2 bṭrus 1:1 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ زغ‑سيمعان بطرُس اخدّام د‑ورقّاس ن‑ياسوع لماسيح. ءي‑ويلّي مي ءيتياوفكا ليمان ءيعزّان لّي‑اغ‑د‑يتياوفكان ءولا نكُّني س‑وفولكي ن‑ربّي‑نّغ د‑ونجّام‑نّغ ياسوع لماسيح.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ zġ‑simɛan bṭrus ah̬ddam d‑urqqas n‑yasuɛ lmasiḥ. i‑willi mi ityawfka liman iɛzzan lli‑aġ‑d‑ityawfkan ula nkkʷni s‑ufulki n‑rbbi‑nnġ d‑unjjam‑nnġ yasuɛ lmasiḥ.

2 bṭrus 1:1 Iomraidhean Croise

matta 10:2

غمكاد اد‑گان ءيسماون ن‑يرقّاسن س‑سين د‑مراو: امزوارو سيمعان لّي‑مي‑تّينين بطرُس، نتّا د‑گماس اندراوس، د‑ياعقوب يوس ن‑زابدي، نتّا د‑گماس يوحانّا،

matta 4:18

ءيفتو ياسوع غ‑تاما ن‑ومدا ن‑جاليل، ءيژر سين ايتماتن، سيمعان لّي‑مي‑تّينين بطرُس د‑گماس اندراوس. ءينگُمارن ن‑يسلمان اد‑گان، گرن‑ين شّبكت غ‑ومدا.

luqa 1:47

تفرح رّوح‑ينو س‑ربّي انجّام‑ينو،

luqa 11:49

د‑غايان ا‑ف‑تنّا‑تحكيمت ن‑ربّي: ‹راد‑اسن‑ازنغ لانبيا د‑يرقّاسن، نغن گيسن كرا سّرفوفنّ كرا.›

yuḥanna 1:42

ياوي‑ت‑يد ءيلمّا س‑دار ياسوع. ءيسّماقّل گيس ياسوع، ييني‑اس: «كيّي تگيت سيمعان يوس ن‑يونا، والاينّي راد‑اك‑نتّيني كافا.» ءيسم‑اد، تگا لمعنا‑نس ‹اژرو› زوند لمعنا ن‑بطرُس.

yuḥanna 12:26

وانّا ءيران ا‑يگ زغ‑يخدّامن‑ينو، ءيلّا فلّاس اد‑ديدي‑يتمونو، ييلي‑وخدّام‑ينو غ‑ينّاغ لّيغ نكّي. د‑وانّا ءيگان اخدّام‑ينو، ربّي بابا ا‑را‑ت‑يوقّر.

yuḥanna 20:21

ييني‑اسن‑داغ: «اد‑اون‑تيلي سّلامت. غمكلّي‑يّي‑د‑يوزن بابا، غمكاد ا‑س‑را‑كُن‑ازنغ غيلاد.»

irqqasn 15:14

ءينّا‑ياغ سيمعان ف‑مامنك اد‑اغ‑يملا ربّي غ‑يسيزوار ءيس‑يرا ا‑يژلي زغ‑گر ءيبرّانيين كرا ن‑مدّن اد‑گن وينس.

ruma 1:1

زغ‑بولُس اخدّام لّماسيح ياسوع. ءيغرا‑يّي‑د ءيژلي‑يّي اد‑گغ ارقّاس‑نس ار‑تبرّاحغ س‑لخبار ءيفولكين ن‑ربّي.

ruma 1:12

ريغ‑نّيت ا‑نزّعام ءي‑نگراتنّغ نكّي ديدون غ‑وغاراس لّماسيح.

ruma 1:17

ار‑اغ‑يمالا لخبار‑اد مامنك ا‑س‑ا‑يسكار ربّي سّلامت غ‑گراس د‑ويلّي ءومنّين، ار‑تّ‑يسكار ف‑سّيبت لّيمان‑نسن غمكلّي ءيتياران، ءينّا ربّي: «وانّا يومنّ، نتّان ا‑ف‑راد‑رضوغ فكغ‑اس تودرت.»

1 kurintus 1:30

نتّان اد‑اون‑يفكان ا‑تگم وين لماسيح. ءيفك‑اغ تاحكيمت لّماسيح، ءيفك‑اغ افولكي لّماسيح، ءيژلي‑اغ س‑وژلاي لّماسيح، ءيفوكّو‑اغ ف‑وودم لّماسيح.

1 kurintus 15:9

نكّي مژّيغ غ‑يرقّاسن. ءور‑اكُّ‑ستهلّاغ اد‑يّي‑تّينين ارقّاس، اشكو كّيغ‑تّين ار‑سّرفوفونغ امناگّار ن‑ربّي.

1 kurintus 9:1

ءيس‑ور‑ژضارغ اد‑سكارغ غمكنّا ريغ؟ ءيس‑ور‑گيغ ارقّاس؟ ءيس‑ور‑ژريغ سيديتنّغ ياسوع؟ ءيس‑ور‑تگيم كونّي صّابت لّي‑ف‑خدمغ س‑يسم ن‑سيديتنّغ؟

2 kurintus 4:13

غمكلّي ءيتياران: «ها‑يّي ءومنغ. مايان ا‑ف‑ساولغ.» ءولا نكُّني ءيلّا دارنّغ ليمان‑اد غ‑وولاون‑نّغ، ار‑نساوال اشكو نومن.

2 kurintus 5:21

لماسيح لّي‑ور‑جّو‑يسكيرن كرا ن‑دّنب، ءيرور‑ت ربّي زوند ءيغ‑يعمّر س‑دّنوب ف‑سّيبت‑نّغ، باش ا‑نعمّر نكُّني س‑وفولكي ن‑ربّي ف‑سّيبت‑نس.

گالاطيّا 2:8

اشكو ربّي لّي‑يتخدامن غ‑بطرُس باش ا‑يگ ارقّاس ءي‑ايت‑يودايا، ار‑گيگي‑يتخدام ءولا نكّي باش اد‑گغ ارقّاس ءي‑ايت‑تميزار ياضني.

afsus 3:5

ترگس ف‑كولّو تاسوتين لّي‑زرينين، ءيمّا غيلاد ءيسّبايّن‑اغ‑تّ‑يد ربّي س‑تحكيمت ن‑رّوح لقودوس ءي‑غويد ءيژلي اد‑گن ءيرقّاسن‑نس ءولا لانبيا‑نس.

afsus 4:11

نتّان ا‑يفكان ءي‑كرا گينّغ اد‑گن ءيرقّاسن‑نس، ءيفك ءي‑وييّاض اد‑ساوالن س‑ماد‑اسن‑يمالا ربّي، ءيفك ءي‑وييّاض اد‑تبرّاحن س‑لخبار ءيفولكين، ءيفك ءي‑وييّاض اد‑تگابالن ار‑سّلمادن مدّن‑نس

afsus 4:5

ييلي يان سيديتون ءولا يان‑وغاراس لّي‑س‑تومنم ءولا يان‑ودوم لّي‑س‑تدّمّ غ‑وامان.

filibbi 1:1

زغ‑بولُس د‑تيموتاوس، ءيخدّامن لّماسيح ياسوع، ءي‑كولّو ءيمژلاين لّماسيح ياسوع غ‑تمدينت ن‑فيليبّي ءولا ءينگابالن د‑يمعاوانّ‑نّون.

filibbi 1:29

اشكو لّيغ‑اون‑يفكا ا‑تامنم س‑لماسيح، ءيفكا‑ياون ءولا تارفوفنت ف‑سّيبت‑نس.

filibbi 3:9

گغ ءولا نكّي وينس. ءور‑سول‑ا‑سكارغ ف‑اد‑ترضوغ ربّي س‑يسكّيرن ن‑شّرع، والاينّي ءيرضا فلّا ف‑سّيبت ن‑ماد‑ومنغ س‑لماسيح. اشكو غمكاد ا‑س‑ا‑يترضو ربّي ف‑كولّو‑ويلّي سرس ءومنّين.

2 timutaws 1:5

ءور‑تّوغ مامنك ا‑تومنت س‑لماسيح س‑نّييت‑نّك، غمكلّي تومن جدّاك لووّيس غ‑يسيزوار، نتّات د‑ينّاك افنيكي. سّنغ ءيس‑تومنت ءولا كيّي غيلاد زوند نتنتي.

tiṭus 1:1

زغ‑بولُس اخدّام ن‑ربّي د‑ورقّاس ن‑ياسوع لماسيح لّي‑يّي‑يژلين اد‑مالاغ ءي‑يمژلاين ن‑ربّي مامنك اد‑تامنّ س‑واوال‑نس، ءيسّانّ كولّو ما‑يگان لحقّ ن‑وغاراس‑نس

tiṭus 1:4

ءي‑تيطوس ءيوي ءيعزّان غ‑تاگُمات لّيمان‑نّغ. اد‑اك‑تيلي لباراكا د‑سّلامت زغ‑ربّي باباتنّغ د‑لماسيح ياسوع انجّام‑نّغ.

tiṭus 2:13

ار‑نتقل ار‑نترجو اسّ‑ان امباركي لّي‑غ‑را‑د‑يبان لمجد ن‑ربّي‑نّغ ءيمقّورن ياسوع لماسيح لّي‑اغ‑يجّنجمن.

yaɛqub 1:1

زغ‑ياعقوب اخدّام ن‑ربّي د‑سيديتنّغ ياسوع لماسيح، ءي‑ايت‑ربّي لّي‑اكوتنين غ‑دّونيت كولّوتّ. اد‑اون‑تيلي سّلامت.

1 bṭrus 1:1

زغ‑بطرُس ارقّاس ن‑ياسوع لماسيح، ءي‑يمژلاين ن‑ربّي لّي‑اكوتنين، گن ءيغريبن غ‑تميزار ن‑بونتوس ءولا گالاطيّا ءولا كابادوكيّا ءولا اسيّا ءولا بيتينيّا.

1 bṭrus 1:7

ءيزري فلّاون مايان باش ا‑تيسّانم ءيس‑يصحا ليمان‑نّون. اشكو ءيعزّا ليمان‑نّون باهرا، ءوگُّار ن‑وورغ لّي‑يفنّون واخّا‑دا‑يتصفو س‑لعافيت. اشكو غمكان ا‑س‑را‑كُن‑يالغ ربّي ءيسّاتّوي‑كُن ءيسّيمغور‑كُن غاكود لّيغ را‑د‑ياشك ياسوع لماسيح ءيبايّن.

1 bṭrus 2:7

مايان ا‑ف‑دارون‑يعزّا كونّي لّي‑سرس‑يومنّ. والاينّي ءيتيارا‑داغ ف‑ويلّي ءور‑رينين اد‑امنّ، ءينّا ربّي فلّاسن: «اژرو لّي‑ن‑لوحن ءيبنّاين، نتّان ا‑يوورّين ءيگا ءيخف ن‑وغژو.»

1 bṭrus 5:1

راد‑ضالبغ ءيمغارن غ‑گراتون، نكّي‑اد ءيگان امغار زوند كونّي، گغ ءينيگي ف‑ورفوفن لّماسيح، طّافغ تاغامت غ‑لمجد لّي‑را‑د‑يبان.

2 bṭrus 1:4

د‑غمكاد ا‑س‑اغ‑لّانت لباراكات هيّانين عزّانين لّي‑ف‑ينّا راد‑اغ‑تنت‑يفك، باش ا‑توورّيم تگم غمكلّي ءيگا ربّي، تنجمّ زغ‑كولّو ما‑يتاوين غ‑دّونيت س‑لهالاك ف‑سّيبت ن‑مايلّي ءيتّيري بنادم ءي‑يخف‑نس.

yahuda 1:1

زغ‑وخدّام ن‑ياسوع لماسيح، ياهودا گماس ن‑ياعقوب. ءي‑ويلّي‑ف‑يحنّا ربّي باباتنّغ ءيغر‑اسن‑د، ار‑تن‑يسّنتال ياسوع لماسيح.