anurẓm 1:5 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵ ءولا زغ‑ياسوع لماسيح لّي‑يگان ءينيگي ءيصحان، ءيگ امزوارو لّي‑د‑ينكرن زغ‑لموت، ءيگ واد ءيحكامن غ‑يگلدان ن‑دّونيت. نتّان ا‑گينّغ‑يحنّان ءيفسي‑اغ س‑يدامّن‑نس زغ‑يسكراف ن‑دّنوب‑نّغ،

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵ ula zġ‑yasuɛ lmasiḥ lli‑igan inigi iṣḥan, ig amzwaru lli‑d‑inkrn zġ‑lmut, ig wad iḥkamn ġ‑igldan n‑ddunit. nttan a‑ginnġ‑iḥnnan ifsi‑aġ s‑idammn‑ns zġ‑iskraf n‑ddnub‑nnġ,

anurẓm 1:5 Iomraidhean Croise

matta 20:28

ءولا نكّي لّي‑يگان يوس ن‑بنادم، ءور‑د‑وشكيغ اد‑فلّا‑تخدامن مدّن. ءوشكيغ‑د اد‑تخدامغ، فكغ تودرت‑ينو اد‑فوكّوغ ما‑يگّوتن.»

matta 28:18

ءيمّا ياسوع ءيروح‑تن ييني‑اسن: «هاتي غ‑وفوس‑ينو ا‑غ‑يتياوفكا كولّو ما‑يلّان غ‑يگنوان ءولا غ‑واكال.

yuḥanna 13:1

ءيقاما يان‑واسّ ءي‑لعيد ن‑وسورف، ييسّان ياسوع ءيس‑دي‑تروح تاساعت لّي‑غ‑را‑يفّوغ دّونيت ءيدّو س‑باباس. غمكلّي‑بدّا‑يحنّا غ‑وينس لّي‑لّانين غ‑دّونيت، ءيسّافو فلّاسن لحنانت‑نس ار تّمي.

yuḥanna 13:34

ءيمّا غيلاد راد‑اون‑فكغ يات لوصيت لّجديد. تحنّوات ءي‑نگراتون. غمكلّي گيگون تحنّوغ، غمكان ا‑فلّاون‑يلّان ءولا كونّي ا‑تّحنّوم ءي‑نگراتون.

yuḥanna 15:9

ها‑يّي ار‑كُن‑تّيريغ غمكلّي‑يّي‑يتّيري بابا. زگايات‑بدّا غ‑تايري‑نو.

yuḥanna 18:37

ييني‑اس بيلاطوس: «ءيزد‑نّيت اگلّيد ا‑تگيت؟» ءيرار‑اس ياسوع: «كيّي ايد ءينّان ءيس‑گيغ اگلّيد. ماياد ا‑ف‑د‑لولغ ءي‑دّونيت، اشكغ‑د اد‑اكّاغ توگّا ف‑لحقّ. كولّو وانّا ءيران لحقّ را‑يسفليد ءي‑واوال‑ينو.»

yuḥanna 3:11

لحقّ ايد‑اك‑تّينيغ، ار‑نساوال ف‑ما‑نسّن ار‑ناكّا توگّا ف‑ما‑نژرا، ءيمّا كونّي ءور‑تريم ا‑تامنم توگّا‑نّغ.

yuḥanna 3:16

اشكو غونشكاد ا‑س‑يحنّا ربّي ف‑دّونيت ايلّيغ‑د‑يفكا غوالّي ءيگان يوس، ا‑د‑يكّيس ءي‑لهالاك كولّو وانّا سرس يومنّ، ءيشّكشم‑تن س‑تودرت ءيدومن.

yuḥanna 3:32

ار‑ياكّا توگّا ف‑ما‑يژرا ءولا ما‑مي‑يسفلد، والاينّي ءور‑يلّي ما‑يومنّ توگّا‑نس.

irqqasn 20:28

اويات‑ستّ غيلاد غ‑يخف‑نّون، تاويم‑تّ ءولا غ‑تووروت كولّوتّ لّي‑ف‑كُن‑يرور رّوح لقودوس اد‑اس‑تگم ءينگابالن، تكسم امناگّار ن‑ربّي لّي‑يسغا س‑يدامّن‑نس.

irqqasn 26:23

نّان ءيس‑راد‑باهرا‑يرفوفن لماسيح، ءيگ امزوارو ءي‑ويلّي را‑د‑ينكر زغ‑لموت، باش ا‑يسّبايّن تيفاوت ءي‑ايت‑يودايا ءولا ايت‑تميزار اگّوگنين.»

ruma 3:25

يوزن‑د لماسيح ا‑يمّت ءيفرو مدّن س‑يدامّن‑نس باش ا‑يصامح ءي‑وينّا سرس ءومنّين. غمكاد ا‑س‑يملا ربّي ءيزد س‑لحقّ ا‑س‑ا‑بدّا‑يسكار. غايد ءيزرين ءيصبر باهرا، ءور‑ا‑يتحكام ف‑دّنوب ن‑مدّن.

ruma 8:37

والاينّي كولّو غايان، ننرا‑ت باهرا س‑يسم ن‑والّي گينّغ ءيحنّان.

1 kurintus 6:11

ءولا كونّي، كرا گيگون ءيكّا‑تّين ار‑يسكار غمكان، والاينّي ءيسيرد‑كُن سيديتنّغ ياسوع لماسيح س‑رّوح ن‑ربّي‑نّغ، ءيژلي‑كُن ءيسكر سّلامت غ‑گراتون د‑ربّي.

گالاطيّا 2:20

ها‑يّي مّوتغ د‑لماسيح ف‑وگّجدي‑نس. ءورد سول نكّي ا‑يدّرن والاينّي لماسيح ا‑گيگي‑يدّرن. كولّو ماد‑سكارغ غيلاد، ار‑ت‑سكارغ ف‑سّيبت ن‑ماد‑ومنغ س‑يوس ن‑ربّي لّي‑گيگي‑يحنّان ءيفك تودرت‑نس فلّا.

afsus 2:4

ءيمّا ربّي، تگّوت دارس رّحمت، ءيحنّو گينّغ س‑لحنانت‑نس ءيگّوتن،

afsus 5:2

تحنّوات غ‑كولّو مدّن غمكلّي گينّغ ءيحنّا لماسيح، ءيسرس ءيخف‑نس غ‑لگدّام ن‑ربّي ف‑سّيبت‑نّغ زوند يات‑تغرسي ءيجدّرن س‑توجّوت ءيميمن.

kulussi 1:18

ءيگا لماسيح ءيخف ن‑دّات لّي‑يگان امناگّار ن‑مدّن‑نس. نتّان ا‑يگان امزوارو، ءيگ ءيخفدّي ن‑ويلّي‑د‑نكرنين زغ‑لموت، باش ا‑يگ نتّان انمغور ن‑كولّو ما‑يلّان.

1 timutaws 6:13

ءيمّا غيلاد ءوصّاغ‑ك غ‑لگدّام ن‑ربّي لّي‑ياكّان تودرت ءي‑كرايگاتّ كرا، ءولا لماسيح ياسوع لّي‑يفكان توگّا لّحقّ غ‑دار بيلاطوس گو‑بونطوس،

1 timutaws 6:15

را‑د‑ياشك غ‑وزمز لّي‑يرا ربّي امباركي لّي‑يحكامن كولّو ما‑يلّان، ءيگ اگلّيد ن‑يگلدان ءيگ انمغور ن‑ينمغورن.

iɛbrin 10:29

والاينّي ءوگُّار لّعقوبيت‑ان ا‑را‑ييلي ءي‑وانّا يوضّرن يوس ن‑ربّي س‑يضارن‑نس، ءيحگر ءيدامّن لّعهد لّي‑ت‑يسّغوسن، ءيرگم رّوح ن‑رّحمت.

iɛbrin 9:14

والاينّي ءوگُّار ن‑غمكان ا‑راد‑اغ‑يسّغوس لماسيح س‑يدامّن‑نس. اشكو ءيسرس‑ن ءيخف‑نس لّي‑كولّو‑يصفان غ‑لگدّام ن‑ربّي س‑تحكيمت ن‑رّوح لّي‑يدومن. ءيسّغوس ءولاون‑نّغ زغ‑يسكّيرن مّوتنين باش ا‑نوورّي نگ ءيخدّامن ن‑ربّي لّي‑يدّرن.

1 bṭrus 1:19

والاينّي س‑يدامّن عزّانين لّماسيح زوند ءيدامّن ن‑يان‑ولقّاغ ءيغوسن بلا لعيب.

1 yuḥanna 1:7

والاينّي ءيغ‑ا‑نتّيدو غ‑تيفاوت غمكلّي ءيلّا نتّا غ‑تيفاوت، تلّا دارنّغ تامونت ءي‑نگراتنّغ، ار‑اغ‑سّغوسن ءيدامّن ن‑ياسوع يوس ن‑ربّي زغ‑كولّو دّنوب نّا‑گينّغ‑يلّان.

1 yuḥanna 4:10

غمكاد ا‑تگا تايري: ءورد تايري لّي‑س‑نرا ربّي والاينّي تايري لّي‑س‑اغ‑يرا نتّان، ايلّيغ‑د‑يوزن يوس ا‑يمّت باش اد‑اغ‑يفرو زغ‑دّنوب‑نّغ.

anurẓm 11:15

يوت ءيلمّا ويس سّا لّمالايكا نّفّار‑نس، س‑سفلدغ ءي‑واقّور س‑يواليون تجهّدنين غ‑يگنّا ار‑تّينين: «هاتي تاگلديت ن‑دّونيت توورّي تگا تاگلديت ن‑سيديتنّغ ءولا تين لماسيح‑نس. نتّان ا‑ستّ‑يحكامن غيلاد ءولا كولّو مايد‑د‑يفتان.»

anurẓm 11:3

والاينّي راد‑ازنغ سين ءيناگان‑ينو اد‑تبرّاحن الف د‑سين‑يد‑ميّا د‑سضيص ءيد‑مراو (1260) ن‑واسّ س‑يواليون لّي‑راد‑اسن‑مالاغ. لخيش ن‑تگوضي ا‑راد‑لسن.»

anurẓm 17:14

راد‑مّاغن د‑ولقّاغ، والاينّي را‑تن‑ينرو‑ولقّاغ نتّا د‑مدّن‑نس لّي‑مي‑يغرا، ءيژلي‑تن اد‑گن وينس، غوين‑بدّا گيس. اشكو ءيگا نتّا انمغور ن‑ينمغورن، ءيگ اگلّيد ن‑يگلدان.»

anurẓm 19:11

ژرغ ءيلمّا ءيگنّا رژمن، س‑يّي‑د‑يبان يان‑وايّيس ءومليل. امنّاي‑نس، ار‑اس‑تّينين ‹لحقّ› ءولا ‹غوالّي ءيزگان غ‑واوال‑نس›. س‑لحقّ ا‑س‑ا‑يكّات لحوكم ار‑سرس‑يتمّاغ.

anurẓm 19:16

ءيتيارا يان ءيسم غ‑وقشّاب‑نس ف‑وفلّا ن‑ومصاض‑نس، ءيگا ‹اگلّيد ن‑يگلدان د‑ونمغور ن‑ينمغورن›.

anurẓm 2:13

سّنغ مانيغ تزدغت ءيزد ءيلّيغ ءيلّا لعرش ن‑شيطان. تغويت‑بدّا غ‑يسم‑ينو، ءور‑اكُّ‑توورّيت زغ‑وغاراس‑ينو. تامژت گيگي ءولا غ‑ووسّان لّي‑غ‑نغان ءينيگي‑نو ءيزگان انتيباس غين غ‑يزدغ شيطان.

anurẓm 3:14

«ارا اوال‑اد ءي‑لمالاك ن‑ومناگّار غ‑تمدينت ن‑لاوديكيّا: ها‑ما‑ينّا غوالّي ءيگان ‹امين› ءيگ ءينيگي ءيصحان ءيزگان، ءيزوور كولّو ما‑يخلق ربّي.

anurẓm 7:14

ءينيغ‑اس: «كيّي ا‑يسّنّ ا‑سيدي.» ييني‑يّي: «نتني گان غويلّي‑د‑فّوغنين زغ‑ونوكمو لّي‑باهرا‑يشقان، سيردن تيملسا‑نسن س‑يدامّن ن‑ولقّاغ ايلّيغ ملّولنت باهرا.