luqa 15:8 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ «ما‑را‑تسكر‑تمغارت نّا‑يطّافن مراو ن‑وقاريد ن‑نّوقرت ءيغ‑اس‑يجلا يان گيسن؟ را‑تسّرغ لقنديل تارس كولّو تيگمّي ار‑سرس‑تسيگّيل ارد‑تي‑تاف.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ «ma‑ra‑tskr‑tmġart nna‑iṭṭafn mraw n‑uqarid n‑nnuqrt iġ‑as‑ijla yan gisn? ra‑tssrġ lqndil tars kullu tigmmi ar‑srs‑tsiggil ard‑ti‑taf.

luqa 15:8 Iomraidhean Croise

matta 5:15

ءور‑ا‑سّرغان مدّن لقنديل ا‑ت‑ين‑سرسن غ‑دّو لعبرت، والاينّي ف‑يگّي ن‑ماني ياتّوين ا‑ف‑ا‑ت‑ين‑سراسن باش اد‑يسفيون كولّو ايت‑تگمّي.

luqa 15:7

غمكاد ا‑س‑راد‑اون‑ينيغ، راد‑فرحن ايت‑يگنوان س‑يان‑ن‑يفلن كولّو ما‑يسكار يُخشن يوورّي‑د س‑وغاراس ن‑ربّي ءوگُّار ن‑تژا ن‑يد‑مراو د‑تژا لّي‑غالنين ءيس‑شوان ءور‑تن‑يخصّا اد‑فلن دّنوب‑نسن.

luqa 15:9

غاكود نّا‑تي‑توفا را‑دي‑تغر ءي‑تمدّوكُّالين‑نس د‑تادجارين‑نس تيني‑اسنت: ‹اشكامد‑د تفرحمت ديدي، ها‑يّي ءوفيغ اقاريد لّي‑يّي‑يجلان.›

luqa 19:10

ءوشكيغ‑د نكّي لّي‑يگان يوس ن‑بنادم اد‑سيگّلغ س‑ويلّي جلانين جّنجمغ‑تن.»

yuḥanna 10:16

داري ءولّي ياضني، ءور‑ا‑دي‑تمونونت غ‑زّريبت‑اد، ءيقّان‑يّي‑د ا‑تند‑د‑سّمونغ ءولا نتنتي. راد‑سفلدنت س‑واوال‑ينو، تيلي يات‑تووروت ييلي يان‑ومكسا.

yuḥanna 11:52

ءيمّا ياسوع، ءورد غير ايت‑تمازيرت‑ان ا‑ف‑را‑يمّت، والاينّي را‑د‑يسّمون تاروا ن‑ربّي لّي‑اكوتنين غ‑كولّو دّونيت باش اد‑كولّو‑گن يان.

irqqasn 19:19

كيگان د‑يسحّارن ا‑د‑يسّمونّ ارّاتن‑نسن جدرن‑تن غ‑لگدّام ن‑مدّن. لّيغ حاسبن اتيگ ن‑وارّاتن‑ان، افن‑ين سمّوس ءيد‑مراو ن‑يد‑والف (000‏.50) ن‑وقاريد ن‑نّوقرت.

afsus 2:17

لّيغ‑د‑يوشكا لماسيح ياوي‑د لخبار ن‑سّلامت ءي‑كونّي لّي‑ن‑اگّوگنين، والا ءي‑نكُّني لّي‑سرس‑اكمورنين.