luqa 10:42 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴² غير يات‑تغاوسا ا‑د‑يقّانّ. هاتّي ماريام تختار تاغامت لّي‑يفولكين. ءور‑يلّي ما‑راد‑اس‑تّ‑يكّيس.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴² ġir yat‑tġawsa a‑d‑iqqann. hatti maryam th̬tar taġamt lli‑ifulkin. ur‑illi ma‑rad‑as‑tt‑ikkis.»

luqa 10:42 Iomraidhean Croise

marqus 8:36

ما‑را‑ييلي ءي‑بنادم ءيغ‑يوورّي ءيطّاف دّونيت كولّوتّ ءيخسر ءيخف‑نس؟

luqa 10:39

تيلي‑دارس‑وولّتماس ءيسم‑نس ماريام، تسكيوس نتّات غ‑دار ءيضارن ن‑سيديتنّغ ار‑تسفليد ءي‑ما‑يتّيني.

luqa 11:1

يان‑واسّ ءيلّا ياسوع غ‑يان ماني ار‑يتژالّا. لّيغ ءيكمّل، ءيضالب‑ت يان زغ‑يمحضارن‑نس ييني‑اس: «وا‑سيديتنّغ، سّلمد‑اغ مامنك ا‑نتژالّا، غمكلّي ءيسّلمد يوحانّا امسدّام ءيمحضارن‑نس.»

luqa 12:20

والاينّي ارگاز‑ان، ءينّا‑ياس ربّي: ‹واي‑انافال، غ‑يض‑اد ا‑را‑ك‑كّيسغ زغ‑تودرت. وين مي ا‑را‑يگ كولّو ماياد‑دي‑تسّمونت؟› »

luqa 12:33

زّنزات ما‑تطّافم تبضوم‑ت ءي‑يمژلاض. سكارات ءي‑يخف‑نّون ءيقربان لّي‑ور‑را‑يمدو، ييلي‑اون‑وايدا غ‑يگنّا ءيلّيغ ءور‑را‑زگيس‑يتياتّاي يات، ءولا ءيروح‑ت‑ومخّار، ءولا تشّا‑ت‑تووكّا.

luqa 16:2

ءيغر‑اس س‑دارس ييني‑اس: ‹ما‑يگا غايد مي فلّاك سفليدغ؟ اشك‑يد غيلاد، نحاساب ديدي س‑ما‑تسكرت س‑وايدا‑نو، اشكو ءور‑سول‑ريغ ا‑داري‑تخدمت.›

luqa 16:25

ءيرار‑اس ءيبراهيم: ‹كتي‑د ا‑يوي ءيس‑تومژت تيميخار‑نّك غ‑دّونيت، يامژ ليعازر تارفوفنت. ءيمّا غيلاد ءيفرح ليعازر غيد، ترفوفنت كيّي.

luqa 18:22

لّيغ ءيسفلد ياسوع ءي‑ماياد ييني‑اس: «يات‑تغاوسا اد‑اك‑يقامان. زايد تزّنزت كولّو ماد‑دارك‑يلّان تفكت‑ت ءي‑يمژلاض، ييلي‑اك‑وايدا غ‑يگنّا. تاشكيد‑د ءيلمّا تمونت ديدي.»

luqa 8:18

اويات‑ستّ غ‑مايد مي تسفليدم، اشكو وانّا دار ءيلّا، راد‑اس‑يزايد ربّي. ءيمّا وانّا ءور‑دار‑يلّي، راد‑اس‑يكّيس ءولا مايلّي‑س‑يغال ءيس‑دارس‑يلّا.»

yuḥanna 11:1

غ‑ووسّان‑ان يوضن باهرا يان‑ورگاز ءيسم‑نس ليعازر، ءيزدغ غ‑بيتعانيا لّي‑يگان ادوّار ن‑ماريام د‑وولّتماس مارتا.

yuḥanna 11:19

ءوشكان‑د مدّن گّوتنين ن‑ايت‑يودايا س‑دار مارتا د‑ماريام ا‑تنت‑صبّرن ف‑گماتسنت.

yuḥanna 12:3

تنكر ماريام تاوي‑د يات‑تبوقّالت ن‑توجّوت ن‑ناردين ءيصفان، ءيگّوت‑واتيگ‑نس باهرا. تژغور سرس ءيوورزان ن‑ياسوع، ار‑اس‑تسفاض ءيوورزان س‑وازّار‑نس. تعمّر‑تگمّي س‑واضو ن‑توجّوت‑ان.

yuḥanna 17:3

غمكاد ا‑تگا تودرت ءيدومن، ا‑ك‑يسّانّ كيّي لّي‑يگان ربّي لّحقّ، ءيسّانّ ياسوع لماسيح لّي‑دي‑توزنت.

yuḥanna 4:14

ءيمّا وانّا ءيسوان زغ‑وامان لّي‑راد‑اس‑فكغ نكّي، ءور‑سار‑يروفي. اشكو امان لّي‑راد‑اس‑فكغ را‑زگيس‑نگين زوند يات تالعينت ن‑تودرت ءيدومن.»

yuḥanna 5:24

«لحقّ اياد، لحقّ ا‑راد‑اون‑ينيغ. وانّا ءيسفلدن س‑واوال‑ينو يامن غوالّي‑يّي‑د‑يوزنّ، را‑يدّر تودرت ءيدومن. ءور‑را‑فلّاس‑يتّوت لحوكم، اشكو ءيزري زغ‑لموت س‑تودرت.

yuḥanna 6:27

ا‑ور‑تّخدامّ ف‑ومشّو لّي‑يتخسارن، والاينّي تخدامات ف‑ومشّو لّي‑راد‑بدّا‑يقاما ءي‑تودرت ءيدومن. نتّان ا‑راد‑اون‑فكغ نكّي لّي‑يگان يوس ن‑بنادم، اشكو ءيملا ربّي بابا ءيس‑يّي‑يژلي ءي‑ماياد.»

1 kurintus 13:3

ءيغ‑فكيغ كولّو ما‑داري‑يلّان فكغ ءولا دّات‑ينو ار اجدّار بلا‑دا‑تحنّوغ، ءور‑راد‑يّي‑ييلي يات.

گالاطيّا 5:6

اشكو يان ءيگان وين لماسيح، هان تاژالّيت ن‑دّات ءور‑دارس‑تگي يات، زوند ءيغ‑اس‑يژّولّا زوند ءيغ‑اس‑ور‑يژّولّي. اشكو ءيلّا دارس ماد‑باهرا‑يوفن مايان. هاتي يومن س‑لماسيح، ءيعمّر س‑لحنانت‑نس.