luqa 11:29 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²⁹ مونّ‑د مدّن گّوتنين ف‑ياسوع، ءيساول‑داغ ييني‑اسن: «ها‑تاسوت‑اد، تاسوت يُخشنّ ا‑تگا. ار‑تّضالاب يات‑تماتارت، والاينّي ءور‑راد‑اس‑تّياوفكا كرا ن‑تماتارت ابلا تاماتارت ن‑نّابي يونا.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²⁹ munn‑d mddn ggutnin f‑yasuɛ, isawl‑daġ yini‑asn: «ha‑tasut‑ad, tasut yʷh̬šnn a‑tga. ar‑ttḍalab yat‑tmatart, walaynni ur‑rad‑as‑ttyawfka kra n‑tmatart abla tamatart n‑nnabi yuna.

luqa 11:29 Iomraidhean Croise

matta 3:7

اشكين‑د دارس مدّن گّوتنين لّمدهب ن‑يفاريسين د‑وين ءيصادّوقين، ءيرين ءولا نتني اد‑دّمن غ‑وامان ف‑وفوس‑نس. ءيمّا نتّا لّيغ‑تن‑يژرا، ءيساول سرسن ييني‑اسن: «وا‑تاروا ن‑يفاغرن، ماد‑اون‑ينّان ءيزد غمكاد ا‑س‑را‑تانفم ءي‑لعقوبيت لّي‑را‑يتّوت ف‑دّونيت؟

marqus 8:38

وانّا ءينّان ءور‑يّي‑يسّين ءولا ءيسّن اوال‑ينو غ‑گر مدّن ن‑تاسوت‑اد ءيجلان يُخشنّ، راد‑ينيغ ءور‑ت‑سّينغ ءولا نكّي لّي‑يگان يوس ن‑بنادم غاكود لّيغ راد‑د‑اشكغ د‑لمالايكا ن‑يگنّا س‑لمجد ن‑ربّي بابا.»

luqa 11:16

ءيرين وييّاض اد‑ارمن ياسوع، ضالبن‑ت اد‑اسن‑يمل كرا لّمعجيزت اد‑اسن‑تگ تاماتارت ن‑يزد ربّي ا‑ت‑يد‑يوزنّ.

luqa 11:50

ءيمّا تاسوت‑اد را‑د‑فلّاس‑تتّوت لعقوبيت ف‑سّيبت ن‑يدامّن لّانبيا كولّوتن لّي‑فّينين زغ‑يسيزوار ن‑دّونيت سول س‑غيلاد،

luqa 12:1

مونّ‑د كيگان د‑يد‑والف ن‑مدّن غ‑تاساعت‑ان، ايلّيغ ا‑تاكُلن ف‑ينگراتسن. ءيگر ياسوع ار‑يساوال س‑يمحضارن‑نس ييني‑اسن: «رارات لعاقل‑نّون زغ‑تخميرت ن‑يفاريسين، اشكو نتني سين‑وودماون اد‑سكارن.

luqa 9:41

ءيساول ياسوع ييني‑اسن كولّوتن: «وا‑تاسوت‑اد ءيجلان، ءور‑اكُّ‑تريت ا‑تامنت. منشك ا‑را‑سول‑ديدون‑قاماغ؟ منشك ا‑راد‑ديدون‑صبرغ؟ اوي‑د يوك س‑داري.»

yuḥanna 2:18

نكرن ءيمغارن ن‑ايت‑يودايا ءينين‑اس: «مل‑اغ كرا لّمعجيزت اد‑اغ‑تگ تاماتارت ن‑يس‑دارك لحقّ ا‑تسكارت غاياد.»

yuḥanna 6:30

رارن‑اس‑د: «ما‑لّمعجيزت ا‑را‑تسكرت باش ا‑ستّ‑نژر نامن سرك؟ مامنك ا‑را‑تخدمت كيّي؟

yuḥanna 8:44

وين باباتون ءيبليس ا‑تگام، ار‑تّيريم ا‑تسكارم ما‑يرضان باباتون. ءيگا واد ءينقّان زغ‑يسيزوار، ءور‑جّو‑يسكير س‑لحقّ اشكو لحقّ ءور‑دارس‑يلّي. غاكود نّا‑يسّكاركس ار‑يسكار س‑ما‑گيس‑يلّان، اشكو بو‑تكركاس ا‑يگا، ءيگ باباس ن‑كولّو ما‑يسّكيركيسن.

1 kurintus 1:22

ايت‑يودايا ار‑زگينّغ‑تضالابن لمعجيزات. ايت‑تميزار ياضني ار‑زگينّغ‑تّيرين ءيواليون لّعاقل.