anurẓm 1:9 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁹ ءيمّا نكّي يوحانّا گماتون د‑وسمون‑نّون غ‑تنوكموت ءولا تاگلديت ءولا صّبر لّي‑اغ‑يلّان س‑يسم ن‑ياسوع، لّيغ غ‑يگزير ن‑باطموس تياماژغ ف‑سّيبت ن‑تبرّاحت ن‑واوال ن‑ربّي ءولا ف‑توگّا ن‑ياسوع.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁹ imma nkki yuḥanna gʷmatun d‑usmun‑nnun ġ‑tnukmut ula tagldit ula ṣṣbr lli‑aġ‑illan s‑ism n‑yasuɛ, lliġ ġ‑igzir n‑baṭmus tyamaẓġ f‑ssibt n‑tbrraḥt n‑wawal n‑rbbi ula f‑tugga n‑yasuɛ.

anurẓm 1:9 Iomraidhean Croise

matta 20:23

ءيرار‑اسن ياسوع: «س‑صّاحت، لكاس لّي‑راد‑سوغ نكّي را‑تي‑تسوم كونّي، والاينّي اسكيوس ف‑وفاسيي‑ينو ءولا ف‑وژلماض‑ينو ءور‑يگي وينو باش ا‑ت‑فكغ ابلا ءي‑ويلّي‑مي‑ت‑يسكر بابا ربّي.»

marqus 10:39

ءينين‑اس: «نژضار‑اس.» ءيرار‑اسن ياسوع: «س‑صّاحت، لكاس لّي‑راد‑سوغ نكّي را‑تي‑تسوم كونّي، ءولا ءودوم لّي‑س‑راد‑دّمغ را‑سرس‑تدّمّ،

yuḥanna 16:33

كولّو ماياد نّيغ‑اون‑ت باش ا‑تيلي سّلامت‑ينو غ‑وولاون‑نّون. تاكرّايت ا‑راد‑اون‑ييلي غ‑دّونيت. والاينّي زعمات، ها‑يّي نريغ دّونيت.»

irqqasn 1:15

يان‑واسّ غ‑ووسّان‑ان ءينكر بطرُس غ‑وامّاس ن‑ايتماتن. ءيلّا غين ما‑يتگّان ميّا د‑سين ءيد‑مراو (120) ن‑يان.

irqqasn 14:22

ار‑سّدوسن ءولاون ن‑يمحضارن ار‑تن‑زّعامن اد‑زگان غ‑وغاراس لّماسيح، ار‑اسن‑تّينين: «س‑ترفوفنت ءيگّوتن ا‑س‑د‑يقّان ا‑نكشم س‑تگلديت ن‑ربّي.»

ruma 8:17

لّيغ نگا تاروا‑نس، نيسّان ءيس‑را‑نطّاف لوورت لّي‑را‑ييلي ءي‑مدّن ن‑ربّي، را‑نكشم غ‑لوورت لّماسيح. ءيغ‑ديدس‑نمون غ‑ورفوفن، را‑ديدس‑نيلي غ‑لمجد.

ruma 8:25

والاينّي لّيغ ا‑نترجو غ‑مايلّي ءور‑تا‑نژري، هاتي ار‑سرس‑نتقل نزگا غ‑رّجا ارد‑اغ‑ييلي.

2 kurintus 1:7

نسّن ءيس‑را‑تدوسم تصبرم، اشكو ءيغ‑ا‑تكّاتم تامّارا زوند نكُّني را‑كُن‑يسّفجّيج ربّي زوند نكُّني.

filibbi 1:7

ءيقّان‑يّي‑د ا‑گيگون‑سوينگيمغ كولّوكن غمكان، اشكو ءوسيغ‑كُن‑بدّا غ‑وول‑ينو. لّيغ ا‑تحاماغ ف‑لخبار ءيفولكين ار‑ت‑زّگاغ غ‑وولاون ن‑مدّن، ءولا غيلاد غ‑تياماژغ ءيليغ غ‑يسكراف، تكشمّ ديدي كولّوكن غ‑لباراكا ن‑تووري‑اد.

filibbi 4:14

ءيمّا كونّي، افولكي ايد‑گيگي‑تسكرم غيلاد غ‑ديدي‑تبيدّم غ‑تنوكموت‑ينو.

2 tasaluniki 3:5

ءيمّا غيلاد، نضالب سيديتنّغ ا‑كُن‑يهدو باش ا‑تّحنّوم غمكلّي ءيتحنّو ربّي، ار‑تّصبارم غمكلّي ءيتصبار لماسيح.

2 timutaws 1:8

ف‑مايان ا‑ف‑راد‑اك‑ينيغ، ا‑ور‑تّحشامت ا‑تساوالت د‑مدّن ف‑سيديتنّغ، ءولا‑دا‑فلّا‑تّحشامت نكّي لّي‑يلّان غ‑لحبس ف‑يسم‑نس. والاينّي بكيس س‑تحكيمت ءيتجهّدن ن‑ربّي ا‑ديدي‑تّرفوفونت ف‑لخبار ءيفولكين.

iɛbrin 10:36

ءيخصّا‑كُن ا‑تصبرم ارد تكمّلم كولّو ما‑گيگون‑يرا ربّي، تكشمّ تيگيرا س‑مايلّي‑س‑اون‑ينّا راد‑اون‑ييلي.

1 bṭrus 5:1

راد‑ضالبغ ءيمغارن غ‑گراتون، نكّي‑اد ءيگان امغار زوند كونّي، گغ ءينيگي ف‑ورفوفن لّماسيح، طّافغ تاغامت غ‑لمجد لّي‑را‑د‑يبان.

anurẓm 1:1

ارّا‑ياد، ءيتيارا گيس مايلّي‑د‑يسّبايّن ياسوع لماسيح، ءيفك‑اس‑ت ربّي باش ا‑د‑يمل ءي‑يخدّامن‑نس ما‑د‑يقّانّ ا‑يجرو غ‑مايد‑د‑ياكمورن. يازن‑د يا‑لّمالاك ا‑ت‑يد‑يسّبايّن ءي‑وخدّام‑نس يوحانّا.

anurẓm 1:2

ار‑يادّر يوحانّا كولّو ما‑يژرا، ءيفك توگّا‑نس ف‑واوال‑اد ن‑ربّي ءولا لخبار‑اد ن‑ياسوع لماسيح.

anurẓm 1:4

ف‑وفوس ن‑يوحانّا ءي‑سّا ن‑يمناگّارن ن‑ايتماتن غ‑تمازيرت ن‑اسيّا. اد‑اون‑تيلي لباراكا د‑سّلامت زغ‑والّي ءيلّان ءيكّا‑تّين ءيلّا راد‑بدّا‑ييلي، ءولا زغ‑سّا لّارواح لّي‑يوالان لعرش‑نس،

anurẓm 1:6

ءيرار‑اغ ا‑نگ ايت‑تگلديت ن‑ربّي باباس ف‑ا‑ن‑نسراس غ‑لگدّام‑نس تيوافكيو ما‑س‑ا‑يترضو. نتّان ا‑مي‑يلّا لمجد د‑لقوّا، غيلاد ءولا كولّو مايد‑د‑يفتان، امين.

anurẓm 11:7

غاكود لّيغ راد‑كمّلن تابرّاحت س‑توگّا‑نسن، راد‑سرسن‑ينكر‑واغُژن لّي‑د‑يغلين زغ‑تدروت ن‑واكال، ءينرو‑تن ءينغ‑تن.

anurẓm 12:11

نران‑ت نتني س‑يدامّن ن‑ولقّاغ ءولا س‑واوال ن‑توگّا‑نسن، اشكو ءوجادن اد‑فكن ءيخف‑نسن ار لموت.

anurẓm 12:17

ءيمّا الگمّاض، نكرن‑د گيس ءيريين گّوتنين، طيّر‑اس باهرا ف‑تمغارت. ءيدّو ا‑يتمّاغ د‑تاروا ياضني ن‑تمغارت، ا‑تن‑يگان د‑كولّو ويلّي سكارنين س‑لوصيّات ن‑ربّي ار‑تامژن غ‑توگّا ن‑ياسوع.

anurẓm 13:10

«وانّا‑د‑يقّانّ ا‑يتياماژ را‑يتياماژ. وانّا‑د‑يقّانّ ا‑يمّت س‑تاژّيت را‑يمّت س‑تاژّيت. مايان ا‑ف‑يلّا ف‑يمژلاين ن‑ربّي ا‑گيس‑امژن، زگان غ‑وغاراس‑نس.»

anurẓm 14:12

مايان ا‑ف‑يلّا ف‑يمژلاين ن‑ربّي اد‑صبرن زگان، ا‑تن‑يگان د‑ويلّي سكارنين س‑لوصيّات ن‑ربّي غوين‑بدّا غ‑ياسوع.

anurẓm 19:10

ءيمّا نكّي ضرغ‑ن غ‑دار ءيضارن‑نس ءيريغ اد‑اس‑سجدغ، س‑يّي‑ينّا: «ا‑ور‑تسكرت غمكان. اشكو اخدّام كاد‑گيغ، زوند كيّي د‑ايتماك لّي‑ومژنين غ‑توگّا ن‑ياسوع. ربّي واحدوت ا‑تّعبادت.» اشكو توگّا ن‑ياسوع ا‑يدحاين غويلّي ساوالنين س‑ماد‑اسن‑يمالا ربّي.

anurẓm 20:4

ژرغ ءيلمّا كرا لّعروش غ‑يگنّا. ءيتياوفكا ءي‑ويلّي فلّاسن سكيوسنين لحقّ اد‑تحكامن. ژرغ لارواح ن‑ويلّي مي ءيتياوبّاي ءيخف‑نسن ف‑سّيبت ن‑توگّا‑نسن ف‑ياسوع ءولا ف‑واوال ن‑ربّي. ءور‑ا‑تعبادن اغُژن ءولا صّورت‑نس، ءولا قبلن طّابع‑نس ف‑يگنزي‑نسن ءولا ف‑وفوس‑نسن. نكرن نتني زغ‑لموت ار‑تحكامن د‑لماسيح الف ن‑وسگُّاس.

anurẓm 3:10

هاتي تصبرت تزگات غمكلّي‑ك‑وصّاغ. ف‑مايان ا‑ف‑را‑ك‑سّنتالغ غ‑تاساعت ن‑تنوكموت لّي‑را‑يزري ف‑دّونيت ا‑تارم كولّو ويلّي گيس زدغنين.

anurẓm 6:9

ءيفسي‑ولقّاغ ويس سمّوس طّوابع، س‑ژريغ لارواح ن‑ويلّي مّوتنين ف‑سّيبت ن‑تبرّاحت‑نسن س‑واوال ن‑ربّي ءولا توگّا‑نسن لّي‑فلّاس‑فكان. غ‑دّو‑وژرو ن‑تغرسي ا‑غ‑لّان،

anurẓm 7:14

ءينيغ‑اس: «كيّي ا‑يسّنّ ا‑سيدي.» ييني‑يّي: «نتني گان غويلّي‑د‑فّوغنين زغ‑ونوكمو لّي‑باهرا‑يشقان، سيردن تيملسا‑نسن س‑يدامّن ن‑ولقّاغ ايلّيغ ملّولنت باهرا.