anurẓm 1:8 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ «نكّي گيغ واد ءيزوارن، گغ واد ءيگُّران.» غمكاد ا‑س‑ينّا سيدي ربّي لّي‑يحكامن كولّو ما‑يلّان. ءيكّا‑تّين ءيلّا، ييلي، راد‑بدّا‑ييلي.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ «nkki giġ wad izwarn, gġ wad iggʷran.» ġmkad a‑s‑inna sidi rbbi lli‑iḥkamn kullu ma‑illan. ikka‑ttin illa, yili, rad‑bdda‑yili.

anurẓm 1:8 Iomraidhean Croise

2 kurintus 6:18

راد‑گغ باباتون، تگم تاروا‑نو د‑يستي. ماياد ءينّا‑ت سيدي ربّي لّي‑يحكامن كولّو ما‑يلّان.»

anurẓm 1:11

ييني‑يّي: «ارا مايد را‑تژرت غ‑يان‑وارّا، تازنت‑ت س‑سّا ن‑يمناگّارن، ءي‑افسوس ءولا سميرنا ءولا بارگاموس ءولا تياتيرا ءولا سارديس ءولا فيلادالفيا ءولا لاوديكيّا.»

anurẓm 1:17

غير ژريغ‑ت ضرغ‑ن غ‑دار ءيضارن‑نس زوند ءيغ‑مّوتغ. ءيسرس‑د فلّا افوس‑نس افاسي ييني‑يّي: «اد‑ور‑تيكساطّ. نكّي ا‑يگان امزوارو ءولا امگُّارو،

anurẓm 1:4

ف‑وفوس ن‑يوحانّا ءي‑سّا ن‑يمناگّارن ن‑ايتماتن غ‑تمازيرت ن‑اسيّا. اد‑اون‑تيلي لباراكا د‑سّلامت زغ‑والّي ءيلّان ءيكّا‑تّين ءيلّا راد‑بدّا‑ييلي، ءولا زغ‑سّا لّارواح لّي‑يوالان لعرش‑نس،

anurẓm 11:17

ءينين: «نشكر‑ك ا‑سيدي ربّي لّي‑يحكامن كولّو ما‑يلّان، ءيگ غوالّي ءيلّان ييلي بدّا، اشكو تنكرت س‑تحكيمت‑نّك ءيتجهّدن تگرت غ‑لحوكم.

anurẓm 15:3

ار‑تّيريرن اسين امارگ ن‑موسا اخدّام ن‑ربّي د‑ومارگ ن‑ولقّاغ ار‑تّينين: «وا‑سيدي ربّي لّي‑يحكامن كولّو ما‑يلّان، ءيمقّور كولّو ما‑تسكارت، لعجب ا‑يگا. واي‑اگلّيد ن‑تاسوتين، يُغژان كولّو ما‑تّنباطّ. لحقّ ا‑يگا.

anurẓm 16:14

نتني لارواح لّجنون اد‑گان، ار‑سكارن لمعجيزات ار‑تكّان دار كولّو ءيگلدان ن‑دّونيت ا‑تن‑سّمونونّ ءي‑يميغ لّي‑س‑راد‑مّاغن غ‑واسّ لّحساب ن‑ربّي لّي‑يحكامن كولّو ما‑يلّان.

anurẓm 16:7

سفلدغ ءي‑كرا ءيساول‑د زغ‑طّبلا لّبخور ءينّا: «س‑صّاحت ا‑سيدي ربّي لّي‑يحكامن كولّو ما‑يلّان، يُغژان لحوكم‑نّك. س‑لحقّ ا‑س‑ا‑تّحكامت.»

anurẓm 19:15

ءيفّوغ‑د زغ‑يمي‑نس زوند يات تاژّيت ءيمسادن. را‑سرس‑يوت تيميزار ن‑دّونيت. را‑تنت‑يحكام س‑وعمود ن‑ووزّال، ياضّر اضيل غ‑لمعصّرت ن‑سّخط لّغاضاب ن‑ربّي لّي‑يحكامن كولّو ما‑يلّان.

anurẓm 19:6

سفلدغ ءيلمّا ءي‑كرا ءيرواس‑يّي ءيواليون ن‑مدّن گّوتنين باهرا، زوند ءيجّيجن ن‑يسافّن ن‑وامان گّوتنين ءولا زوند اقّريان ن‑يگّيگ ءيتجهّدن، ار‑تّينين: «هالّيلويا. ربّي سيديتنّغ ءيتجهّدن، نتّان ا‑يحكامن كولّو ما‑يلّان.

anurẓm 2:8

«ارا اوال‑اد ءي‑لمالاك ن‑ومناگّار غ‑تمدينت ن‑سميرنا: ها‑ما‑ينّا غوالّي ءيگان امزوارو ءيگ امگُّارو، ءيمّت يوورّي ءيدّر.

anurẓm 21:22

ءور‑ژريغ كرا ن‑تگمّي غ‑ا‑تعبادن مدّن غ‑تمدينت، اشكو ار‑گيس‑تعبادن سيدي ربّي لّي‑يحكامن كولّو ما‑يلّان، نتّان د‑ولقّاغ، غ‑يلّيغ لّان نتني.

anurẓm 21:6

ءيزايد ييني‑يّي: «هاتي ءيكمّل. نكّي گيغ امزوارو گغ امگُّارو. گغ ءيسيزوار گغ ءيسيگُّرا. وانّا ياغ ءيريفي، را‑ت‑سّوغ زغ‑تالعينت ن‑وامان ن‑تودرت بلا گيس ءيفكا يات.

anurẓm 22:13

گيغ امزوارو گغ امگُّارو. گغ غوالّي ءيزوارن گغ غوالّي ءيگُّران. گغ ءيسيزوار گغ ءيسيگُّرا.»

anurẓm 4:8

كرايگاتّ يات غ‑لمخلوقات‑ان تطّاف سضيص ءيفراون، ءيگاتنت‑گيسنت‑والّن زغ‑كرايگاتّ ماني. ار‑تّيريرنت غ‑ييض ءولا ازال بلا‑دا‑تفسّانت ار‑تّينينت: «امژلاي، امژلاي، امژلاي ا‑يگا سيدي ربّي لّي‑يحكامن كولّو ما‑يلّان. ءيكّا‑تّين ءيلّا، ييلي، راد‑بدّا‑ييلي.»