anurẓm 1:1 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ ارّا‑ياد، ءيتيارا گيس مايلّي‑د‑يسّبايّن ياسوع لماسيح، ءيفك‑اس‑ت ربّي باش ا‑د‑يمل ءي‑يخدّامن‑نس ما‑د‑يقّانّ ا‑يجرو غ‑مايد‑د‑ياكمورن. يازن‑د يا‑لّمالاك ا‑ت‑يد‑يسّبايّن ءي‑وخدّام‑نس يوحانّا.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ arra‑yad, ityara gis maylli‑d‑issbayyn yasuɛ lmasiḥ, ifk‑as‑t rbbi baš a‑d‑iml i‑ih̬ddamn‑ns ma‑d‑iqqann a‑ijru ġ‑mayd‑d‑yakmurn. yazn‑d yal‑lmalak a‑t‑id‑issbayyn i‑uh̬ddam‑ns yuḥanna.

anurẓm 1:1 Iomraidhean Croise

yuḥanna 12:49

اشكو ءور‑ا‑ساوالغ غير زغ‑يخف‑ينو. ربّي بابا لّي‑يّي‑د‑يوزنّ، نتّان ا‑يّي‑يوصّان ف‑ما‑راد‑ينيغ ءولا ما‑س‑ا‑ساوالغ.

yuḥanna 15:15

ءور‑سول‑كُن‑گيغ د‑يخدّامن‑ينو، اشكو اخدّام ءور‑يسّين ما‑يتناوال سيديس. گيغ‑كُن د‑يمدّوكُّال‑ينو، اشكو مليغ‑اون كولّو ما‑مي‑سفلدغ زغ‑بابا.

yuḥanna 17:8

اشكو نّيغ‑اسن ءيواليون لّي‑يّي‑تمليت. امژن ءيواليون‑ان ءيسّانّ ءيزد س‑صّاحت زغ‑گيك ا‑زغ‑د‑وشكيغ، امنّ ءيزد كيّي ا‑يّي‑د‑يوزنّ.

yuḥanna 3:32

ار‑ياكّا توگّا ف‑ما‑يژرا ءولا ما‑مي‑يسفلد، والاينّي ءور‑يلّي ما‑يومنّ توگّا‑نس.

yuḥanna 8:26

ءيگّوت داري ما‑گيگون‑تّينيغ، ييگات داري ما‑ف‑ا‑فلّاون‑تحكامغ. ءيمّا غوالّي‑يّي‑د‑يوزنّ، لحقّ ا‑يگا، د‑مايلّي مي دارس سفلدغ ايد تّينيغ ءي‑دّونيت.»

ruma 16:25

ءيمّا غيلاد، ا‑نالغ ربّي لّي‑يژضارن ا‑كُن‑يزّگا غ‑ليمان‑نّون غمكلّي‑اون‑نّيغ س‑لخبار ءيفولكين لّي‑س‑ا‑تبرّاحغ ف‑لماسيح ياسوع.

گالاطيّا 1:12

اشكو ءور‑ت‑ومژغ دار مدّن ءولا سّلمدن‑يّي‑ت مدّن، والاينّي ءيسّبايّن‑يّي‑ت‑يد ياسوع لماسيح.

afsus 3:3

ءيملا‑يّي‑د تاغاوسا‑ياد لّي‑ينتلن كولّو غايد ءيزرين، ءوريغ‑اون‑ين فلّاس كرا غ‑تبرات‑اد.

tiṭus 1:1

زغ‑بولُس اخدّام ن‑ربّي د‑ورقّاس ن‑ياسوع لماسيح لّي‑يّي‑يژلين اد‑مالاغ ءي‑يمژلاين ن‑ربّي مامنك اد‑تامنّ س‑واوال‑نس، ءيسّانّ كولّو ما‑يگان لحقّ ن‑وغاراس‑نس

anurẓm 1:19

ءيمّا كيّي، ارا مايد تژريت، ما‑يلّان غيلاد ءولا ما‑را‑ييلي تيگيرا.

anurẓm 1:9

ءيمّا نكّي يوحانّا گماتون د‑وسمون‑نّون غ‑تنوكموت ءولا تاگلديت ءولا صّبر لّي‑اغ‑يلّان س‑يسم ن‑ياسوع، لّيغ غ‑يگزير ن‑باطموس تياماژغ ف‑سّيبت ن‑تبرّاحت ن‑واوال ن‑ربّي ءولا ف‑توگّا ن‑ياسوع.

anurẓm 17:1

ياشك‑يد داري يان زغ‑سّا لّمالايكا لّي‑وسينين سّا ن‑تاطّاسين ييني‑يّي: «اشك‑يد اد‑اك‑ملغ لعقوبيت لّي‑را‑يضر ف‑تمگّانت ءيمقّورن لّي‑يسكيوسن غ‑گر ءيسافّن ن‑وامان.

anurẓm 19:10

ءيمّا نكّي ضرغ‑ن غ‑دار ءيضارن‑نس ءيريغ اد‑اس‑سجدغ، س‑يّي‑ينّا: «ا‑ور‑تسكرت غمكان. اشكو اخدّام كاد‑گيغ، زوند كيّي د‑ايتماك لّي‑ومژنين غ‑توگّا ن‑ياسوع. ربّي واحدوت ا‑تّعبادت.» اشكو توگّا ن‑ياسوع ا‑يدحاين غويلّي ساوالنين س‑ماد‑اسن‑يمالا ربّي.

anurẓm 19:9

ييني‑يّي ءيلمّا لمالاك: «ارا اوال‑اد، ‹ءيمباركين اد‑گان غويلّي مي ءيغرا ربّي اد‑د‑اشكين س‑يمنسي ن‑تمغرا ن‑ولقّاغ.› » ءيزايد ييني‑يّي: «غويد گان ءيواليون ن‑ربّي. لحقّ اد‑گان.»

anurẓm 21:2

ژرغ تامدينت تامژلايت، ا‑ستّ‑يگان د‑وروشاليم لّجديد، تگّوز‑د زغ‑يگنّا زغ‑دار ربّي. تفولكي باهرا زوند يات‑تسليت ءيلسان تيملسيت ن‑تمغرا، توجاد ا‑تمناگّار اسلي‑نس.

anurẓm 21:9

ياشك‑يد ءيلمّا يان زغ‑سّا لّمالايكا لّي‑وسينين سّا ن‑تاطّاسين لّي‑عمّرنين س‑سّا ن‑تگوضيوين گُّرانين. ءيساول‑د سري ييني‑يّي: «اشك‑يد ملغ‑اك تاسليت لّي‑يگان تامغارت ن‑ولقّاغ.»

anurẓm 22:1

ءيمل‑يّي ءيلمّا لمالاك اسيف ن‑وامان ن‑تودرت. ار‑يسّمرقيقيي زوند ادفل ءيصفان، ءيفّي‑د زغ‑دار لعرش ن‑ربّي د‑ولقّاغ،

anurẓm 22:16

«نكّي ياسوع ءوزنغ‑اون‑ين لمالاك‑ينو ا‑يمل تيغاوسيوين‑اد ءي‑يمناگّارن ن‑ايتماتن. گيغ اژور ن‑داود گغ اگُلاس‑نس. گغ ءيتري لّي‑يسفاون زيكّ صّباح.»

anurẓm 22:6

ييني‑يّي ءيلمّا لمالاك: «أُغژانّ ءيواليون‑اد، لحقّ اد‑گان. سيدي ربّي لّي‑يدحاين س‑رّوح‑نس غويلّي ساوالنين س‑ماد‑اسن‑يمالا، يوزن‑د لمالاك‑نس غيلاد ا‑د‑يمل ءي‑يخدّامن‑نس ما‑د‑يقّانّ ا‑يجرو غ‑مايد‑د‑ياكمورن.»

anurẓm 22:8

نكّي يوحانّا سفلدغ ءي‑تغاوسيوين‑اد ژرغ‑تنت. لّيغ ءيزري كولّو مايد مي سفلدغ ژرغ‑ت، ضرغ‑ن اد‑سجدغ غ‑دار ءيضارن لّمالاك لّي‑يّي‑تنت‑يملان،

anurẓm 22:9

س‑يّي‑ينّا: «ا‑ور‑تسكرت غمكان، اشكو اخدّام كاد‑گيغ، زوند كيّي د‑ايتماك لانبيا ءولا كولّو ويلّي سكارنين س‑يواليون ن‑وارّا‑ياد. ربّي واحدوت ا‑تّعبادت.»

anurẓm 4:1

ژرغ ءيلمّا كرا ياضني، يان‑يمي ءيرژم غ‑يگنّا. سفلدغ ءي‑واوال لّي‑ستّين‑يكّان ءيساول‑د سري، ءيگا زوند نّفّار، ييني‑يّي: «غلي‑د س‑غيد اد‑اك‑ملغ ما‑د‑يقّانّ ا‑يجرو تيگيرا.»

anurẓm 5:7

ياسي‑د‑ولقّاغ ارّا‑يان زغ‑وفوس افاسي ن‑والّي ءيسكيوسن ف‑لعرش.