luqa 1:17 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁷ را‑يزوور سيديتنّغ س‑تحكيمت ءيتجهّدن زوند نّابي ءيليّا، ءيرار‑د ءولاون ن‑مدّن ا‑تحنّون غ‑تاروا‑نسن، ءيرار‑د غويلّي فّوغنين زغ‑واوال ن‑ربّي اد‑د‑وورّين س‑وغاراس ن‑ويلّي‑ف‑يرضا، ءيجّوجاد ءي‑سيديتنّغ يات تاسوت ا‑تگ تينس.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁷ ra‑izwur siditnnġ s‑tḥkimt itjhhdn zund nnabi iliyya, irar‑d ulawn n‑mddn a‑tḥnnun ġ‑tarwa‑nsn, irar‑d ġwilli ffuġnin zġ‑wawal n‑rbbi ad‑d‑wrrin s‑uġaras n‑willi‑f‑irḍa, ijjujad i‑siditnnġ yat tasut a‑tg tins.»

luqa 1:17 Iomraidhean Croise

matta 11:14

والاينّي ءيغ‑ترام ا‑تامنم اوال‑نسن، تيسّانم ءيزد يوحانّا ا‑يگان ‹نّابي ءيليّا› لّي‑س‑نّان را‑د‑ياشك.

matta 14:4

اشكو يوحانّا ءيكّا‑تّين ار‑يتّيني ءي‑هيرودوس: «ءور‑اك‑يحلّا ا‑تاويت تامغارت ن‑گماك.»

matta 3:3

غواد ا‑ف‑ينّا نّابي ءيشاعيا غايد ءيزرين ييني: «ها‑يان‑واوال ار‑يتبرّاح غ‑لخلا ار‑يتّيني ‹جّوجادات اغاراس ن‑سيديتنّغ، تسّنمّ تيغاراسين‑نس.› »

matta 3:4

ار‑يلسّا يوحانّا تاضوت ن‑يرعامان ار‑ياگّس س‑وبكّاس ن‑يلم، ار‑يشتّا تامورغي د‑تامّنت لّخلا.

luqa 1:16

ءيرار‑د كيگان د‑مدّن ن‑ايت‑ربّي اد‑د‑وورّين س‑وغاراس ن‑ربّي‑نسن.

luqa 1:76

ءيمّا كيّي ا‑يوي، راد‑اك‑تّينين ‹نّابي ن‑ربّي اماتّوي›. را‑تزوورت سيديتنّغ اد‑اس‑تجّوجادت اغاراس.

yuḥanna 1:13

نتني، ءورد س‑تلاليت ن‑واحليگ ا‑س‑لولن نغد س‑تايري ن‑دّات نغد س‑تايري ن‑ورگاز، والاينّي ربّي ا‑تن‑يگان د‑تاروا‑نس.

yuḥanna 1:34

ها‑يّي ژريغ‑ت غيلاد، فكغ‑اون توگّا‑نو، غواد ا‑يگان يوس ن‑ربّي.»

yuḥanna 3:28

كونّي تسفلدم‑يّي لّيغ نّيغ ‹ءورد نكّين ا‑يگان لماسيح والاينّي يوزن‑يّي‑د ربّي اد‑زوورغ ءي‑لماسيح.›

irqqasn 10:33

ازنغ‑ن سرك غاكودان. هاتي تسكرت گيگي ما‑يفولكين لّيغ‑د‑توشكيت. ءيمّا غيلاد ها‑نكُّني كولّواغ غ‑لگدّام ن‑ربّي، نرا ا‑نسفلد ءي‑كولّو ما‑ف‑ك‑يوصّا سيديتنّغ اد‑اغ‑تي‑تملت.»

ruma 9:23

ءيصبر اشكو ءيرا ا‑يسّبايّن تيميخار لّمجد‑نس ءي‑ويلّي ءيرحم لّي‑ف‑يسكر اد‑كشمن غ‑لمجد.

kulussi 1:12

ار‑تّفراحم ار‑تّشكارم ربّي باباتنّغ لّي‑اون‑يفكان تاغامت غ‑لوورت لّي‑را‑ييلي ءي‑يمژلاين‑نس غ‑تگلديت ن‑تيفاوت.

2 timutaws 2:21

ءيغ‑يسيرد يان ءول‑نس زغ‑يركان، را‑يگ اروكو ءيصلحن ءيغوس غ‑وفوس ن‑سيديس، يوجاد ءي‑تووري نّا‑يفولكين.

1 bṭrus 2:9

ءيمّا كونّي، تگام مدّن تياوژلاينين، تگم ايت‑تگلديت ن‑ربّي، ار‑ن‑تسراسم غ‑لگدّام‑نس تيوافكيو لّي‑س‑ا‑يترضو. تگم ايت‑ربّي، ءيژلي‑كُن ا‑تگم وينس، باش ا‑تّاويم لخبار ءي‑مدّن ف‑كولّو ما‑يسكر غوالّي‑اون‑د‑يغران زغ‑تيلّاس س‑تيفاوت لّمجد‑نس.

1 yuḥanna 2:28

ءيمّا غيلاد ا‑تاروا عزّانين، زايدات تزگام غ‑لماسيح، باش ا‑يزعم‑وول‑نّغ غاكود نّا‑د‑يوورّي ءيبايّن‑د، ءور‑را‑نيري ا‑زگيس‑نرگس.

anurẓm 20:4

ژرغ ءيلمّا كرا لّعروش غ‑يگنّا. ءيتياوفكا ءي‑ويلّي فلّاسن سكيوسنين لحقّ اد‑تحكامن. ژرغ لارواح ن‑ويلّي مي ءيتياوبّاي ءيخف‑نسن ف‑سّيبت ن‑توگّا‑نسن ف‑ياسوع ءولا ف‑واوال ن‑ربّي. ءور‑ا‑تعبادن اغُژن ءولا صّورت‑نس، ءولا قبلن طّابع‑نس ف‑يگنزي‑نسن ءولا ف‑وفوس‑نسن. نكرن نتني زغ‑لموت ار‑تحكامن د‑لماسيح الف ن‑وسگُّاس.