luqa 13:16 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁶ ها‑تامغارت‑اد تگا ءيلّيس ن‑يبراهيم، ءيكرف‑تّ شيطان تام د‑مراو ن‑وسگُّاس اياد. ءيس‑ور‑تريم اد‑اس‑فسيغ غ‑واسّ ن‑وسونفو؟»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁶ ha‑tamġart‑ad tga illis n‑ibrahim, ikrf‑tt šiṭan tam d‑mraw n‑usggʷas ayad. is‑ur‑trim ad‑as‑fsiġ ġ‑wass n‑usunfu?»

luqa 13:16 Iomraidhean Croise

matta 4:10

ءيرار‑اس ياسوع: «ءيتّي‑ن زغ‑گيگي ا‑شيطان، اشكو ءيتيارا ‹ربّي سيديك ا‑مي‑تّسجادت، د‑نتّان واحدوت ا‑تّعبادت.› »

marqus 2:27

ءيزايد ياسوع ييني‑اسن: «ربّي ءيسكر اسّ ن‑وسونفو ف‑سّيبت ن‑بنادم، ءورد بنادم ف‑سّيبت ن‑واسّ ن‑وسونفو.

luqa 16:24

ءيغر‑اس: ‹وا‑بابا ءيبراهيم، حنّو گيگي. ها‑يّي غ‑لعافيت‑اد ار‑باهرا‑ترفوفونغ. ازن ليعازر ا‑د‑يسّايك اضاض‑نس امان، ءيسّيلويغ ءيلس‑ينو.›

luqa 19:9

ءيساول ياسوع ييني‑اس: «غاسّاد ءيلكم‑د‑وجنجم ن‑ربّي تيگمّي‑اد، اشكو يومن غواد ءولا نتّا غمكلّي يومن باباتنّغ ءيبراهيم.

luqa 3:8

سكارات افولكي باش ا‑يبان ءيس‑تفلم ما‑يُخشنّ. ا‑ور‑تّينيم ءي‑نگراتون ‹نكُّني نگا تاروا ن‑يبراهيم،› اشكو راد‑اون‑ينيغ، ربّي ءيژضار ا‑د‑يسّنكر تاروا ءي‑يبراهيم ءولا زغ‑يژران‑اد.

yuḥanna 8:44

وين باباتون ءيبليس ا‑تگام، ار‑تّيريم ا‑تسكارم ما‑يرضان باباتون. ءيگا واد ءينقّان زغ‑يسيزوار، ءور‑جّو‑يسكير س‑لحقّ اشكو لحقّ ءور‑دارس‑يلّي. غاكود نّا‑يسّكاركس ار‑يسكار س‑ما‑گيس‑يلّان، اشكو بو‑تكركاس ا‑يگا، ءيگ باباس ن‑كولّو ما‑يسّكيركيسن.

irqqasn 13:26

«واي‑ايتما زغ‑تاسوت ن‑يبراهيم د‑يبرّانيين لّي‑تعبادنين ربّي، نكُّني كولّواغ ا‑مي‑د‑يوزن ربّي اوال ف‑مامنك ا‑راد‑اغ‑يجّنجم.

2 timutaws 2:26

نجمن س‑لمعقول زغ‑تژقّورت ن‑يبليس لّي‑تن‑يغوين باش اد‑سكارن ما‑يرا.