iɛbrin 4:2 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

² اشكو لخبار ن‑وسونفو‑اد لّي‑مي‑نسفلد، سفلدن‑اس‑ياد ءيمزوورا‑نّغ والاينّي ءور‑ومينّ اوال لّي‑مي‑سفلدن. مايان ا‑ف‑ور‑زگيس‑ومژن كرا لّفايتّ.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

² ašku lh̬bar n‑usunfu‑ad lli‑mi‑nsfld, sfldn‑as‑yad imzwura‑nnġ walaynni ur‑uminn awal lli‑mi‑sfldn. mayan a‑f‑ur‑zgis‑umẓn kra l‑lfaytt.

iɛbrin 4:2 Iomraidhean Croise

irqqasn 13:46

ءيرار‑اسن ءيلمّا بولُس د‑بارنابا س‑زّعامت ءينين‑اسن: «نيوي‑اون‑د اوال ن‑ربّي غمكلّي‑اغ‑د‑يقّانّ باش ا‑تزوورم كونّي. ءيمّا غيلاد ءور‑تي‑تريم، تگم ءيخفاون‑نّون د‑ويلّي ءور‑يستهلّان اد‑كشمن س‑تودرت ءيدومن. را‑كُن‑نفل غيلاد ناوي‑تّ غ‑يبرّانيين،

irqqasn 3:26

غمكاد ا‑س‑يژلي ربّي اخدّام‑نس ياسوع، يازن‑ت‑يد س‑دارون باش ا‑تزوورم كونّي ءيبارك‑كُن، ءيسّوورّي‑د كود يان گيگون زغ‑يغاراسن أُخشنّين لّي‑غ‑ا‑تّيدوم.»

ruma 2:25

راد‑اك‑يشوو ءيغ‑تگيت زغ‑ويلّي تژالّانين ءي‑دّات‑نسن، ءيغ‑ا‑تسكارت س‑شّرع. والاينّي ءيغ‑ور‑ا‑تسكارت س‑شّرع، هان تاژالّيت ن‑دّات‑نّك ءور‑تگي يات.

ruma 3:3

والاينّي لّيغ ءور‑زگان كرا ن‑ايت‑يودايا غ‑يواليون ن‑ربّي، ءيس‑يفّوغ نتّان زغ‑يواليون‑ان؟

1 kurintus 13:3

ءيغ‑فكيغ كولّو ما‑داري‑يلّان فكغ ءولا دّات‑ينو ار اجدّار بلا‑دا‑تحنّوغ، ءور‑راد‑يّي‑ييلي يات.

گالاطيّا 3:2

ءيمّا غيلاد را‑كُن‑سقساغ، ءيزد ف‑سّيبت ن‑ما‑تسكارم س‑شّرع ن‑موسا ا‑ف‑اون‑ين‑يوشكا رّوح لقودوس، نغد ف‑سّيبت ن‑ما‑تسفلدم ءي‑لخبار‑نّغ ءيفولكين تامنم سرس؟

گالاطيّا 3:8

اشكو ءيتيارا غ‑وارّا ن‑ربّي ف‑مامنك ا‑را‑يرضو ربّي ءولا ف‑ايت‑تميزار اگّوگنين ف‑سّيبت ماد‑ومنّ. ءيساول ربّي س‑يبراهيم ءيمل‑اس لخبار ءيفولكين لّي‑را‑ييلي ييني‑اس: «س‑يسم‑نّك ا‑س‑راد‑باركغ كولّو تيميزار ن‑دّونيت.»

گالاطيّا 4:13

تسّنم ءيزد ف‑سّيبت ن‑ماد‑وضنغ ا‑ف‑ن‑دارون‑وشكيغ غ‑يسيزوار، اويغ‑اون‑ين لخبار ءيفولكين.

1 tasaluniki 1:5

اشكو ءيلكم‑اون‑ين لخبار‑نّغ ءيفولكين، ءورد غير س‑يواليون والاينّي س‑لقوّا ءولا س‑تحكيمت ن‑رّوح لقودوس ايلّيغ‑اون‑يبان ءيس‑يگا لحقّ. تسّنم كونّي مامنك ا‑نگا غ‑ووسّان لّي‑نزّري غ‑گراتون، نسكر كولّو ف‑ا‑كُن‑نتعاوان.

1 tasaluniki 2:13

ماياد‑داغ ا‑ف‑ا‑بدّا‑نتشكار ربّي، اشكو غاكود لّيغ تسفلدم ءي‑واوال ن‑ربّي لّي‑اون‑ين‑نيوي، تامژم گيس تامنم ءيزد اوال ن‑ربّي ا‑يگا، ءورد اوال ن‑بنادم. س‑صّاحت اوال ن‑ربّي ا‑يگا، ءيخدم غيلاد غ‑وولاون‑نّون كونّي لّي‑سرس‑يومنّ.

1 timutaws 4:8

اشكو يان ءيسّدوسن دّات‑نس، افولكي اين ءيسكر، والاينّي يان ءيسّدوسن رّوح‑نس س‑ما‑يرضان ربّي، راد‑اس‑يفولكي س‑وگُّار ءي‑تودرت‑نس ن‑دّونيت‑اد ءولا تين ليخرت.

iɛbrin 11:6

والاينّي يان ءور‑يومينّ ربّي، ءور‑را‑ييژضار ا‑يامژ رّضا‑نس. اشكو وانّا ءيران ا‑ن‑ياكمور س‑ربّي، ءيقّان‑ت‑يد ا‑يامن ءيس‑يلّا ربّي، يوجاد ا‑يبارك وانّا‑ت‑يسيگّيلن.

iɛbrin 3:12

واي‑ايتما، رارات لعاقل ا‑ور‑گيگون‑ييلي ما‑مي‑يُخشن‑وول‑نس ياگُي ا‑يامن ءيرار تيغوردين‑نس س‑ربّي لّي‑يدّرن.

iɛbrin 4:6

هاتي ءور‑كشيمن غويلّي ءيروح لخبار غ‑ووسّان‑ان اشكو ءور‑سرس‑سكيرن. والاينّي سول لّان وييّاض راد‑كشمن.

yaɛqub 1:21

كّيسات زغ‑گيگون ءيسكّيرن ركانين ءولا لخُشانت لّي‑يگّوتن غ‑مدّن. تادرات ءي‑يخف‑نّون ار‑تّقبالم اوال لّي‑گيگون‑يتژّو ربّي، اشكو ءيژضار‑واوال‑ان ا‑كُن‑يجّنجم.

1 bṭrus 1:12

والاينّي ءيسّبايّن‑اسن‑د ربّي ءيس‑ورد ف‑سّيبت ن‑يخف‑نسن ا‑ف‑ا‑ساوالن ف‑تغاوسيوين‑اد والاينّي ف‑سّيبت‑نّون. ءيمّا غيلاد تسفلدم ف‑كولّو ماياد ف‑يمي ن‑ويلّي‑اون‑ين‑يوينين لخبار ءيفولكين، ار‑دارون‑تبرّاحن س‑تحكيمت ن‑رّوح لقودوس لّي‑د‑يتيازانّ زغ‑يگنّا. ءيمّا تيغاوسيوين‑اد، ءولا لمالايكا ار‑باهرا‑تّيرين اد‑يسّانّ مامنك اد‑گانت.