2 bṭrus 1:5 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵ ف‑مايان ا‑ف‑كُن‑د‑يقّان ا‑ن‑تگم تيقّي ا‑تزايدم ف‑ليمان‑نّون ا‑باهرا‑تفولكيم، تزايدم ف‑وفولكي ا‑باهرا‑تيسّانم ربّي،

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵ f‑mayan a‑f‑kʷn‑d‑iqqan a‑n‑tgm tiqqi a‑tzaydm f‑liman‑nnun a‑bahra‑tfulkim, tzaydm f‑ufulki a‑bahra‑tissanm rbbi,

2 bṭrus 1:5 Iomraidhean Croise

luqa 16:26

راد‑اك‑ينيغ، تلّا يات تالات ءيدران غ‑گراتنّغ ديدون. تّياوسكار ءي‑غمكاد، ا‑ن‑ور‑بّين غويد رانين ا‑ن‑بّين زغ‑دارنّغ س‑دارون، ءولا ءيژضار يان ا‑د‑يبّي زغ‑دارون س‑دارنّغ.›

luqa 24:21

ءيمّا نكُّني نكّا‑تّين نرجا‑ن گيس باهرا، اشكو نغال ءيزد نتّان ا‑را‑يجّنجم ايت‑ربّي. هاتي كراض‑ووسّان ايد‑س‑يجرا غاياد.

yuḥanna 6:27

ا‑ور‑تّخدامّ ف‑ومشّو لّي‑يتخسارن، والاينّي تخدامات ف‑ومشّو لّي‑راد‑بدّا‑يقاما ءي‑تودرت ءيدومن. نتّان ا‑راد‑اون‑فكغ نكّي لّي‑يگان يوس ن‑بنادم، اشكو ءيملا ربّي بابا ءيس‑يّي‑يژلي ءي‑ماياد.»

1 kurintus 14:20

واي‑ايتما، ا‑ور‑تسوينگيمّ زوند تاروا مژّينين. ءيلّا فلّاون ا‑تمژّيم غ‑ما‑يُخشنّ، والاينّي ءيمغورات غ‑لعاقل‑نّون.

afsus 5:17

ا‑ور‑تجلوم د‑يخف‑نّون والاينّي ژرات ما‑گيگون‑يتّيري ربّي.

filibbi 1:9

ءيمّا غيلاد ار‑تضالابغ ربّي اد‑اون‑يسّيگات باهرا لحنانت ن‑ينگراتون، ءيفك‑اون ا‑تيسّانم كولّو ما‑يگان وين لحقّ ار‑تاطّوم ما‑يشوان زغ‑ما‑يُخشنّ.

filibbi 2:12

ف‑مايان ا‑ف‑را‑كُن‑وصّاغ اي‑ايتما عزّانين، اشكو سّنغ ءيس‑ترام ا‑تسكارم ما‑فلّاون‑يلّان، غيلاد غ‑د‑فلّاون‑اگّوگغ غمكلّي‑تي‑تسكارم غاكود لّيغ‑ن‑ديدون‑لّيغ. ف‑مايان ا‑ف‑راد‑اون‑ينيغ: سكارات كولّو باش ا‑تسّافوم اجنجم لّي‑س‑تنجمّ، ار‑باهرا‑تّوقّارم ربّي ار‑بدّا‑ستّي‑تّاويم غ‑ما‑يرا نتّا.

filibbi 4:8

واي‑ايتما، اوال‑ينو ءيگُّران ا‑ت‑يگان: ا‑تسوينگيمّ غ‑ما‑يگان لحقّ ءولا ما‑غ‑يلّا ما‑تّوقّارم ءولا ما‑يُغژانّ ءولا ما‑يغوسن ءولا ما‑يميمن ءولا ما‑يشوان. ءيغ‑يلّا كرا ءيفولكين ءولا كرا‑غ‑يلّا ما‑تّالغم، سوينگيمات غ‑تغاوسيوين‑اد.

kulussi 1:9

ف‑مايان ا‑ف‑ا‑بدّا‑نتژالّا ار‑نتضالاب ربّي ف‑سّيبت‑نّون، زغ‑واسّ لّي‑غ‑فلّاون‑نسفلد سول س‑غاسّاد. ار‑ت‑نتضالاب اد‑اون‑يسّبايّن كولّو ما‑گيگون‑يتّيري س‑تواسّنا ءولا تاحكيمت لّي‑راد‑اون‑يمالا رّوح لقودوس.

kulussi 2:3

د‑نتّان ا‑غ‑تلّا‑كولّو‑تحكيمت ن‑ربّي ءولا تاواسّنا‑نس ءيهيّان.

iɛbrin 11:6

والاينّي يان ءور‑يومينّ ربّي، ءور‑را‑ييژضار ا‑يامژ رّضا‑نس. اشكو وانّا ءيران ا‑ن‑ياكمور س‑ربّي، ءيقّان‑ت‑يد ا‑يامن ءيس‑يلّا ربّي، يوجاد ا‑يبارك وانّا‑ت‑يسيگّيلن.

iɛbrin 12:15

اويات‑ستّ غ‑يخفاون‑نّون ا‑ور‑يجلو يان گيگون زغ‑لباراكا ن‑ربّي، ءولا ءيمغي‑د‑وامود ن‑واسمّوم غ‑گراتون، ارد ءيسّدووي مدّن ءيسّهرش ما‑يگّوتن.

iɛbrin 6:11

ءيمّا غيلاد نرا كود يان گيگون ا‑يتزاياد غمكان س‑زّعامت ار ءيسيگُّرا، باش ا‑تكشمّ كولّوكن س‑لباراكا لّي‑ن‑نترجو.

1 bṭrus 3:7

غمكان ءولا كونّي ا‑يرگازن، ءيلّا فلّاون ا‑تسوينگيمّ غ‑تمغارين‑نّون، تزدغم ديدسنت بلا‑دا‑تتّوم ءيس‑ور‑باهرا‑دوسنت زوند كونّي، ار‑تنتي‑تّوقّارم اشكو وورتنت ءولا نتنتي ديدون لباراكا ن‑تودرت ءيدومن. سكارات غمكان باش ا‑ور‑دارون‑ييلي ما‑يتحصارن تيژولّا‑نّون ءي‑ربّي.

2 bṭrus 1:10

واي‑ايتما، ف‑مايان ا‑ف‑راد‑اون‑ينيغ، گات‑ن تيقّي‑نّون س‑وگُّار ا‑باهرا‑تزگام غ‑وغاراس لّي‑س‑اون‑د‑يغرا ربّي ءيژلي‑كُن‑د سرس. اشكو ءيغ‑ا‑تسكارم س‑غمكان ءور‑را‑سار‑تجلوم،

2 bṭrus 1:11

هاتي را‑تكشمّ س‑لفرح ءيگّوتن س‑تگلديت ءيدومن ن‑ونجّام سيديتنّغ ياسوع لماسيح.

2 bṭrus 3:14

ءيمّا غيلاد غ‑ا‑تّقلم س‑ماياد، اي‑ايتما عزّانين، گات‑ن تيقّي‑نّون ا‑بدّا‑تيلي سّلامت غ‑گراتون د‑ربّي، بلا گيگون ءيلّا كرا لّعيب ءولا كرا يُخشنّ غ‑وولاون‑نّون.

2 bṭrus 3:18

زايدات ار‑تّيمغورم غ‑لباراكا د‑تواسّنا ن‑ونجّام سيديتنّغ ياسوع لماسيح. نتّان ا‑بدّا‑نتالغ غيلاد ءولا كولّو مايد‑د‑يفتان. امين.