iɛbrin 12:3 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ سوانگماد‑د ياسوع لّي‑يصبرن ءي‑تنوّاشت ءيگّوتن ف‑يفاسّن ن‑مدّن أُخشنّين، باش ا‑ور‑يرمي‑وول‑نّون ءيهروصّي.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ swangmad‑d yasuɛ lli‑iṣbrn i‑tnuwwašt iggutn f‑ifassn n‑mddn ʷh̬šnnin, baš a‑ur‑irmi‑uwl‑nnun ihruṣṣi.

iɛbrin 12:3 Iomraidhean Croise

matta 11:19

اشكغ‑د نكّي لّي‑يگان يوس ن‑بنادم ار‑شتّاغ ار‑سّاغ، ار‑فلّا‑تّينين ‹غواد ءيگا بو‑وديس ءيگ اسكايري، ءيگ امدّاكُّل ن‑ايت‑نكّاس د‑وييّاض أُخشنّين.› والاينّي تاحكيمت ن‑ربّي، كولّو ويلّي سرس سكارنين ار‑تّ‑ين‑تافان تُغژان.»

matta 12:24

ءيمّا ءيفاريسين، لّيغ سفلدن ف‑ما‑يسكر ار‑تّينين: «غواد، غير س‑تحكيمت ن‑بعل‑زابول اگلّيد لّجنون ا‑س‑ا‑يسّوفوغ لجنون.»

matta 15:2

«ماخ ايلّيغ ا‑تفّوغن ءيمحضارن‑نّك زغ‑لعادا ن‑يمزوورا‑نّغ لّي‑زرينين؟ ها‑نتني ار‑شتّان بلا‑دا‑سّغوسن ءيفاسّن‑نسن س‑يسيريد لّي‑تن‑د‑يقّانّ.»

matta 21:23

ءيكشم‑داغ ياسوع س‑تگمّي ن‑ربّي ار‑گيس‑يسّلماد. اشكين‑د ءينمغورن د‑يمغارن ن‑تمازيرت‑ان سقسان‑ت: «ما‑ك‑يد‑يوزنّ ا‑تسكارت كولّو غاياد؟ اوال ن‑مي ايد‑س‑ا‑تي‑تسكارت؟»

matta 21:46

ءيرين ا‑ت‑امژن والاينّي كسوضن زغ‑مدّن، اشكو ار‑كولّو‑تّينين ءيزد يان‑نّابي ا‑يگا.

matta 22:15

دّون ءيلمّا ءيفاريسين ار‑تمشاوارن ءي‑نگراتسن ف‑مامنك ا‑راد‑سّموتّلن ياسوع ف‑واوال‑نس.

luqa 14:1

يان‑واسّ ن‑وسونفو ءيدّا ياسوع ا‑يشّ غ‑تگمّي ن‑يان زغ‑ينمغورن ن‑يفاريسين. گابلن‑ت اد‑ژرن ما‑را‑يسكر.

luqa 15:2

ار‑تنگموگن ءيفاريسين د‑يمسلمدن ن‑شّرع ار‑تّينين: «هان ارگاز‑ان ار‑يشتّا د‑ويلّي أُخشنّين ار‑سرسن‑يتفراح.»

luqa 16:14

لّيغ سفلدن ءيفاريسين ءي‑كولّو مايد ءينّا ياسوع ار‑گيس‑تطناژن، اشكو نتني عزّان دارسن ءيقاريدن.

luqa 2:34

ءيزايد سيمعان ءيضالب ربّي ا‑تن‑يبارك، ءيساول ءيلمّا س‑ماريام ءينّاس ن‑وازّان، ييني‑اس: «ازّان‑اد، ءيگا‑ت ربّي د‑واد‑س‑راد‑ضرن كيگان د‑مدّن ن‑ايت‑ربّي، نكرن كيگان ف‑سّيبت‑نس. ءيگ‑ت د‑يات‑تماتارت لّي‑راد‑اگُين مدّن گّوتنين،

luqa 5:21

بدون ءيمسلمدن‑لّي ن‑شّرع د‑يفاريسين ار‑سوينگيمن د‑يخفاون‑نسن: «ما‑يگا غواد ار‑يساوال س‑لكوفر؟ ما‑يژضارن ا‑يسّيتّي دّنوب ابلا ربّي واحدوت؟»

yuḥanna 10:20

ءيگّوت گيسن ما‑يتّينين: «كرا لّجنّ ا‑ت‑يكشمن، ءيفّوغ ءيخف‑نس. ماخ ايلّيغ ا‑ياس‑سول‑تسفليدم؟»

yuḥanna 18:22

لّيغ ءينّا ياسوع ماياد يوت‑ت يان زغ‑يمخزنيين س‑وباريق ييني‑اس: «ماتّا غمكاد تساوالت س‑ونمغور ن‑تگمّي ن‑ربّي؟»

yuḥanna 5:16

غاكودان اد‑وسين تانوّاشت ف‑ياسوع، اشكو ءيسكر مايان غ‑واسّ ن‑وسونفو.

yuḥanna 7:12

ءيگّوت ما‑فلّاس‑يتنشموشن. كرا گيسن ار‑يتّيني: «ارگاز ءيفولكين ا‑يگا.» كرا ار‑يتّيني: «ءوهو، ار‑يجلّو مدّن.»

yuḥanna 8:13

ءينين‑اس‑د ءيفاريسين: «ها‑كيّي ار‑تاكّات توگّا ف‑يخف‑نّك. ءور‑زگانت توگّا‑ياد.»

yuḥanna 8:52

رارن‑اس‑د مدّن‑ان: «ءيبان گيك غيلاد ءيس‑ك‑يكشم كرا لّجنّ. ءيمّوت ءيبراهيم ءولا لانبيا، ءيمّا كيّي ار‑تّينيت ‹وانّا ءيزگان غ‑واوال‑ينو، ءور‑سار‑يمّوت.›

yuḥanna 8:59

لّيغ سفلدن ءي‑مايان، اسين ءيژران ما‑س‑ا‑ت‑كّاتن، والاينّي ءينتل فلّاسن ياسوع ءيفّوغ زغ‑تگمّي ن‑ربّي.

yuḥanna 9:40

سفلدن‑اس كرا ن‑يفاريسين لّي‑لّانين غين، ءينين‑اس‑د: «ءيزد ءولا نكُّني نبوكض؟»

1 kurintus 15:58

واي‑ايتما عزّانين، ماياد ا‑ف‑راد‑اون‑ينيغ: دوسات تزگام ار‑بدّا‑تّلهوم س‑تووري ن‑سيديتنّغ، تيسّانم ءيس‑ورد بلا لفايتّ ا‑س‑ا‑تّنهاتافم س‑يسم ن‑سيديتنّغ.

2 kurintus 4:1

لّيغ‑اغ‑يفكا ربّي تاووري‑اد ءيهيّان س‑رّحمت‑نس، ار‑گيس‑نتزاياد بلا‑دا‑نترماي.

2 kurintus 4:16

مايان ا‑ف‑ور‑اكُّ‑ا‑نترماي. واخّا دا‑تّضعاف دّات‑نّغ، ار‑يتدوس‑وول‑نّغ اسّ ف‑واسّ.

گالاطيّا 6:9

ا‑ور‑نترماي غ‑وفولكي‑اد نسكار، اشكو را‑نمگر صّابت غ‑وزمز‑نس ءيغ‑ور‑نهروصّي.

2 tasaluniki 3:13

واي‑ايتماتنّغ، سكارات افولكي بلا‑دا‑تّرمايم.

iɛbrin 12:2

ءيلّا فلّانّغ ا‑ن‑نتمناد غ‑ياسوع لّي‑اغ‑يسكرن اغاراس‑اد س‑نومن، راد‑اغ‑گيس‑ياوي ار تّمي. ءيصبر نتّان ءي‑لموت ف‑وگّجدي، ءور‑تّ‑ييوي غ‑تدالّيت، اشكو ءيژرا‑ن لفرح لّي‑راد‑اس‑ييلي تيگيرا. ءيسكيوس ءيلمّا ف‑وفاسي لّعرش ن‑ربّي.

iɛbrin 12:5

ءيس‑تتّوم اوال لّي‑س‑كُن‑يزّعام ربّي لّيغ‑كُن‑يگا د‑تاروا‑نس؟ ييني: «وا‑يوي، ءيغ‑ك‑يصلح سيدي ربّي، اد‑ور‑تينيت د‑يخف‑نّك ‹غاياد ءور‑يگي يات.› نغد ءيغ‑ك‑يژي، اد‑ور‑تينيت ‹نكّي ءور‑گيغ يات.›

iɛbrin 3:1

واي‑ايتما ءيمژلاين لّي‑مي‑د‑يغرا ربّي اد‑كشمن س‑تامونت‑اد، سوينگيماد‑د ياسوع لّي‑د‑يتيازانّ ا‑يگ انمغور ءيهيّان لّيمان لّي‑غ‑نومژ.

1 bṭrus 2:23

لّيغ‑ت‑رگمن، ءور‑اسن‑د‑يرور س‑ترگّام. لّيغ‑ت‑سّرفوفنّ ءور‑تن‑يهدّيد، والاينّي ءيتعنّا س‑ربّي لّي‑يتحكامن س‑لحقّ.

anurẓm 2:3

سّنغ ءيس‑تزگات تصبرت ءي‑تنوكموت ف‑سّيبت ن‑يسم‑ينو بلا‑دا‑تّرمايت.