iɛbrin 11:3 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ ءولا نكُّني، ف‑سّيبت ن‑ما‑نومن اوال ن‑ربّي ا‑ف‑نسّن ءيزد نتّان ا‑يخلقن كولّو ما‑يلّان س‑واوال‑نس، ءيسكر كولّو ما‑نتمناد زغ‑ما‑ور‑يتياوژرّان.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ ula nkkʷni, f‑ssibt n‑ma‑numn awal n‑rbbi a‑f‑nssn izd nttan a‑ih̬lqn kullu ma‑illan s‑wawal‑ns, iskr kullu ma‑ntmnad zġ‑ma‑ur‑ityawẓrran.

iɛbrin 11:3 Iomraidhean Croise

yuḥanna 1:3

سرس ا‑س‑يخلق كولّو ما‑يلّان. ءور‑يلّي كرا ءيخلق‑ت ربّي ابلا ءيتياوخلاق سرس.

irqqasn 14:15

«مايد را‑تناولم؟ هاتي بنادم كا‑نگا زوند كونّي. نوشكا‑د ناوي‑اون‑د لخبار ءيفولكين باش ا‑تفلم تيغاوسيوين‑اد خوانين لّي‑تسكارم، توورّيم تيسّانم ربّي لّي‑يدّرن. نتّان ا‑يسكرن ءيگنوان د‑واكال د‑يمدوان ءولا كولّو ما‑گيسن‑يلّان.

irqqasn 17:24

اشكو ربّي لّي‑يسكرن دّونيت ءولا كولّو ما‑گيس‑يلّان، نتّان ا‑يگان سيديس ن‑يگنّا ءولا وين‑واكال. ءور‑ا‑يزدّغ غ‑تگُمّا تياوسكارنين س‑يفاسّن ن‑بنادم.

ruma 4:17

غمكلّي ءيتياران: «گيغ‑ك د‑باباتسن ن‑ايت‑تميزار گّوتنين.» غمكاد ا‑س‑يگا ءيبراهيم باباتنّغ دار ربّي لّي‑س‑يومن، ا‑ت‑يگان د‑والّي ءيسّدّرن غويلّي مّوتنين، ار‑يتامر ما‑ور‑يلّين ا‑ييلي س‑يلّا.

1 kurintus 2:7

والاينّي ار‑نساوال س‑تحكيمت ن‑ربّي لّي‑ينتلن غايد ءيزرين ءيسّبايّن‑ت‑يد غيلاد. اشكو ربّي، ءور‑تا‑يخلق دّونيت، ءيقصاد اد‑اغ‑يشّكشم س‑لمجد‑نس.

1 timutaws 4:5

اشكو ار‑ت‑يسّحلّا ربّي س‑واوال‑نس ءولا س‑تژالّيت لّي‑س‑ا‑ت‑فلّاس‑نتشكار.

iɛbrin 1:2

ءيمّا غ‑ووسّان‑اد گُّرانين ءيساول‑د سرنّغ ف‑يمي ن‑يان ءيگان يوس. نتّان ا‑س‑يخلق كولّو ما‑يلّان، ءيژلي‑ت ا‑يوورت كرايگاتّ كرا.

iɛbrin 6:5

فرحن س‑واوال ن‑ربّي ءولا لقوّات ن‑وزمز لّي‑را‑د‑ياشك،

2 bṭrus 3:5

ءيمّا نتني ار‑تّيرين اد‑تّون ءيزد س‑واوال‑نس ا‑س‑يخلق ربّي ءيگنوان غ‑يسيزوار، ءيسكر ءيكالّن غ‑گر‑وامان ءيسكر‑تن س‑وامان.

anurẓm 4:11

«وا‑ربّي سيديتنّغ، كيّي ا‑يستهلّان لمجد د‑تّوقير د‑لحوكم، اشكو كيّي ا‑يخلقن كولّو ما‑يلّان. هاتي ءيتياوخلاق ييلي، اشكو كيّي ا‑ت‑يران.»