2 bṭrus 1:4 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ د‑غمكاد ا‑س‑اغ‑لّانت لباراكات هيّانين عزّانين لّي‑ف‑ينّا راد‑اغ‑تنت‑يفك، باش ا‑توورّيم تگم غمكلّي ءيگا ربّي، تنجمّ زغ‑كولّو ما‑يتاوين غ‑دّونيت س‑لهالاك ف‑سّيبت ن‑مايلّي ءيتّيري بنادم ءي‑يخف‑نس.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ d‑ġmkad a‑s‑aġ‑llant lbarakat hiyyanin ɛzzanin lli‑f‑inna rad‑aġ‑tnt‑ifk, baš a‑twrrim tgm ġmklli iga rbbi, tnjmm zġ‑kullu ma‑itawin ġ‑ddunit s‑lhalak f‑ssibt n‑maylli ittiri bnadm i‑ih̬f‑ns.

2 bṭrus 1:4 Iomraidhean Croise

ruma 9:4

نتني ا‑يگان ايت‑ربّي، ءيگ‑تن د‑تاروا‑نس، ءيفك‑اسن لمجد‑نس د‑يد‑لعهد‑نس د‑شّرع‑نس. ءيمل‑اسن اغاراس ما‑س‑ا‑تي‑تعبادن، ييني‑اسن ف‑كولّو ما‑راد‑اسن‑يسكر ءيفولكي.

2 kurintus 1:20

اشكو غونشك لّي‑گان ءيواليون لّي‑س‑ينّا ربّي ف‑ما‑را‑يسكر ءيفولكي، لماسيح ا‑تن‑كولّو‑يسّووفان. مايان ا‑ف‑ا‑نتّيني «امين» س‑يسم لّماسيح غاكود نّا‑نتالغ ربّي.

2 kurintus 3:18

نكُّني كولّواغ ار‑نتمناد لمجد ن‑سيديتنّغ غيلاد، اشكو ءيتياتّاي‑فلّانّغ‑وسدّول. د‑سيديتنّغ لّي‑يگان رّوح ار‑اغ‑يتبدّال باش ا‑نگ زوند نتّا، ار‑اغ‑يتزاياد لمجد ف‑لمجد.

2 kurintus 6:17

ف‑مايان ا‑ف‑ينّا سيدي ربّي: «فّوغاد‑د زغ‑دارسن، تنگارام ديدسن، تانفم ءي‑كولّو ما‑يركان. ءيغ‑تسكرم غمكان را‑فلّاون‑رضوغ.

گالاطيّا 3:16

غايد ءيزرين ار‑يساوال ربّي س‑يبراهيم ار‑اس‑يتّيني ف‑ما‑راد‑اس‑يفك ءي‑يبراهيم، نتّا د‑وامود‑نس. ءور‑اس‑ينّي «را‑ت‑فكغ ءي‑يمادن‑نّك» زوند ءيغ‑گان مدّن گّوتنين، والاينّي ءينّا‑ياس «را‑ت‑فكغ ءي‑وامود‑نّك» ءيگان يان ءيگ لماسيح.

گالاطيّا 6:8

امود نّا‑ن‑تلوحم، نتّان ا‑را‑تمگرم. يان ءيسكارن س‑ما‑يتّيري‑وول ن‑بنادم، زغ‑وول‑نس ا‑زغ‑را‑يمگر لموت. ءيمّا يان ءيسكارن س‑ما‑يتّيري رّوح لقودوس، زغ‑رّوح ا‑زغ‑را‑يمگر تودرت ءيدومن.

afsus 4:13

غمكاد ا‑س‑راد‑كولّو‑نتزاياد غ‑وغاراس لّماسيح ارد نوورّي نگ يان، نيسّان يوس ن‑ربّي غمكلّي ءيگا، نوورّي نيمغور زوند لماسيح س‑تموغرا‑نس ءيكمّلن.

kulussi 3:10

هاتي توورّيم تگام مدّن لّجديد. ربّي لّي‑كُن‑يخلقن ار‑كُن‑يتبدّال باش ا‑توورّيم تگم زوند نتّان، تيسّانم‑ت غمكلّي ءيگا.

iɛbrin 12:10

يات لوقت ءيدروسن اد‑اغ‑تربّان نتني س‑مكلّي‑اسن‑يبان ءيشوا، ءيمّا ربّي ار‑اغ‑يتربّا س‑مكلّي راد‑اغ‑يصلح باش ا‑نفولكي غمكلّي ءيفولكي نتّا.

iɛbrin 9:15

غمكان ا‑يسكر لماسيح يا‑لّعهد لّجديد غ‑گر ربّي د‑بنادم، ءيشّكشم سرس غويلّي مي‑د‑يغرا ربّي س‑لوورت ءيدومن لّي‑ف‑اسن‑ينّا راد‑اسن‑ييلي. ءيمّوت لماسيح باش ا‑يفرو مدّن زغ‑دّنوب لّي‑سكرن لّيغ سول لّان غ‑لعهد امزوارو.

yaɛqub 1:27

ءيمّا يان دار ليمان ءيفولكين ءيصحان غ‑يژري ن‑ربّي باباتنّغ، غمكاد ا‑را‑يگ: ار‑يتعاوان ءيگيگيلن د‑تهجّالين غ‑تنوكموت‑نسن، ار‑يتانف ءي‑يركان ن‑دّونيت.

2 bṭrus 1:1

زغ‑سيمعان بطرُس اخدّام د‑ورقّاس ن‑ياسوع لماسيح. ءي‑ويلّي مي ءيتياوفكا ليمان ءيعزّان لّي‑اغ‑د‑يتياوفكان ءولا نكُّني س‑وفولكي ن‑ربّي‑نّغ د‑ونجّام‑نّغ ياسوع لماسيح.

2 bṭrus 3:13

ءيمّا نكُّني ار‑نتقل س‑مايلّي‑س‑اغ‑ينّا ربّي، ار‑ن‑نترجو ءيگنّا لّجديد د‑واكال لّجديد، عمّرن س‑كولّو ما‑يرضان ربّي.

2 bṭrus 3:9

ءور‑يماطل سيديتنّغ ا‑يسكر مايلّي‑س‑ينّا، واخّا دا‑تّينين كرا ن‑مدّن ءيماطل. اشكو ار‑ديدون‑يتصبار. ءور‑يري نتّا ا‑يتياوهلاك يان، والاينّي ءيرا كولّو مدّن اد‑وورّين فلن ءيسكّيرن‑نسن أُخشنّين.

1 yuḥanna 2:25

اشكو س‑واوال ءيزگان ا‑س‑اغ‑يملا ماياد، ييني‑اغ ءيس‑راد‑اغ‑يفك تودرت ءيدومن.

1 yuḥanna 3:2

واي‑ايتما عزّانين، نگا تاروا ن‑ربّي غيلاد. ءور‑تا‑ياغ‑يسّبايّن ما‑را‑نگ غ‑مايد‑د‑يفتان، والاينّي نسّن ماياد: غاكود لّيغ را‑د‑ياشك لماسيح را‑نگ زوند نتّان، اشكو را‑ت‑نژر غمكلّي ءيگا.