iɛbrin 2:2 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

² اشكو شّرع لّي‑د‑يوشكان ءي‑يمزوورا‑نّغ ف‑يمي لّمالايكا، ءور‑يژضار يان گيسن اد‑اس‑يانف، والاينّي تضر لعقوبيت س‑لحقّ ف‑كولّو وانّا زگيس ءيفّوغن ءولا كولّو وانّا ءور‑سرس‑يسكارن.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

² ašku ššrɛ lli‑d‑yuškan i‑imzwura‑nnġ f‑imi l‑lmalayka, ur‑iẓḍar yan gisn ad‑as‑yanf, walaynni tḍr lɛqubit s‑lḥqq f‑kullu wanna zgis iffuġn ula kullu wanna ur‑srs‑iskarn.

iɛbrin 2:2 Iomraidhean Croise

irqqasn 7:53

كونّي لّي‑مي‑يفكا ربّي شّرع ف‑وفوس لّمالايكا، والاينّي ءور‑جّو‑سرس‑تسكيرم.»

گالاطيّا 3:19

ءيمّا غيلاد ما‑را‑نيني ف‑شّرع؟ ماخ ايلّيغ‑ت‑يد‑يزوويد ربّي ءي‑مدّن‑نس؟ ءيزوويد‑اسن‑ت باش اد‑اسن‑يمالا دّنوب لّي‑سكارن. ءيقاما شّرع غير ار اكود لّيغ‑د‑يوشكا‑وامود ن‑يبراهيم لّي‑ف‑ياد‑ينّا ربّي. ف‑وفوس لّمالايكا ا‑ف‑اسن‑يفكا شّرع، د‑نتني سّبايّنّ‑ت‑يد ءي‑موسا، د‑نتّا ءيسّبايّن‑ت‑يد ءي‑وييّاض.

iɛbrin 1:1

ف‑يمي لّانبيا گّوتنين ا‑ف‑يساول ربّي س‑يمزوورا‑نّغ غايد ءيزرين، كرايگاتّ ازمز د‑ماد‑اسن‑يملا.

iɛbrin 10:28

نسّن ءيس‑ور‑يرحيم ربّي يان ءيرورن تيغوردين‑نس س‑شّرع ن‑موسا، اشكو ءيقّان‑ت‑يد ا‑يمّت ف‑توگّا ن‑سين نغد كراض ءيناگان.

iɛbrin 10:35

ءيمّا غيلاد، ا‑ور‑دي‑توورّيم ف‑زّعامت‑ان گيگون ءيلّان، اشكو راد‑اون‑گيس‑تيلي لباراكا ءيگّوتن.

iɛbrin 11:26

ءيحاسب نتّا تادالّيت لّي‑غ‑يلّا ف‑سّيبت لّماسيح ءيس‑تعزّا ءوگُّار ن‑تميخار ن‑ميصر، اشكو ار‑ن‑يترجو غ‑لباراكا لّي‑را‑ييلي تيگيرا.

iɛbrin 11:6

والاينّي يان ءور‑يومينّ ربّي، ءور‑را‑ييژضار ا‑يامژ رّضا‑نس. اشكو وانّا ءيران ا‑ن‑ياكمور س‑ربّي، ءيقّان‑ت‑يد ا‑يامن ءيس‑يلّا ربّي، يوجاد ا‑يبارك وانّا‑ت‑يسيگّيلن.

iɛbrin 12:25

اويات‑ستّ باهرا غ‑غوالّي سرون ءيساوالن. اشكو لهالاك ا‑يضرن ف‑ويلّي اگُينين اد‑سفليدن س‑موسا لّي‑تن‑يومرن غ‑دّونيت‑اد، والاينّي ءوگُّار ن‑غايان ا‑راد‑اغ‑ييلي نكُّني ءيغ‑نرور تيغوردين‑نّغ س‑والّي‑اغ‑د‑يومرن زغ‑يگنّا.

2 bṭrus 1:19

مايان ا‑دارنّغ‑يزّگان ءيواليون لّانبيا س‑وگُّار. افولكي ا‑را‑تسكارم ءيغ‑ا‑ستّي‑تّاويم غ‑ماد‑نّان نتني، اشكو ءيگا‑واوال‑نسن زوند تيفاوت لّقنديل، ار‑يتّيسفيو غ‑تيلّاس ارد ءيفاو‑واسّ ءيغلي‑د ءيتري ن‑صّباح غ‑وولاون‑نّون.

yahuda 1:5

ريغ اد‑اون‑د‑سّكتيغ مايلّي مي تسفلدم غايد ءيزرين. تسّنم ءيس‑يجّنجم ربّي مدّن‑نس ءيسّوفغ‑تن‑د زغ‑تمازيرت ن‑ميصر، والاينّي تيگيرا ن‑مايان ءيهلك غويلّي ءور‑ومنّين اوال‑نس.