luqa 11:42 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴² «وا‑يفاريسين، تاگوضي ا‑راد‑اون‑ييلي. ار‑تاكّام ءي‑ربّي يات زغ‑كرايگاتّ مراوت لّيقامت د‑وزوكُّني د‑كولّو ءيسافارن ياضني، والاينّي ار‑تتّوم لحقّ ءولا لحنانت ن‑ربّي. ها‑تيغاوسيوين‑اد ا‑فلّاون‑يلّان ا‑سرسنتي‑تسكارم بلا تفلم تييّاض.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴² «wa‑ifarisin, taguḍi a‑rad‑awn‑yili. ar‑takkam i‑rbbi yat zġ‑kraygatt mrawt l‑liqamt d‑uzukkʷni d‑kullu isafarn yaḍni, walaynni ar‑tettum lḥqq ula lḥnant n‑rbbi. ha‑tiġawsiwin‑ad a‑fllawn‑illan a‑srsnti‑tskarm bla tflm tiyyaḍ.

luqa 11:42 Iomraidhean Croise

matta 23:13

«تاگوضي ا‑راد‑اون‑ييلي ا‑يمسلمدن ن‑شّرع د‑يفاريسين. ايت‑سين‑وودماون ا‑تگام. ار‑تقّنم ءيمي ن‑تگلديت ن‑يگنّا ف‑مدّن، ءور‑ا‑دي‑تكشّمّ كونّي ءولا‑دا‑تّادجم غويلّي رانين اد‑د‑كشمن.

matta 23:23

«تاگوضي ا‑راد‑اون‑ييلي ا‑يمسلمدن ن‑شّرع د‑يفاريسين. ايت‑سين‑وودماون ا‑تگام. ار‑تاكّام ءي‑ربّي يات زغ‑كرايگاتّ مراوت لّيقامت د‑لبسباس د‑لكمّون، والاينّي ار‑تتّوم تينباضين تيمزوورا ن‑شّرع زوند لحقّ ءولا لامان ءولا لحنانت. ها‑تيغاوسيوين‑اد ا‑فلّاون‑يلّان ا‑سرسنتي‑تسكارم، بلا تفلم تييّاض.

matta 23:27

وا‑يد‑بو‑سين‑وودماون، تاگوضي ا‑راد‑اون‑ييلي ا‑يمسلمدن ن‑شّرع د‑يفاريسين. تگام زوند ءيمضّالن ملّولنين س‑لجير، ار‑تبانّ زغ‑برّا ءيس‑فولكين، ءيمّا اگُنس‑نسن ءيعمّر س‑يخسان ن‑ويلّي مّوتنين د‑كولّو ما‑يجلخن.

luqa 18:12

ها‑يّي ار‑تاژومغ كرايگاتّ كراض‑ووسّان، ار‑اكّاغ تيس مراوت ن‑كولّو ما‑داري‑يلّان.›

yuḥanna 5:42

والاينّي سّنغ مامنك ا‑تگام، ءور‑گيگون‑تلّي تايري ن‑ربّي.

1 yuḥanna 4:20

ءيغ‑ا‑يتّيني كرا ن‑يان «ار‑تّيريغ ربّي» والاينّي سول ا‑يتكرهو گماس، هاتي ار‑يسّكيركيس. اشكو ءيغ‑ور‑ا‑يتّيري گماس لّي‑يتمناد، مامنك ا‑را‑ييري ربّي لّي‑ور‑ا‑يتمناد؟