luqa 10:39 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁹ تيلي‑دارس‑وولّتماس ءيسم‑نس ماريام، تسكيوس نتّات غ‑دار ءيضارن ن‑سيديتنّغ ار‑تسفليد ءي‑ما‑يتّيني.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁹ tili‑dars‑uwlltmas ism‑ns maryam, tskiws nttat ġ‑dar iḍarn n‑siditnnġ ar‑tsflid i‑ma‑ittini.

luqa 10:39 Iomraidhean Croise

luqa 10:42

غير يات‑تغاوسا ا‑د‑يقّانّ. هاتّي ماريام تختار تاغامت لّي‑يفولكين. ءور‑يلّي ما‑راد‑اس‑تّ‑يكّيس.»

luqa 2:46

ار ويس كراض‑ووسّان ا‑ت‑ين‑وفان غ‑گر ءيمسلمدن ن‑شّرع غ‑تگمّي ن‑ربّي، ار‑اسن‑يسفليد ار‑تن‑يسقسا.

luqa 8:35

فّوغن‑د مدّن اد‑ژرن ما‑يلّان، اشكين‑د س‑دار ياسوع افن‑د ارگاز لّي‑زغ‑فّوغن لجنون ءيسكيوس غ‑دار ءيضارن ن‑ياسوع ءيلس تيملسيت‑نس ييلي س‑يخف‑نس. د‑نتني كسوضن.

yuḥanna 11:1

غ‑ووسّان‑ان يوضن باهرا يان‑ورگاز ءيسم‑نس ليعازر، ءيزدغ غ‑بيتعانيا لّي‑يگان ادوّار ن‑ماريام د‑وولّتماس مارتا.

yuḥanna 11:19

ءوشكان‑د مدّن گّوتنين ن‑ايت‑يودايا س‑دار مارتا د‑ماريام ا‑تنت‑صبّرن ف‑گماتسنت.

yuḥanna 12:3

تنكر ماريام تاوي‑د يات‑تبوقّالت ن‑توجّوت ن‑ناردين ءيصفان، ءيگّوت‑واتيگ‑نس باهرا. تژغور سرس ءيوورزان ن‑ياسوع، ار‑اس‑تسفاض ءيوورزان س‑وازّار‑نس. تعمّر‑تگمّي س‑واضو ن‑توجّوت‑ان.

irqqasn 22:3

«گيغ نكّي گو‑يودايا، لولغ غ‑طارسوس غ‑تمازيرت ن‑كيليكيّا، مقّورغ غ‑تمدينت‑اد ن‑وروشاليم. كّيغ‑تّين ار‑اقراغ غ‑دّو‑وفوس ن‑گاماليال، ار‑تلمادغ كولّو ما‑يلّان غ‑شّرع ن‑يمزوورا‑نّغ. ءيريغ باهرا اد‑رضوغ ربّي زوند كونّي كولّوكن لّي‑لّانين غيد غاسّاد،