luqa 16:11 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹¹ ءيغ‑ور‑تسكيرم س‑نّييت س‑وايدا ن‑دّونيت‑اد ما‑را‑يفل غ‑وفوس‑نّون مايلّي ءيهيّان س‑وگُّار؟

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹¹ iġ‑ur‑tskirm s‑nniyt s‑wayda n‑ddunit‑ad ma‑ra‑ifl ġ‑ufus‑nnun maylli ihiyyan s‑uggʷar?

luqa 16:11 Iomraidhean Croise

matta 6:24

«ءور‑را‑ييژضار يان ا‑يقاسا سين ءيد‑سيديس. ءيمّا را‑يكرهو يان ييري وايّاض، نغد را‑يتوقّار يان ءيحگر وايّاض. ءور‑را‑تيژضارم ا‑تگم ءيسمگان ن‑ربّي د‑وين‑وايدا.

luqa 12:33

زّنزات ما‑تطّافم تبضوم‑ت ءي‑يمژلاض. سكارات ءي‑يخف‑نّون ءيقربان لّي‑ور‑را‑يمدو، ييلي‑اون‑وايدا غ‑يگنّا ءيلّيغ ءور‑را‑زگيس‑يتياتّاي يات، ءولا ءيروح‑ت‑ومخّار، ءولا تشّا‑ت‑تووكّا.

luqa 16:12

ءيغ‑ور‑تسكيرم س‑نّييت س‑ما‑يگان وين وييّاض ما‑راد‑اون‑يفك ما‑يگان وينّون؟

luqa 16:9

راد‑اون‑ينيغ، سكارات‑اون ءيمدّوكُّال س‑وايدا ن‑دّونيت‑اد، ا‑كُن‑ين‑شّكشمن س‑تگُمّا لّيخرت غاكود نّا‑يتمّا‑وايدا.

luqa 18:22

لّيغ ءيسفلد ياسوع ءي‑ماياد ييني‑اس: «يات‑تغاوسا اد‑اك‑يقامان. زايد تزّنزت كولّو ماد‑دارك‑يلّان تفكت‑ت ءي‑يمژلاض، ييلي‑اك‑وايدا غ‑يگنّا. تاشكيد‑د ءيلمّا تمونت ديدي.»

afsus 3:8

واخّا مژّيغ باهرا غ‑گر كولّو ءيمژلاين ن‑ربّي، ءيفكا‑يّي لباراكا‑ياد اد‑تبرّاحغ ءي‑ايت‑تميزار ن‑دّونيت ف‑تميخار لّماسيح لّي‑وگُرنين كولّو ءيسوينگيمن ن‑بنادم.

yaɛqub 2:5

سفلدات اي‑ايتما عزّانين. ءيس‑ور‑تسّينم ماياد؟ ربّي ءيستي غويلّي دار ما‑يدروسن غ‑دّونيت اد‑دارسن‑ييگات ليمان، كشمن س‑لوورت ن‑تگلديت لّي‑ف‑ينّا را‑ت‑يفك ءي‑ويلّي رانين ربّي.

anurẓm 3:18

راد‑اك‑ينيغ يوف‑اك ا‑زغ‑داري‑تسغت ءورغ لّي‑يصفان س‑لعافيت ف‑ا‑دارك‑نّيت‑ييلي لخير. تسغت زغ‑داري ءولا تيملسا تومليلين ف‑ا‑تلست تدلت لعيب ن‑دّات‑نّك. تسغت زغ‑داري ءولا اسافار ءي‑والّن‑نّك ف‑ا‑تيسفيوت.