2 bṭrus 3:9 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁹ ءور‑يماطل سيديتنّغ ا‑يسكر مايلّي‑س‑ينّا، واخّا دا‑تّينين كرا ن‑مدّن ءيماطل. اشكو ار‑ديدون‑يتصبار. ءور‑يري نتّا ا‑يتياوهلاك يان، والاينّي ءيرا كولّو مدّن اد‑وورّين فلن ءيسكّيرن‑نسن أُخشنّين.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁹ ur‑imaṭl siditnnġ a‑iskr maylli‑s‑inna, wah̬h̬a da‑ttinin kra n‑mddn imaṭl. ašku ar‑didun‑itṣbar. ur‑iri ntta a‑ityawhlak yan, walaynni ira kullu mddn ad‑wrrin fln iskkirn‑nsn ʷh̬šnnin.

2 bṭrus 3:9 Iomraidhean Croise

ruma 13:11

اويات‑ستّ غ‑ماياد اشكو تسّنم ماتّا ازمز‑اد غ‑نلّا، تلكم‑د تاساعت ا‑تنكرم زغ‑ييطس. اشكو ياكمور‑د‑واسّ ن‑وجنجم‑نّغ غيلاد، ءوگُّار ن‑ما‑د‑ياكمور غاكود لّيغ نگرا غ‑وغاراس لّماسيح.

ruma 13:12

ءيفتا‑ييض، علاين ا‑د‑يغلي‑واسّ. ءيلّا فلّانّغ ا‑ن‑نلوح ءيسكّيرن ن‑تيلّاس نلس ءيمقلاد ن‑تيفاوت.

ruma 2:4

ءيس‑ا‑تّينيت د‑يخف‑نّك «ربّي ءور‑را‑فلّا‑يحكام اشكو تگّوت دارس لحنانت د‑ومهال د‑صّبر»؟ والاينّي ءيس‑ور‑تسّينت ربّي ار‑سول‑گيك‑يتحنّو اشكو ءيرا گيك ا‑تفلت كولّو ما‑يُخشنّ توورّيت س‑وغاراس‑نس؟

ruma 9:22

غمكاد ا‑يسكر ربّي. ءيرا ا‑يسّبايّن ءي‑مدّن لغاضاب‑نس ءولا تاحكيمت‑نس ءيتجهّدن، والاينّي ءيرا سول ا‑يصبر د‑تمكيلين لّي‑ف‑يلّا لغاضاب واخّا ءور‑گينت غير ءي‑لهالاك.

1 timutaws 1:16

والاينّي ف‑مايان ا‑ف‑يّي‑د‑يرحم نكّي لّي‑گيسن‑يُخشنّ، باش ا‑يمل ءيس‑يژضار لماسيح ياسوع ا‑يصبر د‑وانّا كا‑يلّان، باش ا‑سرس‑امنّ وييّاض كشمن ءولا نتني س‑تودرت ءيدومن.

1 timutaws 2:4

لّي‑يران كولّو مدّن اد‑نجمن وورّين ءيسّانّ لحقّ.

iɛbrin 10:37

اشكو ءينّا: «يان ءيميكّ را‑د‑يروح غوالّي را‑د‑ياشك، ءور‑را‑ن‑يماطل.

1 bṭrus 3:20

ا‑تن‑يگان د‑ويلّي رورنين تيغوردين‑نسن س‑ربّي غ‑ووسّان لّي‑غ‑ديدسن‑يصبر باهرا. غ‑ووسّان‑ان ا‑غ‑يسكر نوح اناو، نجمن گيس كرا ن‑مدّن دروسنين زغ‑وامان، تام مدّن اد‑گان.

2 bṭrus 1:4

د‑غمكاد ا‑س‑اغ‑لّانت لباراكات هيّانين عزّانين لّي‑ف‑ينّا راد‑اغ‑تنت‑يفك، باش ا‑توورّيم تگم غمكلّي ءيگا ربّي، تنجمّ زغ‑كولّو ما‑يتاوين غ‑دّونيت س‑لهالاك ف‑سّيبت ن‑مايلّي ءيتّيري بنادم ءي‑يخف‑نس.

2 bṭrus 3:15

سوينگيمات ف‑مامنك ا‑ديدون‑يصبر سيديتنّغ باش ا‑توورّيم تنجمّ، غمكلّي‑اون‑ين‑يورا ءولا گماتنّغ ءيعزّان بولُس س‑تحكيمت لّي‑اس‑يفكا ربّي.

anurẓm 2:21

فكيغ‑اس امهال ا‑تفل دّنوب‑نس، والاينّي ءور‑تري ا‑دي‑توورّي زغ‑لفساد لّي‑تسكار.