luqa 10:2 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

² ييني‑اسن: «تگّوت‑تمگرا والاينّي دروسن ءيخدّامن. ضالبات بو‑تمگرا ا‑يازن ءيخدّامن اد‑سّمونّ تامگرا‑نس.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

² yini‑asn: «tggut‑tmgra walaynni drusn ih̬ddamn. ḍalbat bu‑tmgra a‑yazn ih̬ddamn ad‑ssmunn tamgra‑ns.

luqa 10:2 Iomraidhean Croise

matta 20:1

«تاگلديت ن‑يگنّا تگا زوند يان‑ورگاز باب ن‑يگر، ءيفّوغ زيكّ صباح ا‑د‑يكرو ءيخدّامن ءي‑يگر‑نس ن‑واضيل.

marqus 13:34

زوند يان‑ورگاز ءيمودّا ءيفل تيگمّي ءي‑يخدّامن‑نس ا‑ستّ‑گابلن، ءيفك ءي‑كرايگاتّ يان تاووري‑نس. يوصّا انگابال ن‑يمي ا‑يضوف.

marqus 16:15

ييني‑اسن غاكودان: «فّوغات ار‑تّيدوم س‑دّونيت كولّوتّ، ار‑تّبرّاحم س‑لخبار‑اد ءيفولكين ءي‑كولّو مدّن.

marqus 16:20

ءيمّا نتني فّوغن ار‑تبرّاحن غ‑كرايگاتّ ماني، ار‑تن‑يتعاوان سيديتنّغ ار‑يزّگا ءيواليون‑نسن س‑تميتار لّي‑يسكار ف‑وفوس‑نسن.

luqa 9:1

ءيغر‑د ياسوع ءي‑يمحضارن‑نس س‑سين د‑مراو س‑دارس، ءيفك‑اسن تاحكيمت د‑تژضّارت اد‑سّوفوغن كولّو لجنون ار‑جّوجّين تيموضان.

irqqasn 11:19

ار‑تمودّون غويلّي اكوتنين ف‑سّيبت ن‑ترفوفنت تيگيرا لّموت ن‑ستيفانوس، ار‑تّيدون غ‑ووسّان‑ان ار تامازيرت ن‑فينيقيّا د‑يگزير ن‑قوبروس د‑تمدينت ن‑انطاكيّا، ار‑سّلكامن اوال ن‑ربّي غير ءي‑ويلّي گانين ايت‑يودايا.

irqqasn 13:2

يان‑واسّ اژومن ار‑تعبادن سيديتنّغ، س‑اسن‑ينّا رّوح لقودوس: «فكات‑يّي‑د بارنابا د‑شاول اد‑قاسان كرا ن‑تووري، غريغ‑اسن سرس.»

irqqasn 13:4

دّون نتني غمكلّي‑اسن‑يملا رّوح لقودوس س‑لمرسا ن‑سالوكيّا، سّودون غ‑ومدا س‑يگزير ن‑قوبروس.

irqqasn 20:28

اويات‑ستّ غيلاد غ‑يخف‑نّون، تاويم‑تّ ءولا غ‑تووروت كولّوتّ لّي‑ف‑كُن‑يرور رّوح لقودوس اد‑اس‑تگم ءينگابالن، تكسم امناگّار ن‑ربّي لّي‑يسغا س‑يدامّن‑نس.

irqqasn 22:21

ءيساول‑داغ ييني‑يّي: ‹زايد تدّوت، اشكو را‑ك‑ازنغ س‑تميزار اگّوگنين.› »

irqqasn 8:4

ءيمّا غويلّي اكوتنين، ار‑تكّان كرايگاتّ ماني ار‑تبرّاحن س‑واوال ن‑ربّي.

1 kurintus 12:28

غمكاد ا‑يسكر ربّي غ‑يگزمان ن‑ومناگّار: ءيمزوورا گان ءيرقّاسن. ويس سين گان غويلّي ءيتّينين س‑ماد‑اسن‑يمالا ربّي. ويس كراض گان ءيمسلمدن. ءيلين‑داغ غويلّي سكارنين لمعجيزات، د‑ويلّي دار تاوافكا اد‑جّوجّين ءيموضان، د‑ويلّي تعاوانّين د‑ويلّي تگوّادنين د‑ويلّي ساوالنين س‑يواليون ءيغريبن.

1 kurintus 15:10

والاينّي ربّي ءيسكر‑يّي افولكي ءيفك‑يّي اد‑گغ ماد‑گيغ غيلاد. ءورد بلا لفايتّ اد‑يّي‑يسكر افولكي، اشكو وورّيغ ار‑تخدامغ ءوگُّار ن‑كولّو وييّاض، واخّا ءورد نكّي ا‑ت‑يسكارن والاينّي لباراكا ن‑ربّي لّي‑داري‑يلّان.

2 kurintus 6:1

س‑يسم ن‑ربّي لّي‑د‑نخدم، نضالب‑كُن ا‑ور‑تادجم رّحمت‑نس لّي‑س‑تومنم ا‑تضر بلا لفايتّ غ‑دارون.

filibbi 2:21

اشكو كود يان ار‑يسوينگيم غ‑ما‑يگان وينس، ءورد ما‑يگان وين ياسوع لماسيح.

filibbi 2:25

سوانگمغ ءيس‑را‑ياف اد‑اون‑ين‑رارغ ءولا گماتنّغ ابافروديتوس لّي‑ديدي‑يتخدامن ار‑يتبدّاد غ‑تاما‑نو. ءيگا امازان‑نّون، توزنم‑ت‑يد ا‑يّي‑يعاون غ‑ما‑يّي‑يخصّان.

filibbi 2:30

اشكو خدا ءور‑يمّوت ف‑سّيبت ن‑تووري لّماسيح. ءور‑يغوي غ‑تودرت‑نس اشكو ءيرا ا‑يّي‑يتعاوان غ‑مايلّي مي ءور‑تژضارم كونّي.

kulussi 1:29

ف‑غمكان ا‑ف‑ا‑تنهاتافغ ار‑كّاتغ تاكرّايت س‑كولّو جّهد لّماسيح لّي‑يّي‑يسّدوسن س‑تحكيمت‑نس ءيگّوتن.

kulussi 4:12

ار‑ن‑فلّاون‑يتسلّام ابافراس. ءيگا زغ‑گيگون ءولا نتّا، ءيگ اخدّام لّماسيح ياسوع. س‑نّييت‑نس ا‑س‑ا‑يتژالّا باهرا ف‑سّيبت‑نّون، باش ا‑تدوسم تزگام غ‑وغاراس ن‑ربّي ار‑تسكارم كولّو ما‑گيگون‑يرا ربّي.

1 tasaluniki 2:9

واي‑ايتماتنّغ، ءيس‑ور‑دي‑تسوانگمّ منشك ا‑نتخدام ار‑نتنهاتاف غ‑گراتون؟ نكّا‑تّين ار‑نتخدام غ‑ييض ءولا ازال باش ا‑فلّاون‑ور‑نژّاي لّيغ ا‑ياون‑نتبرّاح س‑لخبار ءيفولكين ن‑ربّي.

1 tasaluniki 5:12

ءيمّا غيلاد اي‑ايتماتنّغ، را‑كُن‑نضالب ا‑تّوقّارم غويلّي سكارنين تاووري ن‑ربّي غ‑گراتون، ار‑كُن‑تگابالن س‑يسم ن‑سيديتنّغ ار‑كُن‑تنصاحن.

2 tasaluniki 3:1

ءيمّا غيلاد اي‑ايتماتنّغ، ژّالّات فلّانّغ تضالبم ربّي اد‑اغ‑يعاون ا‑نسّلكم لخبار ن‑سيديتنّغ غ‑ووسّان‑اد س‑كولّو‑تمازيرت‑اد باش ا‑سرس‑سفليدن مدّن گّوتنين غمكلّي سفلدن غ‑دارون.

1 timutaws 4:10

ف‑مايان ا‑ف‑ا‑نتخدام ار‑فلّاس‑نكّات تاكرّايت، اشكو نگا رّجا‑نّغ غ‑ربّي لّي‑يدّرن. نتّان ا‑يجّنجامن كولّو مدّن، س‑وگُّار غويلّي ءومنّين.

2 timutaws 4:5

ءيمّا كيّي ءيخصّا‑ك ا‑بدّا‑تغويت غ‑يخف‑نّك، تصبرت ءي‑ترفوفنت، ار‑تّخدامت س‑تبرّاحت لّخبار ءيفولكين. سكار كولّو ما‑د‑يقّانّ واد ءيگان اخدّام ن‑ربّي.

filimun 1:1

زغ‑بولُس احبّاس ف‑يسم لّماسيح ياسوع، د‑زغ‑گماتنّغ تيموتاوس. ءي‑ومدّاكُّل‑نّغ ءيعزّان فيليمون لّي‑ديدنّغ‑يتمعاوان غ‑تووري‑اد،

iɛbrin 3:6

ءولا لماسيح ءيسّووفا كولّو ما‑گيس‑يرا ربّي، ءيمّا نتّا ءيگا يوس ن‑تگمّي، تيلي‑تگمّي كولّوتّ غ‑دّو‑وفوس‑نس. ءيمّا ايت‑تگمّي‑نس، نكُّني ا‑تن‑يگان ءيغ‑نزگا نزعم، نامژ‑بدّا غ‑رّجا‑ياد دارنّغ ءيلّان.

anurẓm 2:1

«ارا اوال‑اد ءي‑لمالاك ن‑ومناگّار غ‑تمدينت ن‑افسوس: ها‑ما‑ينّا واد يوسين سّا ن‑يتران غ‑وفوس‑نس افاسي ار‑يتّيدو غ‑گر سّا لّحساكي ن‑وورغ.