال‑نس ييني‑اس: ‹غر‑د ءي‑يخدّامن تفكت‑اسن تيغراد‑نسن، تبدوت زغ‑ويلّي گُّرانين غ‑تووري ارد تلكمت غويلّي زوارنين.›

marqus 10:46

لكمن تامدينت ن‑اريحا. لّيغ ءيفّوغ ياسوع زغ‑اريحا نتّا د‑يمحضارن‑نس د‑مدّن گّوتنين، ييلي غين يان‑وبوكاض ءيسم‑نس بارتيماوس يوس ن‑تيماوس، ءيگاور غ‑تاما ن‑وغاراس ار‑يتضالاب.

luqa 12:17

ءيسوانگم د‑يخف‑نس ار‑يتّيني: ‹ما‑راد‑سكرغ؟ ءور‑داري مانيغ ا‑سّمونوغ كولّو صّابت‑اد.›

luqa 16:2

ءيغر‑اس س‑دارس ييني‑اس: ‹ما‑يگا غايد مي فلّاك سفليدغ؟ اشك‑يد غيلاد، نحاساب ديدي س‑ما‑تسكرت س‑وايدا‑نو، اشكو ءور‑سول‑ريغ ا‑داري‑تخدمت.›

luqa 16:20

ييلي‑داغ يان‑ومژلوض ءيسم‑نس ليعازر، ار‑د‑يتّروس غ‑يمي ن‑تگمّي ن‑ورگاز‑ان. يوضن س‑يحبّا گّوتنين،

luqa 16:22

ءيمّت‑يلمّا‑ومژلوض‑لّي، اسين‑ت لمالايكا س‑تاما ن‑يبراهيم. ءيمّت بو‑وايدا ءيتياومضال،

luqa 16:4

سّنغ ما‑راد‑سكرغ باش ا‑يّي‑ن‑شّكشامن مدّن س‑دارسن ءيغ‑يّي‑يسّوفغ زغ‑تووري.›

luqa 18:4

منّاو‑ووسّان ءور‑يري لقاضي اد‑اس‑يسفلد، ءيميل ييني د‑يخف‑نس: ‹تاهجّالت‑اد ار‑بدّا‑يّي‑تسّيحيل. واخّا ءور‑كسوضغ ربّي ءولا‑دا‑ستّي‑تاويغ غ‑مدّن را‑ستّ‑فوكّوغ، ا‑ور‑سول‑دي‑تّاشكي اد‑يّي‑ترژ ءيخف.› »

yuḥanna 9:8

ار‑سّمقسان‑وادجارن‑نس نتني د‑ويلّي‑ت‑ژرانين ار‑يتضالاب، ار‑تّينين ءي‑نگراتسن: «ءيس‑ورد غوالّي ءيتگاوارن ار‑يتضالاب اياد؟»

irqqasn 3:2

ءيلّا غين يان‑ورگاز كوشمن‑اس ءيضارن زغ‑لّيغ ءيلول، ءيگاور غ‑تاما ن‑يمي ن‑تگمّي ن‑ربّي لّي‑مي‑تّينين ‹ءيمي ءيفولكين›. ار‑تي‑دي‑تاسين مدّن اسّ ف‑واسّ باش ا‑يتضالاب ءي‑ويلّي كشمنين س‑تگمّي ن‑ربّي.

irqqasn 9:6

ءيمّا غيلاد نكر تكشمت س‑تمدينت. راد‑اك‑يتياونّا ما‑ك‑يد‑يقّانّ ا‑تي‑تسكارت.»

2 tasaluniki 3:11

ءيمّا غيلاد نسفلد ءيس‑لّان كرا ن‑مدّن غ‑گراتون ءور‑ا‑سكارن يات، اگُين تاووري، ار‑كشّمن غير سّوق ن‑وييّاض.