luqa 10:20 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²⁰ والاينّي راد‑اون‑ينيغ، ا‑ور‑تفرحم ف‑سّيبت لّجنون ار‑سكارن س‑واوال‑نّون، والاينّي فرحات ف‑سّيبت ن‑ما‑تياران ءيسماون‑نّون غ‑يگنّا.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²⁰ walaynni rad‑awn‑iniġ, a‑ur‑tfrḥm f‑ssibt l‑ljnun ar‑skarn s‑wawal‑nnun, walaynni frḥat f‑ssibt n‑ma‑tyaran ismawn‑nnun ġ‑ignna.»

luqa 10:20 Iomraidhean Croise

matta 10:1

ءيغر‑د ياسوع ءي‑يمحضارن‑نس س‑سين د‑مراو س‑دارس، ءيفك‑اسن تاژضّارت اد‑سّوفوغن لجنون أُخشنّين ار‑جّوجّين كرايگاتّ تاماضونت ءولا اطّان.

matta 26:24

ها‑يوس ن‑بنادم را‑يمّت غمكلّي فلّاس ءيتياران، والاينّي تاگوضي ا‑را‑ييلي ءي‑ورگاز لّي‑يزّنزان يوس ن‑بنادم. يوف‑اس ءي‑ورگاز‑ان مراد ءيس‑ور‑اكُّ‑يلول.»

matta 27:5

ءيدّو ياهودا ءيلوح‑ن ءيقاريدن غ‑تگمّي ن‑ربّي، ءيفّوغ ياگُل ءيخف‑نس س‑يان‑يزيكر ءيمّت.

filibbi 4:3

ضالبغ‑ك ءولا كيّي اي‑امعاون‑ينو ءيفولكين، ا‑تعاونت تيمغارين‑ان. خدمنت نتنتي غ‑تووري لّخبار ءيفولكين غ‑تاما‑نو نكّي د‑كليمانتوس د‑يمعاوانّ‑ينو ياضني لّي‑مي‑تياران ءيسماون‑نسن غ‑وارّا ن‑ويلّي طّافنين تودرت ءيدومن.

iɛbrin 12:23

ءولا س‑ومناگّار ن‑ويلّي ءيگا ربّي د‑تاروا‑نس ءيخفدّيتن لّي‑مي‑تياران ءيسماون‑نسن غ‑يگنّا. تاكمورم‑د س‑ربّي لّي‑يتحكامن ف‑كولّو مدّن، ءولا س‑لارواح ن‑مدّن لّي‑ف‑يرضا ءيسّافو‑اسن كولّو ماد‑اسن‑ينّا.

anurẓm 13:8

را‑تي‑تعبادن كولّو ءيمزدغن ن‑دّونيت، ابلا غويلّي مي ءيتيارا ءيسم‑نسن زغ‑يسيزوار ن‑دّونيت غ‑وارّا ن‑تودرت ن‑ولقّاغ لّي‑يتياوغراسن.

anurẓm 17:8

اغُژن‑ان ءيكّا‑تّين ءيلّا، ءور‑سول‑ا‑يتبان، را‑د‑يغلي زغ‑تدروت ن‑واكال ءيفتو س‑لهالاك. را‑گيس‑تعجّابن ءيمزدغن ن‑دّونيت لّي‑مي‑ور‑يتيارا ءيسم‑نسن غ‑وارّا ن‑تودرت زغ‑يسيزوار ن‑دّونيت. اشكو راد‑ژرن اغُژن لّي‑ستّين‑يكّان ءيلّا، ءور‑سول‑ا‑يتبان، را‑د‑داغ‑يبان.

anurẓm 20:12

س‑ژريغ غويلّي مّوتنين، ما‑يمقّورن ءولا ما‑يمژّين، بيدّن كولّو غ‑لگدّام لّعرش. تياورژامن كرا ن‑وارّاتن غاكودان، س‑يتياورژام يان‑وارّا ياضني ءيگان ارّا ن‑تودرت. يوت ربّي لحوكم غاكودان ف‑ويلّي مّوتنين، ءيرار‑اسن ف‑غايلّي سكرن غمكلّي ءيتياران غ‑وارّاتن.

anurẓm 20:15

وانّا مي ءور‑يتيارا ءيسم‑نس غ‑وارّا ن‑تودرت، ءيتّلوح‑ن غ‑تمدا لّعافيت.

anurẓm 21:27

والاينّي ءور‑را‑سرس‑يكشم ما‑يجلخن ءولا ما‑يسّركاون ءولا ما‑يسّكيركيسن. ءور‑را‑سرس‑يكشم ابلا غويلّي مي تياران ءيسماون‑نسن غ‑وارّا ن‑تودرت ن‑ولقّاغ.

anurẓm 3:5

كولّو وانّا ءينران، را‑يلس ءولا نتّا تيملسيت تومليلت. راد‑ادّرغ ءيسم‑نس غ‑دار بابا ربّي ءولا لمالايكا‑نس، ءينيغ فلّاس ءيزد وينو ا‑يگا. ءور‑سار‑كّيسغ ءيسم‑نس زغ‑وارّا ن‑تودرت.