2 bṭrus 1:8 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ ءيغ‑ا‑گيگون‑تّيگاتنت كولّو‑تغاوسيوين‑اد، را‑تيژضارم ءي‑كيگان ار‑دي‑تّاويم لغلّت ءيگّوتن غيلاد غ‑تسّنم سيديتنّغ ياسوع لماسيح.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ iġ‑a‑gigun‑ttigatnt kullu‑tġawsiwin‑ad, ra‑tiẓḍarm i‑kigan ar‑di‑ttawim lġllt iggutn ġilad ġ‑tssnm siditnnġ yasuɛ lmasiḥ.

2 bṭrus 1:8 Iomraidhean Croise

matta 13:22

ءيمّا امود لّي‑يضرن غ‑وزگُّار، ءيگا نتّا زوند يان ءيسفلدن ءي‑واوال، والاينّي ءيدّا ياسي تيغوفيوين ن‑دّونيت ءيلهو س‑وايدا. غايان ا‑يشّقاجّين اوال ايلّيغ ءور‑د‑ييوي صّابت.

matta 20:3

ءيفّوغ‑داغ غ‑تاساعت تيس تژا، ءيژر وييّاض بيدّن غ‑تاسوقت ءور‑ا‑سكارن يات.

matta 20:6

ما‑د‑ياد‑تروح تاساعت تيس سمّوست ن‑تدگُّات ءيدّو‑داغ س‑تاسوقت، ءيژر كرا ن‑مدّن سول بيدّن غين. ييني‑اسن: ‹ماخ ايلّيغ تبيدّم غيد اسّ كولّوت ءور‑ا‑تسكارم يات؟›

matta 25:26

ءيرار‑اس سيديس ‹واي‑اخدّام يُخشنّ ءيدّولّان، ءيس‑تسّنت ءيس‑ا‑د‑مگّرغ ما‑ور‑كرزغ، ار‑د‑سّمونوغ ما‑ور‑ن‑لوحغ؟

yuḥanna 15:2

ار‑زگيگي‑يتكّيس تيصطّوين نّا‑ور‑يسكارن لغلّت. ار‑يفرّن كرايگاتّ تاصطّا نّا‑ياكّان لغلّت باش ا‑تيگات لغلّت‑نس س‑وگُّار.

yuḥanna 17:3

غمكاد ا‑تگا تودرت ءيدومن، ا‑ك‑يسّانّ كيّي لّي‑يگان ربّي لّحقّ، ءيسّانّ ياسوع لماسيح لّي‑دي‑توزنت.

yuḥanna 5:42

والاينّي سّنغ مامنك ا‑تگام، ءور‑گيگون‑تلّي تايري ن‑ربّي.

ruma 12:11

خدمات ءي‑سيديتنّغ س‑زّعامت ن‑رّوح ءيتجهّدن بلا‑دا‑تّرمايم.

1 kurintus 15:58

واي‑ايتما عزّانين، ماياد ا‑ف‑راد‑اون‑ينيغ: دوسات تزگام ار‑بدّا‑تّلهوم س‑تووري ن‑سيديتنّغ، تيسّانم ءيس‑ورد بلا لفايتّ ا‑س‑ا‑تّنهاتافم س‑يسم ن‑سيديتنّغ.

2 kurintus 13:5

سيگّلات غ‑يخف‑نّون ا‑تژرم ءيس‑تزگام غ‑وغاراس لّماسيح. ژرات مامنك ا‑تگام. ءيس‑ور‑تسّينم ماياد؟ ءيلّا ياسوع لماسيح غ‑وگُنس‑نّون، ءيغ‑نّيت‑ور‑تجليم زغ‑وغاراس.

2 kurintus 8:2

واخّا زرين غ‑تنوكموت ءيشقان، فرحن باهرا. رضون اد‑فكن كيگان، واخّا ءيدروس ماد‑دارسن‑يلّان باهرا.

2 kurintus 8:7

ژرات منشك ا‑تجهّدم كونّي. ءيدوس ليمان‑نّون، تيسّانم ا‑تساوالم، تفهمّ ما‑يُغژانّ، ار‑تسكارم س‑نّييت، ار‑اغ‑تّحوبّوم. ءيمّا غيلاد نرا گيگون ا‑تجهّدم ءولا غ‑لباراكا ن‑توافكا‑ياد.

2 kurintus 9:14

را‑كُن‑باهرا‑تحوبّون نتني ار‑فلّاون‑تضالابن ربّي، اشكو ءيبارك گيگون ربّي س‑لباراكا ءيگّوتن.

filibbi 1:9

ءيمّا غيلاد ار‑تضالابغ ربّي اد‑اون‑يسّيگات باهرا لحنانت ن‑ينگراتون، ءيفك‑اون ا‑تيسّانم كولّو ما‑يگان وين لحقّ ار‑تاطّوم ما‑يشوان زغ‑ما‑يُخشنّ.

filibbi 2:5

ءيلّا فلّاون ا‑تسوينگيمّ غمكلّي ءيسوينگيم لماسيح ياسوع.

filibbi 3:8

حاسبغ كولّو تيغاوسيوين‑ان زوند ءور‑گينت يات، اشكو تلّا داري غيلاد ما‑تنت‑يوفن باهرا، ا‑ستّ‑يگان د‑تواسّنا لّماسيح ياسوع لّي‑يوورّين ءيگا سيدي. ف‑سّيبت‑نس ا‑ف‑گيغ تيغاوسيوين‑ان د‑يركان، فلغ كولّو ما‑داري‑يلّان باش اد‑يّي‑ييلي لماسيح،

kulussi 1:10

غمكان ا‑س‑راد‑كولّو‑تگم غمكلّي‑د‑يقّانّ غويلّي گانين وين سيديتنّغ، ار‑تسكارم س‑ما‑ت‑يرضان، تيلي گيگون صّابت ن‑كولّو ما‑يگان افولكي، تزايدم تيسّانم ربّي غمكلّي ءيگا.

kulussi 2:7

زّوگزات تادروت ن‑لّساس‑نّون غ‑لماسيح ار‑فلّاس‑تبنّوم، تامژم گيس ار‑تّدوسم غمكلّي تلمدم، ار‑بدّا‑تّشكارم ربّي.

kulussi 3:16

ادجات اوال لّماسيح ا‑يعمّر ءولاون‑نّون، ار‑تسّلمادم ار‑تّنصاحم ءي‑نگراتون س‑كولّو ما‑يگان تاحكيمت، ار‑تّيريرم ءي‑ربّي ار‑تّاسيم ءيموريگن د‑تاهليلات د‑تالغاتين نّا‑ياون‑يمالا رّوح لقودوس، ار‑تي‑تّشكارم زغ‑وولاون‑نّون.

1 tasaluniki 3:12

ار‑نتضالاب سيديتنّغ اد‑اون‑باهرا‑يسّيگات تايري ن‑ينگراتون ءولا تايري ن‑كولّو مدّن، غمكلّي‑كُن‑باهرا‑نتّيري نكُّني.

1 tasaluniki 4:1

ءيمّا غيلاد اي‑ايتماتنّغ را‑كُن‑نضالب، ننصح‑كُن س‑يسم ن‑سيديتنّغ ياسوع، ا‑تّيدوم غ‑وغاراس لّي‑زگينّغ‑تلمدم، ار‑بدّا‑تّناوالم ما‑يرضان ربّي. زايدات ف‑مايد تسكارم، ار‑تي‑تسكارم س‑وگُّار.

2 tasaluniki 1:3

واي‑ايتماتنّغ، ءيقّان‑اغ‑د ا‑بدّا‑نتشكار ربّي فلّاون، ءيگ لحقّ گينّغ ا‑ت‑نتشكار، اشكو ار‑تّزايادم ار‑تّيمغورم باهرا غ‑ليمان‑نّون، يوورّي كود يان گيگون ار‑باهرا‑يتحنّو غ‑وييّاض.

1 timutaws 5:13

وان نتنتي ار‑تميارنت ءينيفسيسن ار‑تلولّينت زغ‑تگمّي س‑تايّاض. ءورد غايان كاد‑سكارنت والاينّي ار‑ساوالنت ف‑مدّن ار‑كشّمنت ما‑ور‑يگين وينسنت، ار‑تّينينت ما‑ور‑تند‑د‑يقّانّ ا‑تي‑تّينينت.

tiṭus 3:14

ءيلّا ف‑مدّن‑نّغ اد‑ميورن اد‑تلهون س‑تووري ءيصلحن باش اد‑بيدّن د‑وانّا ءيلكمن ف‑كرا، ا‑ور‑زّرين تودرت‑نسن بلا لفايتّ.

filimun 1:6

ار‑تضالابغ ربّي اد‑اك‑يمالا كولّو لباراكات لّي‑اغ‑لّانين ف‑وودم لّماسيح غيلاد غ‑ديدنّغ‑تمونت غ‑وغاراس لّيمان.

iɛbrin 6:12

ا‑ور‑تّرمايم تفلم ما‑كُن‑د‑يقّانّ، والاينّي سكارات زوند كولّو ويلّي ءومنّين صبرن ايلّيغ كشمن س‑تميخار لّي‑ف‑اسن‑ينّا ربّي.

2 bṭrus 1:2

ا‑فلّاون‑تيگات لباراكا د‑سّلامت غيلاد غ‑تسّنم ربّي ءولا سيديتنّغ ياسوع.

2 bṭrus 1:3

س‑تحكيمت‑نس ءيتجهّدن ا‑س‑اغ‑د‑يفكا ربّي كولّو ما‑نحتاجّا باش ا‑ندّر غ‑دّونيت ار‑ت‑نترضو. اشكو نوورّي نسّن غوالّي‑اغ‑د‑يغران ا‑نكشم س‑لمجد‑نس د‑وفولكي‑نس.

2 bṭrus 2:20

ءيغ‑د‑نجمن مدّن زغ‑يركان ن‑دّونيت س‑تواسّنا ن‑ونجّام سيديتنّغ ياسوع لماسيح والاينّي وورّين تيگيرا تياسّاسن‑داغ س‑يركان‑ان ايلّيغ‑تن‑نران، هاتي يوورّي ءيسيگُّرا ن‑مدّن‑ان يُخشن ءوگُّار ن‑يسيزوار‑نسن.

2 bṭrus 3:18

زايدات ار‑تّيمغورم غ‑لباراكا د‑تواسّنا ن‑ونجّام سيديتنّغ ياسوع لماسيح. نتّان ا‑بدّا‑نتالغ غيلاد ءولا كولّو مايد‑د‑يفتان. امين.