luqa 11:39 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁹ ءيساول سرس سيديتنّغ ييني‑اس: «وا‑كونّي ن‑يفاريسين ار‑تسّغوسم لكاس د‑تمكيلت زغ‑برّا، ءيمّا اگُنس ءيعمّر س‑تمخّارت د‑لخُشانت.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁹ isawl srs siditnnġ yini‑as: «wa‑kunni n‑ifarisin ar‑tssġusm lkas d‑tmkilt zġ‑brra, imma agʷns iɛmmr s‑tmh̬h̬art d‑lh̬ʷšant.

luqa 11:39 Iomraidhean Croise

matta 15:19

اشكو زغ‑وول‑نس ا‑زغ‑ا‑دي‑تفّوغن ءيسوينگيمن أُخشنّين ءولا تاناغا د‑زّنا د‑لفساد د‑تمخّارت د‑توگّا ن‑تكركاس د‑ترگّام.

matta 7:15

«رارات لعاقل اشكو راد‑د‑دارون‑اشكين كرا ن‑مدّن ار‑تّينين ءيس‑گان لانبيا والاينّي ار‑سّكيركيسن. ءوشّانّ اد‑گان، لسن‑د سرون تيملسيت ن‑وولّي باش ا‑كُن‑غوين.

luqa 16:15

ءيمّا نتّا ءيرور‑اسن: «ها‑كونّي ار‑تمالام ءيخفاون‑نّون غ‑لگدّام ن‑مدّن باش ا‑فلّاون‑تّينين تفولكيم، والاينّي ربّي ءيسّن ما‑يلّان غ‑وولاون‑نّون. اشكو غايلّي ءيعزّان دار مدّن، تاجلخيت ا‑يگا دار ربّي.

luqa 7:13

لّيغ‑تّ‑يژرا سيديتنّغ تقاما گيس باهرا، ييني‑اس: «اد‑ور‑تالّات.»

luqa 7:19

يازن‑تن س‑دار سيديتنّغ، يوصّا‑تن ا‑ت‑سقسان «ءيزد كيّي ا‑يگان غوالّي را‑د‑ياشك، نغد ا‑سول‑نتقل س‑يان ياضني؟»

yuḥanna 12:6

ءورد لهمّ ن‑يمژلاض ا‑ت‑ين‑يگان ايلّيغ ءينّا غمكاد. ءينّا‑ت اشكو امخّار ا‑يگا. نتّان ا‑دار‑يلّا صّندوق‑نسن، كرا‑ن‑گيس‑گان ار‑زگيس‑يتاكُر.

yuḥanna 13:2

ءيگاور د‑يمحضارن‑نس ار‑ديدسن‑يشتّا ءيمنسي. ييلي ديدسن ياهودا يوس ن‑سيمعان ءيسخاريوط لّي‑مي‑يسّموسّا ءيبليس ءول‑نس ار‑يسوينگيم ا‑يزّنز ياسوع.

irqqasn 5:3

ءينكر بطرُس ييني‑اس: «وا‑حانانيّا، ماخ ايلّيغ تودجيت شيطان ا‑يكشم س‑وول‑نّك باش ا‑تسّكاركست ف‑رّوح لقودوس تحضوت كرا زغ‑مايلّي تومژت غ‑يگر‑نّك؟

گالاطيّا 1:14

غ‑ووسّان‑ان زوارغ ما‑يگّوتن غ‑ينگّان‑ينو ن‑ايت‑يودايا، اشكو عزّانت داري باهرا لعادات ن‑يمزوورا‑نّغ لّي‑زرينين.

2 timutaws 3:5

راد‑ينين ءيزد ءيمومنّ اد‑گان، والاينّي ءور‑گيسن‑تلّي‑تحكيمت ءيتجهّدن ن‑ويلّي ءومنّين س‑ربّي. تانف ءي‑مدّن‑ان.

tiṭus 1:15

هاتي كولّو ما‑يلّان ءيغوس ءي‑ويلّي دار ءول ءيغوسن، والاينّي ءور‑يغوس يات دار ويلّي مي ركان‑وولاون‑نسن ءور‑رين اد‑امنّ. نتني ءيركا لعاقل‑نسن ءولا ول‑نسن.

yaɛqub 4:8

اكمورات‑ن س‑ربّي، ياكمور‑د سرون. وا‑كونّي لّي‑يسكارن دّنوب، سيردات ءيفاسّن‑نّون. وا‑كونّي لّي‑يكّاتن ف‑سين ءيغاراسن، سّغوسات ءولاون‑نّون