1 timutaws 4:3 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ ءيمسلمدن‑ان ار‑سّحرامن ليتّيهال ءولا كرا ءيخلق ربّي ءي‑ومشّو، ءيفك‑ت ءي‑ويلّي سرس ومنّين ءيسّانّ لحقّ، باش ا‑ت‑شتّان ار‑ت‑فلّاس‑تشكارن.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ imslmdn‑an ar‑ssḥramn littihal ula kra ih̬lq rbbi i‑umššu, ifk‑t i‑willi srs umnnin issann lḥqq, baš a‑t‑šttan ar‑t‑fllas‑tškarn.

1 timutaws 4:3 Iomraidhean Croise

matta 14:19

يوصّا مدّن‑ان گّوتنين اد‑گاورن غ‑توگا. ياسي سمّوست‑تنگُال‑لّي د‑تسلمين‑لّي س‑سنات، يالّ الّن‑نس س‑يگنوان ءيشكر ربّي. ءيبّي تينگُال ءيفك‑تنت ءي‑يمحضارن‑نس. بضون‑تنت ءيمحضارن ف‑مدّن‑ان گّوتنين.

matta 15:11

ءورد مايلّي ءيكشّمن زغ‑يمي ن‑بنادم ا‑ت‑يسّحرامن. والاينّي غايلّي‑د‑يتفّوغن زغ‑يمي‑نس، نتّان ا‑ت‑يسّحرامن.»

matta 15:36

ياسي سّا ن‑تنگُال د‑تسلمين، ءيشكر ربّي ءيبّي‑تنت ءيفك ءي‑يمحضارن‑نس، بضون‑تنت ف‑مدّن.

luqa 24:30

لّيغ ديدسن ءيسكيوس غ‑يمنسي يامژ اغروم، ءيشكر ربّي فلّاس، ءيبّي‑ت ءيفك‑اسن‑ت.

yuḥanna 6:23

غاكودان س‑ن‑وشكانت كرا ن‑تاناوين ياضني زغ‑تمدينت ن‑طاباريّا، لكمنت تاما ن‑ودغار لّي‑غ‑شّان اغروم لّي‑اسن‑يفكا سيديتنّغ ءيشكر ربّي فلّاس.

irqqasn 27:35

لّيغ‑اسن‑ينّا ماياد، ياسي اغروم، ءيشكر ربّي غ‑لگدّام‑نسن ءيبّي‑ت ار‑يشتّا.

ruma 14:17

اشكو تاگلديت ن‑ربّي ءور‑تگي امشّو نغد تيسّي، والاينّي افولكي د‑سّلامت د‑لفرح ا‑تگا، س‑تحكيمت ن‑رّوح لقودوس.

ruma 14:3

ءيمّا غوالّي ءيشتّان كرايگاتّ كرا، ءيلّا فلّاس ا‑ور‑يحگر غوالّي ءيتكّيسن كرا زغ‑ومشّو، ييلي ف‑والّي ءيتكّيسن ا‑ور‑يحكام ف‑والّي ءيشتّان كرايگاتّ كرا، اشكو ربّي ا‑ت‑يقبلن.

ruma 14:6

وانّا ءيژلاين اسّ، ار‑ت‑يژلاي باش ا‑يتوقّار سيديتنّغ. وانّا ءيشتّان ار‑يشتّا باش ا‑يتوقّار سيديتنّغ، ار‑يتشكار ربّي ف‑ما‑يشتّا. وانّا ءيتكّيسن كرا زغ‑ومشّو ار‑ت‑يتكّيس باش ا‑يتوقّار سيديتنّغ، ار‑يتشكار ربّي ءولا نتّا.

1 kurintus 6:13

ار‑تّينين مدّن: «ءيگا‑ومشّو وين‑وديس، ءيگ‑وديس وين‑ومشّو،» والاينّي ربّي را‑يهلك اديس ءولا امشّو. غمكاد ا‑س‑يبان ءيس‑ور‑تگي دّات‑نّغ تين لفساد، والاينّي تگا تين سيديتنّغ، ءيگ نتّا سيديس ن‑دّات‑نّغ.

1 kurintus 7:28

ءيغ‑تّاهلت تامغارت ءورد دّنوب ايان. ءيغ‑تّاهل‑تفروخت ءورد دّنوب ايان. والاينّي غويلّي تاهلنين، ءيشابوكن ن‑دّونيت ا‑غ‑راد‑يلين. هاتي ريغ ا‑كُن‑كّيسغ ءي‑غايان.

1 kurintus 8:8

ءيمّا ربّي، ءورد امشّو ا‑س‑را‑ت‑نرضو. ءور‑دارس‑نُخشين ءيغ‑ت‑نشّا، ءولا نشوا دارس ءيغ‑ور‑ت‑نشّي.

kulussi 2:16

ف‑مايان ا‑ف‑راد‑اون‑ينيغ، ا‑ور‑تادجم يان اد‑اون‑ين‑يشّكشم لوصيّات ف‑ما‑را‑تشتّام ءولا ما‑را‑تسّام، ءولا ف‑كرا لّعيد ءولا تالاليت ن‑وايّور ءولا كرا ن‑ووسّان ن‑وسونفو.

kulussi 3:17

كولّو ما‑تّينيم ءولا كولّو ما‑تسكارم، سكارات‑ت س‑يسم ن‑سيديتنّغ ياسوع، ار‑تّشكارم ربّي فلّاس.

1 timutaws 2:4

لّي‑يران كولّو مدّن اد‑نجمن وورّين ءيسّانّ لحقّ.

1 timutaws 4:4

اشكو ءيفولكي كولّو ما‑يخلق ربّي. ءيخصّا‑ياغ ا‑ور‑نسّحرام يات، والاينّي ا‑ت‑نشكر ف‑كولّو ما‑نشتّا.

1 timutaws 5:14

مايان ا‑ف‑ريغ تيهجّالين لّي‑مژّينين اد‑تاهلنت، ارونت تاروا اوينت‑ستّ غ‑تگمّي‑نسنت، باش ا‑ور‑ييلي دار ءينوّاشن‑نّغ ما‑س‑ا‑ياغ‑رگّمن.

iɛbrin 13:4

ءيلّا ف‑كود يان ا‑يگ ليتّيهال د‑تغاوسا ءيفولكين ءيهيّان، ءولا‑دا‑يشّكشام يان ما‑يهرشن س‑تيسي‑نسن. اشكو ربّي را‑يوت لحوكم ف‑وانّا ءيفسادن ءولا وانّا ءيزنان.

iɛbrin 13:9

ا‑ور‑تادجم كرا ن‑يلمّودن ءيغريبن ا‑كُن‑جلّون زغ‑وغاراس لّحقّ. را‑يشوو ا‑تسّدوسم ءولاون‑نّون س‑لباراكا ن‑ربّي، ءورد س‑تنباضين ن‑ومشّو لّي‑غ‑ور‑تلّي كرا لّفايتّ ءي‑ويلّي سرسنت سكارنين.