luqa 1:35 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁵ ييني‑اس لمالاك: «را‑د‑فلّام‑يگّوز رّوح لقودوس، تدل‑كم‑تحكيمت ن‑ربّي اماتّوي. مايان ا‑ف‑را‑تّينين ءي‑وازّان امژلاي لّي‑را‑تاروت ‹يوس ن‑ربّي›.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁵ yini‑as lmalak: «ra‑d‑fllam‑igguz rruḥ lqudus, tdl‑km‑tḥkimt n‑rbbi amattuy. mayan a‑f‑ra‑ttinin i‑wazzan amẓlay lli‑ra‑tarut ‹yus n‑rbbi›.

luqa 1:35 Iomraidhean Croise

matta 1:18

غمكاد ا‑تگا‑تلاليت ن‑ياسوع لماسيح. ءينّاس ماريام تّياوضالاب ءي‑يوسف، ءور‑تا‑ستّ‑ييوي. تاف‑ن ءيخف‑نس ءيس‑ا‑تربّو زغ‑تحكيمت ن‑رّوح لقودوس ن‑ربّي.

matta 1:20

ار‑سول‑يسوينگيم غ‑مايان س‑اس‑د‑يبان يا‑لّمالاك ن‑سيدي ربّي غ‑توارگيت ييني‑اس: «وا‑يوسف يوس ن‑داود، اد‑ور‑تيكساطّ ا‑تاويت ماريام ا‑تگ تامغارت‑نّك، اشكو نتّات زغ‑تحكيمت ن‑رّوح لقودوس اين‑س‑تفّوغ ار‑تربّو.

matta 14:33

سجدن‑اس غويلّي لّانين غ‑تاناوت ار‑تّينين: «س‑صّاحت كيّي تگيت يوس ن‑ربّي.»

matta 27:54

ءيمّا لقبطان ن‑يعسكرين د‑ويلّي ديدس ضوفنين ياسوع، لّيغ ژران اكال ار‑يتموسّو ءولا كولّو مايد ءيجران، ءيكساضن باهرا ار‑تّينين: «س‑صّاحت ءيگا غواد يوس ن‑ربّي.»

matta 4:3

ياشك‑يد سرس ءيلمّا ءيبليس، ييني‑اس: «ءيغ‑تگيت يوس ن‑ربّي، ءيني ءي‑يژران‑اد اد‑وورّين گن اغروم.»

marqus 1:1

لخبار ءيفولكين ن‑ياسوع لماسيح يوس ن‑ربّي.

marqus 1:24

يوت س‑يات‑تغويّيت ييني: «وا‑ياسوع گو‑ناصيرا، ما‑يلّان غ‑گراتنّغ ديدك؟ ءيس‑دي‑توشكيت اد‑اغ‑تهلكت؟ سّنغ ما‑تگيت كيّي. امژلاي ن‑ربّي ا‑تگيت.»

luqa 1:27

س‑يات‑تعيّالت ءيضالب‑تّ‑ين يان‑ورگاز ءيسم‑نس يوسف زغ‑تاسوت ن‑وگلّيد داود. ءيگ ءيسم ن‑تعيّالت ماريام.

luqa 1:34

تيني‑اس ماريام ءي‑لمالاك: «مامنك ا‑را‑ييلي ماياد؟ ءور‑جّو‑سّينغ كرا ن‑ورگاز.»

luqa 1:36

هان اليصاباط لّي‑يگان زغ‑ايت‑دارم، ءولا نتّات ار‑تربّو س‑يان‑وازّان غ‑تووسّرت‑نس. هان ختالّي‑ف‑ا‑تّينين مدّن ءور‑تژضار ا‑تربّو، ويس سضيص‑ييرن ايد دارس ءيلّان.

yuḥanna 1:34

ها‑يّي ژريغ‑ت غيلاد، فكغ‑اون توگّا‑نو، غواد ا‑يگان يوس ن‑ربّي.»

yuḥanna 1:49

ءيساول‑د ناتانايل ييني‑اس: «واي‑امسلمد، كيّي ا‑يگان يوس ن‑ربّي، تگت اگلّيد ن‑ايت‑ربّي.»

yuḥanna 20:31

والاينّي تيارانت ختيد باش ا‑تامنم ءيس‑يگا ياسوع يوس ن‑ربّي ءيگ لماسيح‑نس، تيلي‑اون تودرت س‑يسم‑نس ءيغ‑سرس‑تومنم.

irqqasn 8:36

زايدن سّودون غ‑وغاراس ايلّيغ لكمن يان‑ودغار گيس امان، ييني لوازير ءي‑فيليبّوس: «هاي‑امان. ءيس‑يلّا ما‑راد‑يّي‑يكّيس ا‑يّي‑تسّدّمت؟»

گالاطيّا 2:20

ها‑يّي مّوتغ د‑لماسيح ف‑وگّجدي‑نس. ءورد سول نكّي ا‑يدّرن والاينّي لماسيح ا‑گيگي‑يدّرن. كولّو ماد‑سكارغ غيلاد، ار‑ت‑سكارغ ف‑سّيبت ن‑ماد‑ومنغ س‑يوس ن‑ربّي لّي‑گيگي‑يحنّان ءيفك تودرت‑نس فلّا.

afsus 2:3

نكّا‑تّين كولّواغ ار‑ديدسن‑نتّيدو غ‑وغاراس‑ان ار‑نسكار س‑كولّو ما‑يرا بنادم ءي‑يخف‑نس ار‑تّ‑نتاوي غير غ‑يسوينگيمن‑نّغ ءولا شّهوات‑نّغ. ءولا نكُّني غ‑ووسّان‑ان، ءيلّا فلّانّغ لغاضاب ن‑ربّي زوند كولّو مدّن.

iɛbrin 4:15

ءيلّا‑ياغ يان‑ونمغور ءيهيّان لّي‑يژضارن ا‑يحنّو ف‑ضّعف‑نّغ، اشكو ءيتيارام ءولا نتّا زغ‑كرايگاتّ تاسگا زوند نكُّني، والاينّي ءور‑جّو‑يسكير كرا ن‑دّنب.