luqa 16:15 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁵ ءيمّا نتّا ءيرور‑اسن: «ها‑كونّي ار‑تمالام ءيخفاون‑نّون غ‑لگدّام ن‑مدّن باش ا‑فلّاون‑تّينين تفولكيم، والاينّي ربّي ءيسّن ما‑يلّان غ‑وولاون‑نّون. اشكو غايلّي ءيعزّان دار مدّن، تاجلخيت ا‑يگا دار ربّي.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁵ imma ntta irur‑asn: «ha‑kunni ar‑tmalam ih̬fawn‑nnun ġ‑lgddam n‑mddn baš a‑fllawn‑ttinin tfulkim, walaynni rbbi issn ma‑illan ġ‑uwlawn‑nnun. ašku ġaylli iɛzzan dar mddn, tajlh̬it a‑iga dar rbbi.

luqa 16:15 Iomraidhean Croise

matta 23:5

كولّو ءيسكّيرن‑نسن ار‑تن‑سكارن باش ا‑تن‑ژرن وييّاض. ار‑سّيمغورن لحروز ن‑يگنزي‑نسن، ار‑سّيغزّيفن تاميو ن‑يسلهامن‑نسن.

matta 6:16

«ءيغ‑ا‑تّاژومّ ا‑ور‑تسكارم زوند ايت‑سين‑وودماون لّي‑كّرسنين ءيگنزي‑نسن باش اد‑سّبايّنّ ءي‑مدّن ءيس‑اژومن. لحقّ ا‑راد‑اون‑ينيغ، مايان كا‑راد‑اسن‑ييلي.

matta 6:2

ءيغ‑تفكيت ءي‑كرا ن‑ومژلوض، ا‑ور‑توتّ نّاقوس باش ا‑ك‑ژرن مدّن. هان غمكان اد‑سكارن ايت‑سين‑وودماون غ‑تگُمّا ن‑تژالّيت ءولا غ‑تسواك باش ا‑تن‑الغن وييّاض. لحقّ ا‑راد‑اون‑ينيغ، مايان كا‑راد‑اسن‑ييلي.

matta 6:5

«ءيغ‑را‑تژّالّم ا‑ور‑تگم زوند ايت‑سين‑وودماون لّي‑دار‑يعزّا اد‑تبدّادن ار‑تژالّان غ‑تگُمّا ن‑تژالّيت ءولا غ‑گر‑تسواك باش ا‑تن‑ژرن مدّن. لحقّ ا‑راد‑اون‑ينيغ، مايان كا‑راد‑اسن‑ييلي.

luqa 10:29

والاينّي امسلمد‑لّي ن‑شّرع ءيرا ا‑يسّبايّن ءيخف‑نس، ءيسقسا‑ت: «ما‑يگان ادجار‑ينو؟»

luqa 11:39

ءيساول سرس سيديتنّغ ييني‑اس: «وا‑كونّي ن‑يفاريسين ار‑تسّغوسم لكاس د‑تمكيلت زغ‑برّا، ءيمّا اگُنس ءيعمّر س‑تمخّارت د‑لخُشانت.

luqa 18:11

ءيبيدّ‑وفاريسي واحدوت، ءيژّالّ د‑يخف‑نس ييني: ‹وا‑ربّي، ار‑ك‑تشكارغ اشكو ءور‑گيغ زوند مدّن ياضني. نتني ار‑تاكُرن ار‑تغُشّان ار‑تفسادن. ار‑ك‑تشكارغ اشكو ءور‑اكُّ‑گيغ زوند بو‑نكّاس‑اد.

luqa 18:14

راد‑اون‑ينيغ، لّيغ وورّين س‑تگُمّا‑نسن، بو‑نكّاس‑ان ا‑ف‑يرضا ربّي، ءورد افاريسي. اشكو وانّا ءيسّيمغورن ءيخف‑نس را‑ت‑يژّيمژاي ربّي، ءيمّا وانّا ءيژّيمژاين ءيخف‑نس را‑ت‑يسّيمغور.»

luqa 18:21

ييني‑اس‑ونمغور: «ماياد كولّوت ار‑ت‑سكارغ زغ‑لّيغ مژّيغ سول س‑غيلاد.»

luqa 18:9

ءيزايد ياسوع ءيساول س‑كرا ن‑مدّن لّي‑يعجب ءيخف‑نسن، غالن ءيس‑فولكين ار‑تحگارن وييّاض. يوت‑اسن لمعنا‑ياد ييني‑اسن:

luqa 20:20

سول‑ت‑گابلن، ازنّ‑د كرا ن‑يرگازن اد‑سكارن زوند ءيغ‑ا‑تّيرين اغاراس ن‑ربّي، والاينّي ران غير اد‑امژن ياسوع ف‑واوال‑نس باش ا‑ت‑ين‑دحين ءي‑لحاكم ن‑رّومان ا‑فلّاس‑يحكام.

luqa 20:47

ار‑شتّان تيگُمّا ن‑تهجّالين، ار‑سّيغزّيفن تيژولّا‑نسن باش اد‑سّبايّنّ ءيخفاون‑نسن ءيس‑فولكين. نتني را‑فلّاسن‑يتّوت لحوكم ن‑ربّي س‑وگُّار.»

yuḥanna 2:25

ءور‑يحتاجّا ماد‑اس‑ياكّان توگّا ف‑بنادم، اشكو ءيسّن ما‑يلّان غ‑بنادم.

yuḥanna 21:17

ءيسقسا‑ت ياسوع تيس كراطّ‑توال: «وا‑سيمعان يوس ن‑يونا، ءيس‑دارك‑عزّاغ؟» طيّر ءيلمّا ءي‑بطرُس اشكو ءينّا‑ياس تيس كراطّ‑توال «ءيس‑دارك‑عزّاغ؟» ءيساول ييني‑اس: «ا‑سيدي، تسّنت كولّو ما‑يلّان. تسّنت ءيس‑داري‑تعزّات.» ييني‑اس‑د ياسوع: «كس ءولّي‑نو.

irqqasn 1:18

ءيسغا ياهودا يان‑يگر س‑تغراد لّي‑يومژ ف‑لباضل، ءيضر‑ن غ‑يگر‑نس ءيمّت، ءيفرسي‑واحليگ‑نس فّين‑د‑وادان‑نس غ‑واكال.

irqqasn 1:24

ژّالّن ءيلمّا ءينين: «وا‑سيديتنّغ، تسّنت ءولاون ن‑كولّو مدّن. مل‑اغ غيلاد مانوا غ‑سين‑اد ا‑يگان غوالّي تستيت

irqqasn 15:8

ربّي ءيسّنّ ما‑يلّان غ‑وول ن‑كولّو مدّن، ءيمل‑اغ غاكودان ءيس‑يرضا ف‑يبرّانيين، اشكو ءولا نتني ءيفكا‑ياسن رّوح لقودوس غمكلّي‑اغ‑ت‑يفكا نكُّني.

ruma 3:20

اشكو ءور‑يژضار يان ا‑يسكر سّلامت غ‑گراس د‑ربّي س‑يسكّيرن ن‑شّرع. والاينّي شّرع اد‑اغ‑يمالان ما‑يگان دّنوب.

ruma 8:27

ءيمّا ربّي لّي‑يژرّان ما‑يلّان غ‑وولاون‑نّغ، ءيسّن ما‑يقصاد رّوح. اشكو رّوح ار‑يتضالاب ف‑يمژلاين ن‑ربّي غمكلّي ءيتّيري ربّي.

1 kurintus 4:5

ماياد ا‑ف‑كُن‑يخصّا ا‑ور‑تّينيم ف‑يان ءيس‑يُخشن، اشكو ءور‑تا‑د‑يلكيم‑وزمز لّحوكم. والاينّي غاكود نّا‑د‑يوشكا سيديتنّغ را‑يفاو كولّو ما‑يرگسن غ‑تيلّاس، ءيسّبايّن‑د ءولا ءيسوينگيمن لّي‑نتلنين غ‑وولاون ن‑مدّن. غاكودان ا‑را‑يفك ربّي رّضا‑نس ءي‑كود يان د‑ما‑ت‑يد‑يوشكان.

1 bṭrus 3:4

والاينّي ءيخصّا ا‑يگ‑وفولكي‑نّونت افولكي ءينتلن ن‑وول ءيهنّان ءيعمّرن س‑لحنانت. ءور‑سار‑يضر‑وفولكي‑اد، ءيعزّو باهرا دار ربّي.

1 bṭrus 5:5

غمكان ءولا كونّي ا‑يعيّالن، ءيلّا فلّاون ا‑تسفليدم س‑يمغارن‑نّون. بكيسات كولّوكن س‑تبانّكا ن‑صّبر باش ا‑تّخدامّ ءي‑نگراتون. اشكو ءيتيارا: «ربّي ار‑يتضاضّا وانّا ءيسّيمغورن ءيخف‑نس، ار‑يتباراك وانّا ءيژّيمژاين ءيخف‑نس.»

anurẓm 2:23

راد‑وتغ تاروا‑نس س‑لموت. غاكودان ا‑راد‑ژرن ايت‑يمناگّارن كولّوتن ءيس‑گيغ واد ءيسّنّ كولّو ماد‑سوينگيمن مدّن ءولا ما‑تّيرين غ‑وول‑نسن. راد‑رارغ ءي‑كرايگاتّ يان گيگون ف‑ما‑يسكر.