iɛbrin 3:1 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ واي‑ايتما ءيمژلاين لّي‑مي‑د‑يغرا ربّي اد‑كشمن س‑تامونت‑اد، سوينگيماد‑د ياسوع لّي‑د‑يتيازانّ ا‑يگ انمغور ءيهيّان لّيمان لّي‑غ‑نومژ.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ way‑aytma imẓlayn lli‑mi‑d‑iġra rbbi ad‑kšmn s‑tamunt‑ad, swingimad‑d yasuɛ lli‑d‑ityazann a‑ig anmġur ihiyyan l‑liman lli‑ġ‑numẓ.

iɛbrin 3:1 Iomraidhean Croise

yuḥanna 17:3

غمكاد ا‑تگا تودرت ءيدومن، ا‑ك‑يسّانّ كيّي لّي‑يگان ربّي لّحقّ، ءيسّانّ ياسوع لماسيح لّي‑دي‑توزنت.

yuḥanna 20:21

ييني‑اسن‑داغ: «اد‑اون‑تيلي سّلامت. غمكلّي‑يّي‑د‑يوزن بابا، غمكاد ا‑س‑را‑كُن‑ازنغ غيلاد.»

yuḥanna 20:27

ييني ءيلمّا ءي‑توما: «ژر ءيفاسّن‑ينو، تگّرت‑اسن. مدي‑د افوس‑نّك، تگت‑ت‑ين ف‑تسگا‑نو. اد‑ور‑تّشكّات، غير امن.»

irqqasn 1:15

يان‑واسّ غ‑ووسّان‑ان ءينكر بطرُس غ‑وامّاس ن‑ايتماتن. ءيلّا غين ما‑يتگّان ميّا د‑سين ءيد‑مراو (120) ن‑يان.

ruma 11:17

ءيمّا غيلاد ءيبّي ربّي كرا ن‑تصطّوين زغ‑تازيتونت، ءيلقّم‑اس گيس يات‑تصطّا ن‑تزمّورت. غمكاد ا‑س‑تكشمت ءولا كيّي لّي‑يگان زغ‑تزمّورت غ‑تودرت ءيصحان ن‑تازيتونت.

ruma 15:27

ءيبايّن‑اسن ءيس‑يفولكي اد‑سكرن ماياد، اشكو ءيلّا فلّاسن نتني ن‑ايت‑تميزار ياضني اد‑رارن لخير ءي‑ايت‑يودايا. ءيقّان‑تن‑د ا‑تن‑تعاوانّ س‑لباراكات ن‑دّات، اشكو ءومژن زغ‑دارسن لباراكات ن‑رّوح.

ruma 15:8

اشكو لماسيح يوورّي ءيگا اخدّام ءي‑ايت‑يودايا باش ا‑يمل ءيس‑يقاما ربّي غ‑لحقّ، ءيسّافو ءيواليون زگانين لّي‑س‑ينّا ءي‑لاجدود‑نسن.

ruma 9:24

ا‑تن‑يگان د‑نكُّني لّي‑مي‑يغرا زغ‑گر ايت‑يودايا ءولا‑داغ زغ‑گر ايت‑تميزار ياضني. غمكلّي ءينّا ربّي غ‑وارّا ن‑نّابي هوشاع:

1 kurintus 1:2

ءي‑ايت‑ومناگّار ن‑ربّي غ‑تمدينت ن‑كورينتوس، ا‑تن‑يگان د‑ويلّي ءيژلي ربّي ف‑وودم لّماسيح ياسوع اد‑گن ءيمژلاين‑نس، زوند كولّو وييّاض غ‑كرايگاتّ ماني لّي‑زاوگنين غ‑يسم ن‑سيديتنّغ ياسوع لماسيح، ءيگ سيديتسن ءيگ سيديتنّغ ءولا نكُّني.

1 kurintus 10:17

يات‑تنگولت ا‑يلّان اشكو يان ا‑نگا نكُّني لّي‑يگّوتن، ار‑كولّو‑نطّاف تاغامت غ‑تنگولت‑ان.

1 kurintus 9:23

كولّو ماياد، ار‑ت‑سكارغ باش اد‑سّلكمغ لخبار ءيفولكين ءي‑مدّن، كشمغ ديدسن غ‑تامونت‑نس.

2 kurintus 1:7

نسّن ءيس‑را‑تدوسم تصبرم، اشكو ءيغ‑ا‑تكّاتم تامّارا زوند نكُّني را‑كُن‑يسّفجّيج ربّي زوند نكُّني.

2 kurintus 9:13

ءيگّوت ما‑را‑ت‑يشكر ف‑لمعاونت‑نّون، اشكو را‑سرس‑تملم ءيس‑ا‑تسكارم س‑لخبار ءيفولكين لّماسيح ار‑تّيريم ا‑تّعاوانم ءيمژلاين‑ان ءولا كولّو مدّن.

afsus 3:6

ءيمل‑اغ‑د لخبار ءيفولكين ن‑يس‑راد‑كشمن ايت‑تميزار ياضني غ‑لباراكات ن‑ايت‑ربّي ءولا غ‑ومناگّار ن‑ويلّي گانين وينس، امژن ءولا نتني كولّو ما‑ينّا ربّي راد‑اغ‑ت‑يفك ف‑وودم لّماسيح ياسوع.

afsus 4:1

ءيمّا غيلاد را‑كُن‑ضالبغ باهرا، نكّي‑اد ءيگان احبّاس ف‑يسم ن‑سيديتنّغ. ضالبغ‑كُن ا‑تسكارم غمكلّي ءيلّا ف‑ويلّي ءيژلي ربّي اد‑گن وينس.

afsus 4:4

يات‑دّات ا‑تگام، ييلي گيگون يان رّوح، غمكلّي دارون يان رّجا لّي‑مي‑كُن‑يژلي ربّي.

filibbi 3:14

ار‑تازّالغ اد‑روحغ تّمي، باش اد‑امژغ لكاس لّي‑يگان تودرت ن‑وفلّا لّي‑س‑يّي‑د‑يغرا ربّي ف‑وودم لّماسيح ياسوع.

kulussi 1:12

ار‑تّفراحم ار‑تّشكارم ربّي باباتنّغ لّي‑اون‑يفكان تاغامت غ‑لوورت لّي‑را‑ييلي ءي‑يمژلاين‑نس غ‑تگلديت ن‑تيفاوت.

kulussi 1:22

ءيمّا غيلاد ءيسكر سّلامت غ‑گراتون ديدس ف‑سّيبت لّموت لّماسيح غاكود لّيغ ءيطّاف دّات ن‑بنادم. را‑كُن‑يشّكشم س‑لگدّام‑نس تغوسم تفولكيم بلا‑گيگون‑يلّا كرا لّعيب.

kulussi 3:12

كونّي، ءيمژلاين ن‑ربّي ا‑تگام. ءيرا‑كُن ءيژلي‑كُن ا‑تگم وينس. ف‑مايان ا‑ف‑كُن‑د‑يقّان ا‑تعمّرم س‑لحنانت، ار‑تّمعاوانم ار‑تژّيمژايم ءيخف‑نّون، ار‑تّرخوم ار‑تّصبارم ءي‑نگراتون

1 tasaluniki 2:12

ار‑كُن‑نتنصاح نيني‑اون ا‑تسكارم غمكلّي‑د‑يقّانّ غويلّي گانين وين ربّي لّي‑اون‑د‑يغران ا‑تكشمّ س‑تگلديت‑نس ءولا لمجد‑نس.

1 tasaluniki 5:27

را‑كُن‑وصّاغ س‑يسم ن‑سيديتنّغ ا‑تغرم تابرات‑اد ف‑ايتماتن كولّوتن.

2 tasaluniki 1:11

ماياد ا‑ف‑ا‑بدّا‑نتژالّا ف‑سّيبت‑نّون، ار‑نتضالاب ربّي‑نّغ ا‑كُن‑يگ د‑ويد ستهلّانين تودرت لّي‑س‑اون‑د‑يغرا. ار‑ت‑نتضالاب ا‑يسّافو س‑تحكيمت‑نس ءيتجهّدن كولّو ما‑تّناوالم ءيفولكي ءولا كولّو ما‑تسكارم ف‑سّيبت لّيمان‑نّون.

2 tasaluniki 2:14

كولّو ماياد، ءيغرا‑ياون‑د سرس ربّي س‑لخبار ءيفولكين لّي‑اون‑ين‑نيوي، باش اد‑اون‑تيلي تاغامت غ‑لمجد ن‑سيديتنّغ ياسوع لماسيح.

1 timutaws 6:12

بكيس ار‑تكّاتّ تاكرّايت لّيمان، تامژت غ‑تودرت ءيدومن لّي‑س‑اك‑يغرا ربّي لّيغ تنّيت ءي‑يناگان گّوتنين ف‑مامنك ا‑تومنت س‑لماسيح.

1 timutaws 6:2

وانّا مي ءيگا سيديس امومن، ءيخصّا‑ت ا‑ور‑يحگر سيديس ف‑سّيبت ن‑ما‑يگا گماس. ءيلّا فلّاس ا‑يتخدام س‑وگُّار د‑نّييت، اشكو غوالّي ءيتامژن لخير غ‑تووري‑نس ءيگا امومن ءيگ زغ‑ايتماس عزّانين. سّلماد تيغاوسيوين‑اد ءي‑ايتماتن ار‑اسن‑تّينيت اد‑سكارن غمكاد.

2 timutaws 1:9

ءيجّنجم‑اغ ربّي زغ‑دّنوب‑نّغ ءيغر‑اغ ا‑نگ ءيمژلاين‑نس، ءورد ف‑سّيبت ن‑كرا نسكار نكُّني والاينّي ف‑سّيبت ن‑ما‑يقصاد نتّان اد‑اغ‑يبارك ف‑وودم لّماسيح ياسوع ءور‑تا‑يخلق دّونيت.

2 timutaws 2:7

سوانگم غ‑مايد‑اك‑نّيغ، را‑ك‑يسّفهم سيديتنّغ كولّو ماياد.

iɛbrin 10:19

ف‑مايان ا‑ف‑راد‑اون‑ينيغ اي‑ايتما، نژضار ا‑نكشم غيلاد س‑زّعامت س‑‹تحانوت ءيتياوقداسن› ف‑سّيبت ن‑يدامّن ن‑ياسوع.

iɛbrin 10:21

لّيغ‑اغ‑يلّا يان‑ونمغور ءيهيّان لّي‑يتگابالن مدّن ن‑ربّي،

iɛbrin 10:23

ءيلّا فلّانّغ ا‑نامژ غ‑رّجا لّي‑س‑نومن بلا‑ياس‑نرژم، اشكو ربّي لّي‑يفكان اوال‑نس راد‑بدّا‑گيس‑يزگا.

iɛbrin 13:22

واي‑ايتما، ريغ اد‑اون‑ضالبغ ا‑تقبلم ءيواليون‑اد لّي‑س‑كُن‑وصّاغ، اشكو ءور‑باهرا‑تغزّيف‑تبرات‑اد.

iɛbrin 2:11

ءور‑يحشيم ياسوع اد‑اغ‑يگ د‑ايتماس، اشكو غوالّي ءيسّغوسن ءولا غويلّي ءيسّغوس، باباتسن ءيگا يان.

iɛbrin 2:17

ماياد ا‑ف‑د‑يقّان ياسوع ا‑يرواس ءي‑ايتماس زغ‑كرايگاتّ تاسگا، باش اد‑اسن‑يگ انمغور ءيهيّان ءيحنّو گيسن ءيسكر كولّو مايلّي حتاجّان، ءيبيدّ غ‑گراتسن د‑ربّي ا‑ن‑يسرس تيغرسي لّي‑را‑يسّيتّي دّنوب ف‑بنادم.

iɛbrin 3:12

واي‑ايتما، رارات لعاقل ا‑ور‑گيگون‑ييلي ما‑مي‑يُخشن‑وول‑نس ياگُي ا‑يامن ءيرار تيغوردين‑نس س‑ربّي لّي‑يدّرن.

iɛbrin 3:14

اشكو راد‑بدّا‑نقاما غ‑تامونت لّماسيح ءيغ‑نزگا غمكلّي نومن زغ‑يسيزوار ار ءيسيگُّرا.

iɛbrin 6:20

س‑يلّيس ءيكشم ياسوع لّي‑اغ‑يزوارن ا‑بدّا‑يگ انمغور ءيهيّان ف‑سّيبت‑نّغ غ‑لگدّام ن‑ربّي غمكلّي ءيگا مالكيصادق.

iɛbrin 7:26

وان انمغور‑اد ا‑نحتاجّا، ءيعمّر س‑وفولكي ن‑ربّي، ءيغوس‑وول‑نس، ءور‑گيس‑يلّي كرا لّعيب، ءيتياوژلاي زغ‑كولّو ما‑يسكارن دّنوب، ءيتيالال س‑يگّي ن‑يگنوان.

iɛbrin 7:28

ضعفن ءينمغورن ن‑شّرع اشكو بنادم كاد‑گان. ءيمّا يوس ن‑ربّي، ءيتياوژلاي س‑يسم‑نس تيگيرا ن‑شّرع، ءيكمّل سرس ربّي كولّو ما‑سرس‑يقصاد.

iɛbrin 9:11

ءيمّا لماسيح يوشكا‑د ا‑يگ انمغور ءيهيّان لّباراكات لّي‑اغ‑يلّان غيلاد. اخيّام لّي‑غ‑يسكر تاووري‑نس يوف غوالّي‑ستّين‑يكّان، ياگُر‑ت باهرا. ءورد غ‑دّونيت‑اد ا‑غ‑يلّا، ءولا ءيتياوسكار س‑يفاسّن ن‑بنادم.

iɛbrin 9:15

غمكان ا‑يسكر لماسيح يا‑لّعهد لّجديد غ‑گر ربّي د‑بنادم، ءيشّكشم سرس غويلّي مي‑د‑يغرا ربّي س‑لوورت ءيدومن لّي‑ف‑اسن‑ينّا راد‑اسن‑ييلي. ءيمّوت لماسيح باش ا‑يفرو مدّن زغ‑دّنوب لّي‑سكرن لّيغ سول لّان غ‑لعهد امزوارو.

1 bṭrus 2:9

ءيمّا كونّي، تگام مدّن تياوژلاينين، تگم ايت‑تگلديت ن‑ربّي، ار‑ن‑تسراسم غ‑لگدّام‑نس تيوافكيو لّي‑س‑ا‑يترضو. تگم ايت‑ربّي، ءيژلي‑كُن ا‑تگم وينس، باش ا‑تّاويم لخبار ءي‑مدّن ف‑كولّو ما‑يسكر غوالّي‑اون‑د‑يغران زغ‑تيلّاس س‑تيفاوت لّمجد‑نس.

1 bṭrus 3:5

اشكو غمكان ا‑ستّين كّانت‑تمغارين تيمومنين لّي‑ترجونين غ‑ربّي غايد ءيزرين. غمكان ا‑س‑ا‑سّفولكينت ءيخفاون‑نسنت ار‑سفليدنت س‑يرگازن‑نسنت.

1 bṭrus 5:1

راد‑ضالبغ ءيمغارن غ‑گراتون، نكّي‑اد ءيگان امغار زوند كونّي، گغ ءينيگي ف‑ورفوفن لّماسيح، طّافغ تاغامت غ‑لمجد لّي‑را‑د‑يبان.

1 bṭrus 5:10

والاينّي ربّي لّي‑بدّا‑يران اد‑اغ‑يبارك، ءيغرا‑ياون‑د ا‑تكشمّ س‑لمجد‑نس ءيدومن غ‑تامونت لّماسيح. تيگيرا ن‑ما‑ترفوفنم يان ءيميكّ، را‑كُن‑ياوي س‑سّلامت ءيكمّلن ءيسّدوس‑كُن ءيزّگا‑كُن ءيسّبيدّ‑كُن ف‑لّساس ءيصحان.

1 yuḥanna 1:3

ناوي‑اون‑ين لخبار ف‑ما‑نژرا ءولا ما‑مي‑نسفلد، باش ا‑تكشمّ ءولا كونّي غ‑تامونت‑اد دارنّغ ءيلّان. اشكو تلّا‑ياغ غيلاد تامونت د‑ربّي باباتنّغ د‑يوس ياسوع لماسيح.

yahuda 1:1

زغ‑وخدّام ن‑ياسوع لماسيح، ياهودا گماس ن‑ياعقوب. ءي‑ويلّي‑ف‑يحنّا ربّي باباتنّغ ءيغر‑اسن‑د، ار‑تن‑يسّنتال ياسوع لماسيح.

anurẓm 17:14

راد‑مّاغن د‑ولقّاغ، والاينّي را‑تن‑ينرو‑ولقّاغ نتّا د‑مدّن‑نس لّي‑مي‑يغرا، ءيژلي‑تن اد‑گن وينس، غوين‑بدّا گيس. اشكو ءيگا نتّا انمغور ن‑ينمغورن، ءيگ اگلّيد ن‑يگلدان.»

anurẓm 18:20

فرحات اي‑ايت‑يگنّا س‑لهالاك‑نس، تفرحم اي‑يمژلاين ن‑ربّي د‑يرقّاسن‑نس د‑لانبيا، اشكو ءيزّوگز‑د فلّاس ربّي‑نّون لعقوبيت ف‑غايلّي‑اون‑تسكر.»