2 bṭrus 2:1 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ غايد ءيزرين كّان‑تّين كرا ن‑مدّن غ‑گر ايت‑ربّي ار‑تّينين ءيزد لانبيا اد‑گان والاينّي ار‑سّكيركيسن. غمكان ا‑س‑راد‑داغ‑يلين ءيمسلمدن ايت‑تكركاس غ‑دارون. س‑تنتلا ا‑س‑را‑ن‑شّكشامن ءيسوينگيمن ءور‑أُغژانّين ار‑تّاوين س‑لهالاك. راد‑تراران تيغوردين‑نسن س‑سيديتسن ءيتجهّدن لّي‑تن‑يفران اد‑گن وينس. راد‑زّوگزن لهالاك ف‑يخف‑نسن غ‑يات‑تاساعت.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ ġayd izrin kkan‑ttin kra n‑mddn ġ‑gr ayt‑rbbi ar‑ttinin izd lanbiya ad‑gan walaynni ar‑sskirkisn. ġmkan a‑s‑rad‑daġ‑ilin imslmdn ayt‑tkrkas ġ‑darun. s‑tntla a‑s‑ra‑n‑šškšamn iswingimn ur‑ʷġẓannin ar‑ttawin s‑lhalak. rad‑traran tiġurdin‑nsn s‑siditsn itjhhdn lli‑tn‑ifran ad‑gn wins. rad‑zzugzn lhalak f‑ih̬f‑nsn ġ‑yat‑tasaɛt.

2 bṭrus 2:1 Iomraidhean Croise

matta 10:33

ءيمّا وانّا ءيتّينين ءور‑يگي وينو غ‑گر مدّن، را‑تّينيغ ءولا نكّي ءور‑يگي وينو غ‑دار بابا ربّي غ‑يگنّا.

matta 24:11

گّوتن ءيد‑بو‑تكركاس لّي‑را‑د‑ياشك ار‑تّينين ءيس‑گان لانبيا، ار‑جلّون كيگان د‑مدّن.

matta 24:24

اشكو راد‑د‑نكرن كرا ن‑مدّن، كود يان ار‑يتّيني ف‑يخف‑نس ءيزد لماسيح ا‑يگا نغد كرا ن‑نّابي، والاينّي ار‑سّكيركيسن. راد‑سكارن تيميتار مقّورنين د‑لمعجيزات ءيغ‑وفان اد‑جلّون ءولا غويلّي گانين وين ربّي.

matta 24:5

اشكو گّوتن غويلّي را‑د‑ياشك اسين‑د ءيسم‑ينو، كود يان ار‑يتّيني ءيزد نتّان ا‑يگان لماسيح. نتني راد‑جلّون مدّن گّوتنين.

matta 7:15

«رارات لعاقل اشكو راد‑د‑دارون‑اشكين كرا ن‑مدّن ار‑تّينين ءيس‑گان لانبيا والاينّي ار‑سّكيركيسن. ءوشّانّ اد‑گان، لسن‑د سرون تيملسيت ن‑وولّي باش ا‑كُن‑غوين.

marqus 13:22

اشكو راد‑د‑نكرن كرا ن‑مدّن، كود يان ار‑يتّيني ف‑يخف‑نس ءيزد لماسيح ا‑يگا نغد كرا ن‑نّابي، والاينّي ار‑سّكيركيسن. راد‑سكارن تيميتار د‑لمعجيزات ءيغ‑وفان اد‑جلّون ءولا غويلّي گانين وين ربّي.

luqa 12:9

ءيمّا وانّا ءيتّينين ءور‑يگي وينو غ‑گر مدّن، را‑تّينيغ ءولا نكّي ءور‑يگي وينو غ‑دار لمالايكا ن‑ربّي.

luqa 21:8

ييني‑اسن ياسوع: «اويات‑ستّ غ‑يخف‑نّون ا‑كُن‑ور‑يجلو يان، اشكو گّوتن غويلّي را‑د‑ياشك اسين ءيسم‑ينو، كود يان ار‑يتّيني ءيزد نتّان ا‑يگان لماسيح ار‑يتّيني: ‹هاتي تروح‑د تاساعت.› والاينّي ا‑تن‑ور‑تضفورم.

luqa 6:26

تاگوضي ا‑راد‑اون‑ييلي ءيغ‑ا‑كُن‑تالغن كولّو مدّن. هان غمكان اد‑سكرن ءيمزوورا‑نسن ءي‑ايت‑تكركاس لّي‑يتّينين ءيزد لانبيا اد‑گان.

ruma 16:18

اشكو غويلّي سكارنين غمكاد ءورد سيديتنّغ ا‑مي‑تخدامن والاينّي اديس‑نسن. س‑يواليون شوانين ميمنين ا‑س‑ا‑جلّون لعاقل ن‑وانّا ءيگان لغشيم.

1 kurintus 11:19

اشكو ءيقّان‑د ا‑ياطّو كرا ف‑كرا باش ا‑گيگون‑يبان مانوي‑ف‑يرضا ربّي.

1 kurintus 6:20

اشكو نتّان ا‑كُن‑يسغان، ءيفك فلّاون اتيگ‑نّون. ءيلّا فلّاون غيلاد ا‑تمجّدم ربّي س‑دّات‑نّون.

1 kurintus 7:23

ءيسغا‑كُن لماسيح ءيفك فلّاون اتيگ‑نّون. ءيمّا غيلاد ا‑ور‑تفكم ءيخفاون‑نّون ا‑تگم ءيسمگان ءي‑بنادم.

گالاطيّا 2:4

والاينّي لّان غين كرا ن‑مدّن سكرن زوند ءيغ‑گان ايتماتنّغ، كشمن دارنّغ س‑تنتلا، ءيرين اد‑ژرن مامنك ا‑نسكار غيلاد غ‑اغ‑يرژم لماسيح زغ‑يسكراف ن‑شّرع. ار‑تّيرين اد‑اغ‑كرسن‑داغ زوند ءيسمگان.

گالاطيّا 3:13

ءيمّا لماسيح ءيفوكّا‑ياغ زغ‑لعقوبيت لّي‑را‑يضر ف‑ويلّي ءيبنّون ف‑شّرع. يوورّي ءيگا نتّا واد‑ف‑تضر لعقوبيت، باش ا‑ور‑فلّانّغ‑تضر نكُّني. اشكو ءيتيارا: «كولّو وانّا ءيتياگّالن ف‑وگّجدي، لعقوبيت ن‑ربّي ا‑فلّاس‑يلّان.»

گالاطيّا 4:17

مدّن‑ان ار‑تّ‑گيگون‑تاوين باهرا، والاينّي ءورد ف‑كرا ءيفولكين. ءور‑رين ابلا ا‑كُن‑ديدي‑سّنگاران، باش ا‑ستّ‑گيسن‑تّاويم غير نتني.

گالاطيّا 5:20

ار‑تعبادن ءيلاهات ن‑دّونيت‑اد ار‑سكارن سّيحر، ار‑تكرهون ار‑تژين ار‑تنوّاشن ار‑تبزاگن ف‑ينگراتسن، ار‑تّيرين اد‑اگُرن وييّاض، ار‑تمّاغن د‑وانّا ءور‑زگيسن‑يگين، ار‑رگّمن وانّا ءور‑ديدسن‑يبيدّن،

afsus 1:7

لّي‑اغ‑يفران زغ‑لهالاك س‑يدامّن‑نس، ءيسّيتّي فلّانّغ دّنوب‑نّغ. ماتّا غونشكاد س‑تگّوت لحنانت ن‑ربّي لّي‑س‑اغ‑يبارك،

afsus 4:14

ءور‑سول‑را‑نگ زوند تاروا مژّينين، ار‑تن‑يتاوي‑واضو ن‑كرايگاتّ المّود لّجديد، ار‑جلّون س‑لحيلات ن‑يمغضارن لّي‑ستّ‑زّراينين ف‑مدّن س‑تكركاس.

filibbi 3:19

راد‑گُّرون نتني س‑لهالاك، اشكو ار‑تعبادن اديس‑نسن. غايلّي‑س‑ا‑تفراحن ا‑را‑تن‑يشّحشّم، اشكو ار‑تسالان غير ما‑يگان وين دّونيت‑اد.

kulussi 2:18

ا‑ور‑تادجم مدّن‑ان ا‑فلّاون‑تحكامن. راد‑اون‑تّينين ا‑باهرا‑تّادرم ءي‑يخف‑نّون ار‑تّعبادم لمالايكا. ار‑بنّون نتني ف‑ماد‑ژرّان غ‑توارگيوين‑نسن، ار‑سّفورّوگن س‑يسوينگيمن لّعاقل‑نسن،

kulussi 2:8

اويات‑ستّ غ‑يخف‑نّون ا‑كُن‑ور‑يغوي يان س‑يسوينگيمن ن‑بنادم ءولا س‑تكركاس خوانين لّي‑مي‑تسفلدم زغ‑تاسوتين لّي‑زرينين. هان تينباضين ن‑دّونيت اد‑گانت، ءورد تين لماسيح.

1 timutaws 5:8

اشكو وانّا ءور‑يتعاوانّ تاگُمات‑نس، هان ءيفّوغ اغاراس لّماسيح، يُخشن ءوگُّار ن‑ويلّي ءور‑اكُّ‑سّينّين اغاراس، د‑باهرا ءيغ‑ور‑ا‑يتعاوان ايت‑دارس.

2 timutaws 4:3

هان راد‑د‑اشكين كرا ن‑ووسّان غ‑ور‑راد‑سفليدن مدّن س‑ولمّود يُغژانّ. راد‑ترضون ءيگويّا‑نسن ار‑سّيگاتن ءي‑يخف‑نسن ءيمسلمدن لّي‑راد‑اسن‑يتّيني ما‑تن‑يعجبن.

tiṭus 1:11

ءيقّان‑ك‑يد ا‑تن‑تسّفسّات، اشكو ار‑سّگراوالن كرا ن‑ايت‑تگُمّا كولّوتن. ار‑سّلمادن ما‑ور‑يگين لحقّ باش اد‑تامژن كرا ءي‑يخف‑نسن.

tiṭus 3:10

ءيمّا وانّا ياطّون ايتماتن، ءيني‑اس ا‑يفسّا، تينيت‑اس‑ت تيس سنات‑توال. ءيغ‑ور‑يفسّا، انف‑اس ا‑ور‑سول‑ديدون‑يمون.

iɛbrin 10:29

والاينّي ءوگُّار لّعقوبيت‑ان ا‑را‑ييلي ءي‑وانّا يوضّرن يوس ن‑ربّي س‑يضارن‑نس، ءيحگر ءيدامّن لّعهد لّي‑ت‑يسّغوسن، ءيرگم رّوح ن‑رّحمت.

1 bṭrus 1:8

نتّان، واخّا ءور‑جّو‑تي‑تژريم، ءيعزّا دارون باهرا. واخّا ءور‑ا‑تي‑تّمنادم غيلاد، تومنم سرس. ار‑سرس‑تّفراحم س‑لفرح ءيگّوتن ايلّيغ ءور‑اكُّ‑توفيم ءيواليون ماد‑اس‑تّينيم.

2 bṭrus 2:3

را‑كُن‑شتّان س‑يواليون خوانين، اشكو ار‑بدّا‑تّيرين ما‑يگان وين وييّاض. والاينّي زغ‑يسيزوار ا‑گيسن‑يتمناد غوالّي را‑فلّاسن‑يوت لحوكم. ءور‑ا‑يگان غوالّي را‑تن‑يهلك.

1 yuḥanna 2:26

ءوريغ‑اون‑ين تيغاوسيوين‑اد ف‑ويلّي رانين ا‑كُن‑جلّون.

1 yuḥanna 4:1

واي‑ايتما عزّانين، ا‑ور‑تامنم كولّو وانّا ءينّان «ءيلّا‑گيگي رّوح لقودوس،» والاينّي ارمات رّوح‑ان ا‑تژرم ءيس‑يگا وين ربّي نغد ءوهو. اشكو گّوتن مدّن لّي‑تكّانين دّونيت، ار‑تّينين ءيس‑ا‑ساوالن س‑ماد‑اسن‑يمالا ربّي والاينّي ار‑سّكيركيسن.

yahuda 1:18

نّان‑اون: «غ‑ووسّان گُّرانين ا‑راد‑د‑اشكين كرا ن‑يطنّاژن. راد‑سكارن س‑لخُشانت لّي‑يتّيري ءيخف‑نسن.»

yahuda 1:4

اشكو كشمن‑ين كرا ن‑مدّن س‑گراتون س‑تنتلا. ءيتيارا فلّاسن زغ‑يسيزوار ف‑لحوكم لّي‑را‑فلّاسن‑يضر. نتني ءور‑ا‑توقّارن ربّي. ار‑تفسادن ار‑تّينين ءيزد غمكان ا‑تگا لباراكا ن‑ربّي. رارن تيغوردين‑نسن س‑ياسوع لماسيح، د‑نتّان واحدوت ا‑يگان باب‑نّغ ءيگ سيديتنّغ.

anurẓm 13:14

ءيتياوفكا‑ياس ا‑يسكار لمعجيزات غ‑تاما ن‑واغُژن امزوارو، ار‑سرسنت‑يجلّو كولّو ءيمزدغن ن‑دّونيت. يوصّا‑تن اد‑سكرن يات‑صّورت ءيمقّورن ن‑واغُژن امزوارو لّي‑يتياگّاسن س‑تاژّيت يوورّي‑داغ ءيدّر.

anurẓm 2:13

سّنغ مانيغ تزدغت ءيزد ءيلّيغ ءيلّا لعرش ن‑شيطان. تغويت‑بدّا غ‑يسم‑ينو، ءور‑اكُّ‑توورّيت زغ‑وغاراس‑ينو. تامژت گيگي ءولا غ‑ووسّان لّي‑غ‑نغان ءينيگي‑نو ءيزگان انتيباس غين غ‑يزدغ شيطان.

anurẓm 2:9

سّنغ مامنك ا‑تزريت غ‑تاسّاست ار‑تّژلاطّ، والاينّي س‑صّاحت لخير ءيگّوتن اد‑اك‑يلّان. سّنغ ءيس‑ا‑گيك‑رگّمن غويلّي ءيتّينين ءيس‑گان ايت‑يودايا والاينّي ءور‑گين ايت‑يودايا. هاتي ايت‑تگمّي ن‑تژالّيت ن‑شيطان اد‑گان.

anurẓm 3:8

سّنغ كولّو ما‑تسكارت. هاتي رژمغ يان‑يمي غ‑لگدّام‑نّك، ءور‑را‑ييژضار يان ا‑ت‑يقّن. سّنغ ءيس‑ور‑تژضارت ءي‑ما‑يگّوتن والاينّي تومژت غ‑واوال‑ينو، ءور‑تنّيت ءور‑يّي‑تسّينت.

anurẓm 5:9

ار‑تّيريرن يان‑ومارگ لّجديد ار‑تّينين: «كيّي ا‑يستهلّان ا‑تاسيت ارّا‑ياد تفسيت طّوابع‑نس، اشكو تّياوغراست تفروت مدّن س‑يدامّن‑نّك زغ‑كرايگاتّ تاقبيلت ءولا كرايگاتّ لّوغا ءولا كرايگاتّ تاسوت ءولا كرايگاتّ تامازيرت، ترارت‑تن اد‑گن كولّو وين ربّي.

anurẓm 6:10

الّن اوال‑نسن ءينين: «وا‑سيدي ربّي ءيتجهّدن، تگيت امژلاي تگت لحقّ. ار ماناگو ا‑را‑ن‑تسّماطلت لعقوبيت لّي‑يلّان ف‑مدّن ن‑دّونيت، ترارت‑اسن ف‑يدامّن‑نّغ؟»