anurẓm 7:3 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ ييني‑اسن: «اد‑ور‑تهلكم اكال ءولا امدا ءولا ءيسغارن ارد نگ طّابع ف‑يگنزي ن‑كولّو ءيخدّامن ن‑ربّي‑نّغ.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ yini‑asn: «ad‑ur‑thlkm akal ula amda ula isġarn ard ng ṭṭabɛ f‑ignzi n‑kullu ih̬ddamn n‑rbbi‑nnġ.»

anurẓm 7:3 Iomraidhean Croise

matta 24:22

مراد ءيس‑ور‑يسّيدروس ربّي ءوسّان‑ان ءور‑را‑ينجم يان. والاينّي ف‑سّيبت ن‑مدّن‑نس لّي‑يژلي، هاتي ءيسّيدروس ءوسّان‑ان ف‑سّيبت‑نسن.

matta 24:31

را‑يتّوت نّفّار ءيتجهّدن، ازنغ لمالايكا‑نو اد‑سّمونّ غويلّي گانين وينو زغ‑كرايگاتّ تاسگا، زغ‑تّمي ن‑دّونيت ار تّمي ياضني.

yuḥanna 12:26

وانّا ءيران ا‑يگ زغ‑يخدّامن‑ينو، ءيلّا فلّاس اد‑ديدي‑يتمونو، ييلي‑وخدّام‑ينو غ‑ينّاغ لّيغ نكّي. د‑وانّا ءيگان اخدّام‑ينو، ربّي بابا ا‑را‑ت‑يوقّر.

yuḥanna 3:33

ءيمّا وانّا يومنّ توگّا‑نس، هاتي ءيملا ءيزد ربّي ا‑دار لحقّ.

ruma 6:22

والاينّي ربّي ءيفسي‑اون زغ‑يسكراف ن‑دّنوب. توورّيم تگم ءيسمگان ن‑ربّي، تّياوژلايم ا‑تگم وينس تيلي‑اون لفايتّ ن‑تودرت ءيدومن.

anurẓm 13:16

ءيزايد‑واغُژن‑لّي ار‑يتامر كولّو مدّن، ما‑يمژّين ءولا ما‑يمقّورن، ايت‑وايدا ءولا ءيمژلاض، ءيسمگان ءولا غويلّي گانين وين ءيخف‑نس، ييني‑اسن اد‑قبلن طّابع ف‑وفوس‑نسن افاسي نغد ف‑يگنزي‑نسن.

anurẓm 13:17

غمكان ا‑س‑ا‑يتامر باش ا‑ور‑ييژضار يان ا‑يسغ ءولا ءيزّنزا بلا دارس ءيلّا طّابع ن‑يسم ن‑واغُژن امزوارو نغد نّمرا لّي‑يمالان ءيسم‑نس.

anurẓm 14:1

سّماقّلغ‑ن غاكودان س‑ژريغ القّاغ ءيبيدّ ف‑يگّي ن‑وورير ن‑تگمّي ن‑ربّي. بيدّن ديدس ميّا د‑كّوژ ءيد‑مراو د‑كّوژ‑والف (000‏.144) ن‑مدّن لّي‑مي‑يتيارا ف‑يگنزي‑نسن ءيسم ن‑ولقّاغ ءولا ءيسم ن‑باباس.

anurẓm 14:9

ءيگُّرو‑اسن‑د لمالاك ويس كراض، يالّ اوال‑نس ييني: «وينّا تعبادنين اغُژن ءولا صّورت‑نس، د‑وينّا قبلنين طّابع‑نس ف‑يگنزي‑نسن ءولا ف‑وفوس‑نسن،

anurẓm 19:2

يُغژان لحوكم‑نس، س‑لحقّ ا‑س‑ا‑يتحكام. يوت لعقوبيت ف‑تمگّانت ءيمقّورن لّي‑يسّركان كولّو دّونيت س‑لفساد‑نس. ءيرار‑اس ربّي ف‑يدامّن ن‑يخدّامن‑نس.»

anurẓm 20:4

ژرغ ءيلمّا كرا لّعروش غ‑يگنّا. ءيتياوفكا ءي‑ويلّي فلّاسن سكيوسنين لحقّ اد‑تحكامن. ژرغ لارواح ن‑ويلّي مي ءيتياوبّاي ءيخف‑نسن ف‑سّيبت ن‑توگّا‑نسن ف‑ياسوع ءولا ف‑واوال ن‑ربّي. ءور‑ا‑تعبادن اغُژن ءولا صّورت‑نس، ءولا قبلن طّابع‑نس ف‑يگنزي‑نسن ءولا ف‑وفوس‑نسن. نكرن نتني زغ‑لموت ار‑تحكامن د‑لماسيح الف ن‑وسگُّاس.

anurẓm 22:4

ار‑تمنادن ءودم‑نس، ءيتيارا ءيسم‑نس ف‑يگنزي‑نسن.

anurẓm 6:6

سفلدغ ءي‑كرا ءيرواس اوال زغ‑گر كّوژط لمخلوقات ييني: «غير كيلو ن‑يردن س‑وقاريد ن‑نّوقرت. غير كراض ءيد‑كيلو ن‑طمژّين س‑وقاريد ن‑نّوقرت. والاينّي ا‑ور‑تسّوكفم زّيت ءولا اضيل.»

anurẓm 7:1

لّيغ ءيزري مايان، ژرغ كّوژ لمالايكا بيدّن غ‑كّوژط‑تسگيو ن‑دّونيت، حصارن‑ين اضو ا‑ور‑يوت اكال ءولا امدا ءولا كرا ن‑وسغار.

anurẓm 7:2

ژرغ‑ن ءيلمّا يا‑لّمالاك ياضني ءيغلي‑د زغ‑يلّيغ ا‑دي‑تاقلاي تافوكت، ياسي‑د طّابع ن‑ربّي باب ن‑تودرت. ءيغر لمالاك‑ان س‑واوال ءيتجهّدن ءي‑كّوژ لمالايكا لّي‑يوصّا ربّي اد‑هلكن اكال د‑ومدا،

anurẓm 9:4

ءيتياونّا‑ياس ا‑ور‑تهلك توگا ن‑واكال والا ءيسغارن والا تيفراوين ن‑يسافارن، والاينّي ا‑تهلك غير مدّن لّي‑ور‑دار طّابع ن‑ربّي ف‑يگنزي‑نسن.