luqa 15:7 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁷ غمكاد ا‑س‑راد‑اون‑ينيغ، راد‑فرحن ايت‑يگنوان س‑يان‑ن‑يفلن كولّو ما‑يسكار يُخشن يوورّي‑د س‑وغاراس ن‑ربّي ءوگُّار ن‑تژا ن‑يد‑مراو د‑تژا لّي‑غالنين ءيس‑شوان ءور‑تن‑يخصّا اد‑فلن دّنوب‑نسن.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁷ ġmkad a‑s‑rad‑awn‑iniġ, rad‑frḥn ayt‑ignwan s‑yan‑n‑ifln kullu ma‑iskar yʷh̬šn iwrri‑d s‑uġaras n‑rbbi uggʷar n‑tẓa n‑id‑mraw d‑tẓa lli‑ġalnin is‑šwan ur‑tn‑ih̬ṣṣa ad‑fln ddnub‑nsn.

luqa 15:7 Iomraidhean Croise

matta 18:13

راد‑اون‑ينيغ، غاكود نّا‑ستّ‑يوفا را‑سرس‑يفرح ءوگُّار ن‑تژا ن‑يد‑مراو د‑تژا لّي‑ور‑جلينين.

matta 3:8

سكارات افولكي باش ا‑يبان ءيس‑تفلم ما‑يُخشنّ.

luqa 15:10

غمكاد ا‑س‑راد‑اون‑ينيغ، ار‑تفراحن لمالايكا ن‑ربّي س‑يان‑ن‑يفلن كولّو ما‑يسكار يُخشن يوورّي‑د س‑وغاراس ن‑ربّي.»

luqa 15:29

ءيمّا نتّا ءيرور‑اس: ‹هاتي منّاو ءيسگُّاسن ايد دارك كّاتغ تامّارا، ار‑بدّا‑سكارغ س‑واوال‑نّك، والاينّي ءور‑جّو‑يّي‑تفكيت واخّا غير تيكروت ا‑سرس‑فرحغ نكّي د‑يمدّوكُّال‑ينو.

luqa 15:32

ءيفولكي ا‑نفرح ار‑نشتّا اشكو گماك لّي‑يمّوتن هاتي ءيدّر، غوالّي ءيجلان هاتي نوفا‑ت.› »

luqa 15:6

ءيروح‑د تيگمّي ءيغر‑د ءي‑يمدّوكُّال‑نس د‑وادجارن‑نس ييني‑اسن: ‹اشكاد‑د تفرحم ديدي، ها‑يّي ءوفيغ تاهرويت لّي‑يّي‑يجلان.›

luqa 15:8

«ما‑را‑تسكر‑تمغارت نّا‑يطّافن مراو ن‑وقاريد ن‑نّوقرت ءيغ‑اس‑يجلا يان گيسن؟ را‑تسّرغ لقنديل تارس كولّو تيگمّي ار‑سرس‑تسيگّيل ارد‑تي‑تاف.

luqa 16:15

ءيمّا نتّا ءيرور‑اسن: «ها‑كونّي ار‑تمالام ءيخفاون‑نّون غ‑لگدّام ن‑مدّن باش ا‑فلّاون‑تّينين تفولكيم، والاينّي ربّي ءيسّن ما‑يلّان غ‑وولاون‑نّون. اشكو غايلّي ءيعزّان دار مدّن، تاجلخيت ا‑يگا دار ربّي.

luqa 5:32

ءور‑د‑وشكيغ ا‑ن‑غرغ ءي‑ويلّي غالنين ءيس‑فولكين، والاينّي ءوشكيغ‑د ا‑ن‑غرغ ءي‑ويلّي أُخشنّين، اد‑فلن لخُشانت‑نسن.»

ruma 7:9

ءولا نكّي كّيغ‑تّين دّرغ لّيغ ءور‑تا‑سّينغ شّرع، والاينّي غاكود لّيغ سفلدغ ءي‑لوصيت بدون دّنوب ار‑گيگي‑تمغاين ايلّيغ‑يّي‑سّروحن ءي‑لموت.