iɛbrin 2:3 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ ءيمّا غيلاد، مامنك ا‑را‑ننجم ءيغ‑ور‑تّ‑نيوي غ‑وجنجم‑اد ءيهيّان؟ سيديتنّغ ياسوع ا‑يزوارن ءينّا‑ياغ فلّاس، ساولن فلّاس ءولا غويلّي سفلدنين ءي‑سيديتنّغ ملن‑اغ ءيس‑يگا لحقّ.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ imma ġilad, mamnk a‑ra‑nnjm iġ‑ur‑tt‑niwi ġ‑ujnjm‑ad ihiyyan? siditnnġ yasuɛ a‑izwarn inna‑yaġ fllas, sawln fllas ula ġwilli sfldnin i‑siditnnġ mln‑aġ is‑iga lḥqq.

iɛbrin 2:3 Iomraidhean Croise

matta 23:33

وا‑يلگمّاضن، وا‑تاروا ن‑يفاغرن، مامنك ا‑را‑تنجمّ زغ‑لهالاك ن‑جهنّاما؟

matta 4:17

غاكودان ا‑يگرا ياسوع ار‑يتبرّاح ار‑يتّيني: «فلات كولّو ما‑تسكارم يُخشن، اشكو تاكمور‑د‑تگلديت ن‑يگنّا.»

marqus 1:14

لّيغ ءيتياماژ يوحانّا غ‑لحبس ياشك‑يد ياسوع س‑تمازيرت ن‑جاليل ار‑يتبرّاح س‑لخبار ءيفولكين ن‑ربّي

luqa 1:2

غمكلّي‑اغ‑نّان غويلّي‑تنت‑ژرانين زغ‑يسيزوار، گن فلّاسنت ءيناگان اوين‑اغ‑د لخبار‑نسنت.

luqa 1:69

ءيسّمغي‑د غ‑گر تاسوتين ن‑وخدّام‑نس داود يان ءيگان انجّام ءيتجهّدن،

luqa 24:19

ييني‑اس: «ما‑يجران؟» ءينين‑اس: «غايلّي ءيجران ءي‑ياسوع گو‑ناصيرا. ءيگا يان‑نّابي ءيمقّورن س‑يسكّيرن‑نس ءولا س‑يواليون‑نس. ءيفرح سرس ربّي ءولا مدّن كولّوتن.

yuḥanna 15:27

ءولا كونّي را‑فلّا‑تاكّام توگّا، اشكو تلّام ديدي زغ‑يسيزوار.»

irqqasn 2:22

«وا‑يرگازن ايت‑ربّي، سفلدات ءي‑ما‑راد‑اون‑ينيغ. ياسوع گو‑ناصيرا، تلّا گيس لباراكا ن‑ربّي، ءيسكر غ‑دارون لقوّات د‑لمعجيزات د‑تميتار تجهّدنين. كولّو ماياد، ءيملا‑ياون‑ت ربّي.

irqqasn 4:12

ءور‑يژضار يان ا‑ينجم زغ‑لهالاك ابلا سرس نتّان، اشكو ءور‑يلّي غ‑دّو ءيگنوان كرا ن‑يسم ياضني ءيفكا‑ت ربّي ما‑س‑ا‑يتنجام بنادم.»

ruma 11:14

ا‑ور‑يميل رارغ‑د كرا غ‑ايت‑يودايا اد‑يرين اد‑امژن ماد‑دارون‑يلّان، باش اد‑نجمن ءولا نتني.

ruma 2:3

ءيمّا كيّي ا‑بنادم، ءيس‑تغالت ءيس‑را‑تنجمت زغ‑لحوكم ن‑ربّي؟ ار‑تحكامت ف‑ويلّي سكارنين غمكان، والاينّي ار‑تسكارت غمكان ءولا كيّي.

1 kurintus 1:21

اشكو ربّي س‑تحكيمت‑نس ا‑س‑يقصاد غ‑مدّن ن‑دّونيت‑اد ا‑ور‑يژضارن اد‑وورّين ءيسّانّ ربّي س‑لعاقل‑نسن، والاينّي ءيرضا ا‑يجّنجم وينّا ءومنّين س‑تبرّاحت‑نّغ لّي‑ف‑ا‑تّينين «تگا انوفل.»

1 tasaluniki 5:3

را‑تّينين مدّن «لاباس تهنّا لوقت،» ءيميل ءيگّوز‑د فلّاسن لهالاك. حاينا را‑تن‑يغوي غمكلّي ءيقُّاي‑ونگاژ تامغارت لّي‑را‑يارو، ءور‑اكُّ‑راد‑نجمن.

1 timutaws 1:15

اوال ءيزگان اياد، ءيقّان‑د كود يان ا‑ت‑يامن: يوشكا‑د لماسيح ياسوع س‑دّونيت باش ا‑يجّنجم مدّن أُخشنّين، د‑نكّي ا‑كولّو‑گيسن‑يُخشنّ.

tiṭus 2:11

ءيسّبايّن‑د ربّي لحنانت‑نس غيلاد ا‑سرس‑يجّنجم كولّو مدّن.

iɛbrin 1:1

ف‑يمي لّانبيا گّوتنين ا‑ف‑يساول ربّي س‑يمزوورا‑نّغ غايد ءيزرين، كرايگاتّ ازمز د‑ماد‑اسن‑يملا.

iɛbrin 1:14

اشكو لمالايكا ءور‑گين غير لارواح لّي‑تخدامنين ءي‑ربّي، ار‑تن‑د‑يتازن اد‑قاسان غويلّي را‑ينجم.

iɛbrin 1:2

ءيمّا غ‑ووسّان‑اد گُّرانين ءيساول‑د سرنّغ ف‑يمي ن‑يان ءيگان يوس. نتّان ا‑س‑يخلق كولّو ما‑يلّان، ءيژلي‑ت ا‑يوورت كرايگاتّ كرا.

iɛbrin 12:25

اويات‑ستّ باهرا غ‑غوالّي سرون ءيساوالن. اشكو لهالاك ا‑يضرن ف‑ويلّي اگُينين اد‑سفليدن س‑موسا لّي‑تن‑يومرن غ‑دّونيت‑اد، والاينّي ءوگُّار ن‑غايان ا‑راد‑اغ‑ييلي نكُّني ءيغ‑نرور تيغوردين‑نّغ س‑والّي‑اغ‑د‑يومرن زغ‑يگنّا.

iɛbrin 4:1

ءيساول ربّي س‑واوال ءيزگان، ييني ءيس‑را‑يفك اسونفو ءي‑مدّن‑نس. ءيمّا غيلاد، ءيلّا فلّانّغ ا‑نرار لعاقل ا‑ور‑گينّغ‑ييلي ما‑ور‑را‑ييژضار ا‑سرس‑يكشم.

iɛbrin 4:11

ءيمّا غيلاد ءيلّا فلّانّغ ا‑باهرا‑نتّيري ا‑نكشم س‑وسونفو‑اد، ا‑ور‑يضر يان گينّغ غمكلّي ضرن نتني، فّوغن زغ‑واوال ن‑ربّي.

iɛbrin 5:9

والاينّي لّيغ ءيكمّل كولّو ما‑فلّاس‑يلّان، ءيجّنجم غويلّي سكارنين س‑واوال‑نس س‑وجنجم ءيدومن،

iɛbrin 9:28

غمكان ا‑س‑يفكا لماسيح ءولا نتّا ءيخف‑نس يات‑توال باش ا‑ياسي دّنوب ن‑مدّن گّوتنين. را‑د‑يوورّي تيس سنات‑توال، ءورد باش ا‑ياسي دّنوب والاينّي باش ا‑يجّنجم كولّو وينّا سرس تقلنين رجون‑ين گيس.

1 yuḥanna 1:1

غوالّي ءيلّان زغ‑يسيزوار، نسفلد‑اس نژر‑ت نسّماقّل گيس نگّر‑اس. ءيگا نتّان اوال ن‑تودرت.

yahuda 1:17

واي‑ايتما عزّانين، سوانگماد‑د ءيواليون ن‑يرقّاسن ن‑سيديتنّغ ياسوع لماسيح لّي‑س‑اون‑نّان ف‑ما‑را‑يجرو.

anurẓm 7:10

الّن اوال‑نسن ار‑تّينين: «ربّي‑نّغ لّي‑يسكيوسن ف‑لعرش، نتّان د‑ولقّاغ اد‑اغ‑يجّنجمن.»