2 bṭrus 2:2 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

² ءيگّوت ما‑را‑يتامژ اغاراس‑نسن لّفساد. ف‑سّيبت‑نسن ا‑ف‑راد‑رگّمن مدّن غ‑وغاراس لّحقّ.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

² iggut ma‑ra‑itamẓ aġaras‑nsn l‑lfsad. f‑ssibt‑nsn a‑f‑rad‑rggmn mddn ġ‑uġaras l‑lḥqq.

2 bṭrus 2:2 Iomraidhean Croise

matta 22:16

ازنّ‑د دارس كرا ن‑مدّن‑نسن د‑كرا ن‑يمدّوكُّال ن‑وگلّيد هيرودوس ءينين‑اس: «واي‑امسلمد، نسّن ءيزد لحقّ ايد تّينيت، ار‑تسّلمادت اغاراس ن‑ربّي غمكلّي ءيگا. ءور‑ا‑تسكارت ف‑ماد‑سوينگيمن مدّن، اشكو ءور‑ا‑تّمنادت ءودماون ن‑مدّن.

matta 24:24

اشكو راد‑د‑نكرن كرا ن‑مدّن، كود يان ار‑يتّيني ف‑يخف‑نس ءيزد لماسيح ا‑يگا نغد كرا ن‑نّابي، والاينّي ار‑سّكيركيسن. راد‑سكارن تيميتار مقّورنين د‑لمعجيزات ءيغ‑وفان اد‑جلّون ءولا غويلّي گانين وين ربّي.

matta 7:14

والاينّي ءينوكما ءيمي لّي‑يتاوين س‑تودرت، ءيشقو‑وغاراس‑نس، ءيدروس ما‑ت‑يتافان.

marqus 12:14

اشكين‑د ءينين‑اس: «واي‑امسلمد، نسّن ءيزد لحقّ ايد تّينيت، ءور‑ا‑تسكارت ف‑ماد‑سوينگيمن مدّن. اشكو ءور‑ا‑تّمنادت ءودماون ن‑مدّن والاينّي ار‑تسّلمادت اغاراس ن‑ربّي غمكلّي ءيگا. ءيني‑اغ ءيس‑يحلّا ا‑ناكّا ضابييت ءي‑قايصر نغد ءوهو؟

marqus 13:22

اشكو راد‑د‑نكرن كرا ن‑مدّن، كود يان ار‑يتّيني ف‑يخف‑نس ءيزد لماسيح ا‑يگا نغد كرا ن‑نّابي، والاينّي ار‑سّكيركيسن. راد‑سكارن تيميتار د‑لمعجيزات ءيغ‑وفان اد‑جلّون ءولا غويلّي گانين وين ربّي.

yuḥanna 14:6

ءيساول ياسوع ييني‑اس: «نكّي ا‑يگان اغاراس ءولا لحقّ ءولا تودرت. ءور‑را‑ن‑يروح يان دار ربّي بابا، ابلا ءيغ‑ت‑سّروحغ نكّي.

irqqasn 13:10

ييني‑اس: «وا‑يوس ن‑يبليس، تگيت امضاضّ ءي‑كولّو ما‑يرا ربّي. تعمّرت س‑تكركاس د‑تيلّاي أُخشنّين. ار‑بدّا‑تسّلولّيت ءيغاراسن أُغژانّين ن‑سيديتنّغ.

irqqasn 14:2

ءيمّا ايت‑يودايا لّي‑ور‑رينين اد‑امنّ، نكرن ار‑سّهيّاسن ءيبرّانيين باش اد‑اسين تانوّاشت ف‑ايتماتن.

irqqasn 16:17

ءيمّا نتّات، تضفار بولُس د‑وسمون‑نس ار‑تّغوّات ار‑فلّانّغ‑تّيني: «مدّن‑اد گان ءيخدّامن ن‑ربّي اماتّوي. ار‑اون‑تبرّاحن ف‑مامنك ا‑را‑تيژضارم ا‑تنجمّ.»

irqqasn 18:26

يان‑واسّ ار‑يساوال س‑زّعامت غ‑تگمّي ن‑تژالّيت، تسفلد‑اس بريسكيلّا د‑اكيلا. اوين‑ت س‑تگمّي، ملن‑اس ءوگُّار ف‑وغاراس ن‑ربّي باش ا‑ت‑ييسّان غمكلّي ءيگا.

irqqasn 19:9

والاينّي كرا گيسن وورّين سّيقارن ءيخف‑نسن، ءور‑رين اد‑امنّ. ار‑رگّمن غ‑وغاراس لّماسيح غ‑لگدّام ن‑كولّو وييّاض. غاكودان ا‑يفّوغ بولُس زغ‑دارسن، ياوي ديدس ءيمحضارن، يوورّي س‑لمدرست ن‑تيرانّوس ار‑غين‑يساوال د‑مدّن اسّ ف‑واسّ.

irqqasn 22:4

ايلّيغ وورّيغ ار‑سّرفوفونغ ايت‑وغاراس‑اد ار لموت، ار‑تامژغ ءيرگازن ءولا تيمغارين ار‑تن‑ين‑دحايغ غ‑لحبس.

irqqasn 24:14

والاينّي يات‑تغاوسا راد‑اك‑تّ‑ينيغ: اغاراس لّي‑س‑ا‑تّينين غويد ءيجلا، نتّان ا‑غ‑ا‑تعبادغ ربّي ن‑يمزوورا‑نّغ. ها‑يّي ءومنغ س‑كولّو ما‑يتياران غ‑شّرع ن‑موسا ءولا ارّاتن لّانبيا.

ruma 2:24

غمكلّي ءيتياران غ‑وارّا ن‑ربّي: «ايت‑تميزار ياضني ار‑رگّمن غ‑يسم ن‑ربّي ف‑سّيبت‑نّون كونّي.»

1 timutaws 5:14

مايان ا‑ف‑ريغ تيهجّالين لّي‑مژّينين اد‑تاهلنت، ارونت تاروا اوينت‑ستّ غ‑تگمّي‑نسنت، باش ا‑ور‑ييلي دار ءينوّاشن‑نّغ ما‑س‑ا‑ياغ‑رگّمن.

tiṭus 2:5

ار‑اسنت‑مالانت مامنك ا‑راد‑يژضارنت اد‑تنباضنت غ‑كولّو ماد‑سكارنت س‑وول ءيغوسن، ار‑تخدامنت غ‑تگمّي ار‑تفولكينت د‑مدّن ار‑سفليدنت س‑يرگازن‑نسنت باش ا‑ور‑د‑يرار يان تيرگّام ءي‑واوال ن‑ربّي.

tiṭus 2:8

س‑يواليون أُغژانّين لّي‑ف‑ور‑يژضار يان ا‑فلّاسن‑يژي. ءيغ‑ا‑تسكارت غمكان را‑يتحشام وانّا ءيران ا‑ك‑يضاضّ، اشكو ءور‑را‑ياف ما‑فلّانّغ‑يتّيني يُخشن.

1 bṭrus 2:12

سكارات افولكي غ‑گر‑ويلّي ءور‑سّينّين ربّي. واخّا ءيغ‑ا‑گيگون‑رگّمن راد‑ژرن ءيس‑يفولكي كولّو ما‑تسكارم، ءينين ءيلمّا ءيزد ربّي اد‑دار لحقّ غ‑واسّ لّي‑غ‑را‑د‑ياشك ا‑يوت لحوكم.

2 bṭrus 2:12

والاينّي ءيمسلمدن‑ان ار‑رگّمن غ‑ما‑ور‑فهيمن، گن زوند لوحوش شقانين لّي‑سكارنين والاينّي ءور‑سّينّ ماخ ايلّيغ ا‑سكارن، ار‑تلالن غير باش ا‑تياماژن تياوهلاكن. ءولا مدّن‑ان را‑تياوهلاكن زوند لوحوش.

2 bṭrus 2:15

فّوغن اغاراس لّي‑ينمن، مونّ د‑وغاراس ن‑بالعام يوس ن‑باعور لّي‑دار ءيعزّا ا‑يامژ ءيقاريدن س‑ما‑يُخشنّ.

2 bṭrus 2:18

اشكو ار‑سّفورّوگن س‑يواليون خوانين. س‑شّهوات أُخشنّين ا‑س‑ا‑ن‑لدّين مدّن لّي‑بحرا‑د‑وورّينين زغ‑گر ويلّي جلانين.

2 bṭrus 2:21

يوف‑اسن مراد ءيس‑ور‑اكُّ‑سّينّ اغاراس ن‑وفولكي، ءولا ارد‑ت‑يسّانّ رارن ءيلمّا تيغوردين س‑واوال لّي‑ف‑تن‑يوصّا ربّي.

2 bṭrus 2:7

والاينّي ءيجّنجم لوط لّي‑يگان ارگاز ءيفولكين، اشكو طيّر‑اس ءي‑لوط باهرا ف‑مامنك اد‑فسادن مدّن‑ان أُخشنّين.

yahuda 1:10

مدّن‑ان ار‑رگّمن غ‑ما‑ور‑سّينّ. ءيمّا غايلّي سّنّ زغ‑يخف‑نسن زوند لوحوش بلا لعاقل، غايان ا‑تن‑يتاوين س‑لهالاك.

yahuda 1:15

باش ا‑يحكام ف‑كولّو مدّن. را‑يهلك كولّو ويلّي سرس رورنين تيغوردين ف‑سّيبت ن‑يسكّيرن‑نسن أُخشنّين لّي‑سكارن س‑لخُشانت لّي‑گيسن‑يلّان، ءولا ف‑كولّو تيرگّام لّي‑س‑ت‑رگمن.»

yahuda 1:4

اشكو كشمن‑ين كرا ن‑مدّن س‑گراتون س‑تنتلا. ءيتيارا فلّاسن زغ‑يسيزوار ف‑لحوكم لّي‑را‑فلّاسن‑يضر. نتني ءور‑ا‑توقّارن ربّي. ار‑تفسادن ار‑تّينين ءيزد غمكان ا‑تگا لباراكا ن‑ربّي. رارن تيغوردين‑نسن س‑ياسوع لماسيح، د‑نتّان واحدوت ا‑يگان باب‑نّغ ءيگ سيديتنّغ.

yahuda 1:7

تيسّانم ءيس‑يهلك ربّي تيمدينين ن‑سادوم د‑عامورا د‑تييّاض لّي‑ن‑تاما‑نسنت ف‑سّيبت ن‑شّهوات أُخشنّين لّي‑سكارن، ار‑تفسادن يوتمان ءي‑نگراتسن. ءيقّان‑د مدّن اد‑سوينگيمن ماد‑اسن‑يجران باش ا‑ور‑تياوهلاكن ءولا نتني س‑لعافيت لّي‑ور‑يخسين.

anurẓm 12:9

ءيتياوگار‑ن‑ولگمّاض‑ان ءيمقّورن س‑ييزدار. نتّان ا‑مي‑تّينين ‹ءيبليس› ءولا ‹شيطان›، ءيگ ابنكال اقديم لّي‑يجلّون كولّو ءيمزدغن ن‑دّونيت. ءيتياوگار‑ن س‑واكال نتّا د‑لمالايكا‑نس.

anurẓm 13:14

ءيتياوفكا‑ياس ا‑يسكار لمعجيزات غ‑تاما ن‑واغُژن امزوارو، ار‑سرسنت‑يجلّو كولّو ءيمزدغن ن‑دّونيت. يوصّا‑تن اد‑سكرن يات‑صّورت ءيمقّورن ن‑واغُژن امزوارو لّي‑يتياگّاسن س‑تاژّيت يوورّي‑داغ ءيدّر.

anurẓm 13:8

را‑تي‑تعبادن كولّو ءيمزدغن ن‑دّونيت، ابلا غويلّي مي ءيتيارا ءيسم‑نسن زغ‑يسيزوار ن‑دّونيت غ‑وارّا ن‑تودرت ن‑ولقّاغ لّي‑يتياوغراسن.