2 bṭrus 1:16 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁶ ءور‑ا‑نبنّو ف‑كرا ن‑تحاجيّين تياوسكارنين س‑لعاقل ن‑بنادم غاكود لّيغ‑اون‑نساول ف‑مامنك ا‑د‑يوشكا سيديتنّغ ياسوع لماسيح س‑تحكيمت ءيتجهّدن. اشكو نكُّني نژرا تيموغرا‑نس،

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁶ ur‑a‑nbnnu f‑kra n‑tḥajiyin tyawskarnin s‑lɛaql n‑bnadm ġakud lliġ‑awn‑nsawl f‑mamnk a‑d‑yuška siditnnġ yasuɛ lmasiḥ s‑tḥkimt itjhhdn. ašku nkkʷni nẓra timuġra‑ns,

2 bṭrus 1:16 Iomraidhean Croise

matta 16:27

ءيمّا نكّي لّي‑يگان يوس ن‑بنادم راد‑د‑اشكغ س‑لمجد ن‑بابا ربّي د‑لمالايكا‑نو، باش اد‑رارغ ءي‑كرايگاتّ يان ف‑ما‑يسكر.

matta 16:28

لحقّ ا‑راد‑اون‑ينيغ، ءيلّا غ‑غويد بيدّنين غيد ما‑ور‑را‑يمّت ارد ءيژر يوس ن‑بنادم يوشكا‑د غ‑تگلديت‑نس.»

matta 17:1

زرين سضيص‑ووسّان، ءيدّو ياسوع ياوي ديدس بطرُس د‑ياعقوب د‑گماس يوحانّا، غلين واحدوتن س‑يان‑وورير ياتّوين.

matta 24:27

اشكو غمكلّي كّاتن‑ووسمانّ غ‑شّرق ار‑ن‑تّيسفيون ءي‑لغرب، غمكان ا‑راد‑د‑اشكغ نكّي لّي‑يگان يوس ن‑بنادم.

matta 24:3

لّيغ ءيسكيوس ياسوع غ‑وورير ن‑زّيتون اشكين‑د دارس ءيمحضارن‑نس واحدوتن سقسان‑ت: «ءيني‑اغ ماناگو ا‑را‑ييلي غايد‑س‑تنّيت؟ ما‑را‑يگ تاماتارت ن‑يس‑د‑ياكمور‑واسّ لّي‑غ‑را‑دي‑توورّيت كيّي ءولا ءيسيگُّرا ن‑دّونيت؟»

matta 28:18

ءيمّا ياسوع ءيروح‑تن ييني‑اسن: «هاتي غ‑وفوس‑ينو ا‑غ‑يتياوفكا كولّو ما‑يلّان غ‑يگنوان ءولا غ‑واكال.

marqus 13:26

غاكودان ا‑را‑يّي‑ژرن، نكّي لّي‑يگان يوس ن‑بنادم، فتيغ‑د غ‑يمدلا س‑لقوّا د‑لمجد ءيگّوتن.

marqus 14:62

ييني‑اس ياسوع: «نكّي ا‑ت‑يگان. را‑تژرم يوس ن‑بنادم ءيسكيوس ف‑وفاسي ن‑ربّي ءيتجهّدن، ءيفتو‑د غ‑يمدلا ن‑يگنوان.»

luqa 1:2

غمكلّي‑اغ‑نّان غويلّي‑تنت‑ژرانين زغ‑يسيزوار، گن فلّاسنت ءيناگان اوين‑اغ‑د لخبار‑نسنت.

luqa 9:43

تعجّبن مدّن‑ان كولّوتن ار‑تّينين: «منشك ايد‑س‑تگّوت‑تژضّارت ن‑ربّي.» سول ا‑تعجّابن مدّن غ‑كولّو مايد ءيسكر ياسوع، س‑يساول س‑يمحضارن‑نس ييني‑اسن:

yuḥanna 1:14

اوال‑ان يوورّي ءيگا بنادم، ءيزدغ غ‑گراتنّغ، نژر لمجد‑نس. ءيگا لمجد ن‑والّي ءيگان يان دار باباس، تيگات گيس لباراكا د‑لحقّ.

yuḥanna 17:2

سّنغ ءيس‑تگيت كولّو بنادم غ‑دّو‑وفوس‑ينو، اد‑فكغ تودرت ءيدومن ءي‑كولّو ويلّي‑يّي‑تفكيت.

1 kurintus 1:17

اشكو لماسيح ءور‑يّي‑يوزن اد‑سّدّمغ مدّن، هاتي يوزن‑يّي اد‑اسن‑تبرّاحغ س‑لخبار ءيفولكين. ءورد ءيواليون لّعاقل ا‑س‑ا‑تبرّاحغ، ف‑ا‑ور‑رارغ لموت لّماسيح ف‑وگّجدي بلا لفايتّ.

1 kurintus 1:23

ءيمّا نكُّني ار‑اسن‑نتبرّاح ف‑لماسيح لّي‑يمّوتن ف‑وگّجدي. اوال‑اد ءيگا تابايضّرت ءي‑ايت‑يودايا، ءيگ انوفل دار ايت‑تميزار ياضني.

1 kurintus 1:7

ءور‑اون‑لاح يات غ‑توافكيو ن‑رّوح غيلاد غ‑ا‑تّقلم س‑سيديتنّغ ياسوع لماسيح ارد‑د‑يوورّي ءيبايّن.

1 kurintus 2:1

غاكود لّيغ‑ن‑دارون‑وشكيغ اي‑ايتما، ءورد س‑يواليون غزّيفنين ءولا س‑لعاقل ن‑بنادم ا‑س‑ا‑ياون‑تبرّاحغ ف‑لحقّ لّي‑اغ‑د‑يسّبايّن ربّي.

1 kurintus 2:4

ءورد س‑يواليون شوانين ءولا س‑لعاقل ن‑بنادم ا‑س‑ا‑ياون‑ساوالغ ار‑اون‑تبرّاحغ، والاينّي س‑تميتار ن‑رّوح لقودوس ءولا تاحكيمت ءيتجهّدن.

1 kurintus 5:4

ءيغ‑تمونم كولّوكن غيلاد، ءيلّا‑ديدون‑وول‑ينو تيلي ديدون ءولا تاحكيمت ءيتجهّدن ن‑سيديتنّغ ياسوع،

2 kurintus 2:17

ءور‑نگي نكُّني زوند ما‑يگّوتن ار‑تبرّاحن س‑واوال ن‑ربّي غير باش اد‑سرس‑قُّاين ءيقاريدن. اشكو نكُّني س‑نّييت ن‑وول‑نّغ ا‑س‑ا‑نساوال س‑يسم لّماسيح، نيسّان ءيزد ربّي اد‑اغ‑يوزنّ ار‑اغ‑بدّا‑يتمناد.

2 kurintus 4:2

ناگّوگ زغ‑كولّو ما‑يگان لعيب ءينتلن ءيشّحشّامن. ءور‑ا‑نزّراي كرا ف‑يان س‑تكركاس ءولا‑دا‑نتبدّال اوال ن‑ربّي س‑لغُشّ، والاينّي ار‑بدّا‑نتّيني لحقّ ءي‑كولّو مدّن غ‑لگدّام ن‑ربّي، باش اد‑يسّانّ غ‑وول‑نسن ءيزد افولكي ا‑نسكار.

afsus 4:14

ءور‑سول‑را‑نگ زوند تاروا مژّينين، ار‑تن‑يتاوي‑واضو ن‑كرايگاتّ المّود لّجديد، ار‑جلّون س‑لحيلات ن‑يمغضارن لّي‑ستّ‑زّراينين ف‑مدّن س‑تكركاس.

filibbi 3:21

نتّان ا‑را‑يرار دّات‑نّغ ن‑واكال ا‑تگ زوند دّات‑نس لّمجد س‑تحكيمت لّي‑س‑يژضار ا‑يگ كولّو ما‑يلّان غ‑دّو‑وفوس‑نس.

1 tasaluniki 2:19

اشكو غاكود لّيغ را‑د‑ياشك سيديتنّغ ياسوع، ما‑را‑يگ تّاج ن‑رّجا‑نّغ ذ‑لفرح‑نّغ لّي‑س‑را‑نزعم غ‑لگدّام‑نس، ابلا كونّي؟

2 tasaluniki 2:9

ءيمّا انوّاش‑ان، را‑دارس‑تيگات‑تحكيمت ن‑شيطان، را‑يزّگا تيكركاس‑نس س‑لمعجيزات د‑لقوّات د‑تميتار تجهّدنين.

1 timutaws 1:4

تينيت‑اسن ا‑ور‑تلهون ءيخف‑نسن س‑تحاجيّين خوانين ءولا س‑يسماون گّوتنين ن‑كولّو تاسوتين لّي‑زرينين. هان تيغاوسيوين‑ان، ار‑ترارانت مدّن اد‑تمجاحادن ءي‑نگراتسن. ءور‑ا‑تن‑تعاوانّت اد‑امنّ ار‑سكارن ما‑گيسن‑يتّيري ربّي.

1 timutaws 4:7

والاينّي انف ءي‑تحاجيّين خوانين ءولا لخرايف ن‑دّونيت‑اد، ار‑تسّدوست ءيخف‑نّك ا‑تّازّالت غ‑وغاراس ن‑ربّي.

tiṭus 1:14

ا‑ور‑سول‑تّي‑تاوين غ‑تحاجيّين ن‑ايت‑يودايا ءولا لوصيّات ن‑مدّن لّي‑فّوغنين زغ‑لحقّ.

2 bṭrus 2:3

را‑كُن‑شتّان س‑يواليون خوانين، اشكو ار‑بدّا‑تّيرين ما‑يگان وين وييّاض. والاينّي زغ‑يسيزوار ا‑گيسن‑يتمناد غوالّي را‑فلّاسن‑يوت لحوكم. ءور‑ا‑يگان غوالّي را‑تن‑يهلك.

1 yuḥanna 4:14

ربّي باباتنّغ يوزن‑د يوس باش ا‑يگ انجّام ن‑دّونيت. نژرا‑ت نكُّني، نگ فلّاس ءيناگان.

yahuda 1:14

مدّن‑ان ا‑ف‑يساول اخنوخ لّي‑يگان زغ‑تيس سضيصط تاسوتين غ‑تغوردين ن‑ادام. ءيملا‑ياس ربّي اوال ءينّا: «ژرات سيديتنّغ را‑د‑ياشك، مونّ‑د ديدس كيگان د‑وافضان ن‑يمژلاين‑نس،

anurẓm 1:7

هاتي را‑د‑يفتو غيلاد غ‑گر ءيمدلا، ژرن‑ت كولّو مدّن، ژرن‑ت ءولا غويلّي‑ت‑سّياگّاسنين. راد‑الّانت‑كولّو‑تميزار ن‑دّونيت ف‑سّيبت‑نس. غمكاد ا‑را‑ييلي، امين.