1 timutaws 2:3 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ ءيشوا ماياد، ءيرضو سرس ربّي انجّام‑نّغ

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ išwa mayad, irḍu srs rbbi anjjam‑nnġ

1 timutaws 2:3 Iomraidhean Croise

luqa 1:47

تفرح رّوح‑ينو س‑ربّي انجّام‑ينو،

ruma 14:18

وانّا ءيتخدامن ءي‑لماسيح غمكاد، را‑فلّاس‑يرضو ربّي ار‑تي‑تالغن مدّن.

filibbi 1:11

راد‑اون‑تيگات صّابت ن‑وفولكي لّي‑گيگون‑يسكار ياسوع لماسيح، ءيبان گيگون لمجد ن‑ربّي، الغن‑ت مدّن ف‑سّيبت‑نّون.

filibbi 4:18

ءيمّا غيلاد ها‑يّي شبعاغ، ييلي داري ما‑يوفان زغ‑لخير، اشكو ءيسّروح‑يّي‑د ابافروديتوس مايلّي‑يّي‑دي‑توزنم. ءيگا زوند توجّوت ءيميمن ءولا زوند يات‑توافكا ءيتّرسن غ‑لگدّام ن‑ربّي لّي‑س‑يفرح ءيرضو سرس.

kulussi 1:10

غمكان ا‑س‑راد‑كولّو‑تگم غمكلّي‑د‑يقّانّ غويلّي گانين وين سيديتنّغ، ار‑تسكارم س‑ما‑ت‑يرضان، تيلي گيگون صّابت ن‑كولّو ما‑يگان افولكي، تزايدم تيسّانم ربّي غمكلّي ءيگا.

1 tasaluniki 4:1

ءيمّا غيلاد اي‑ايتماتنّغ را‑كُن‑نضالب، ننصح‑كُن س‑يسم ن‑سيديتنّغ ياسوع، ا‑تّيدوم غ‑وغاراس لّي‑زگينّغ‑تلمدم، ار‑بدّا‑تّناوالم ما‑يرضان ربّي. زايدات ف‑مايد تسكارم، ار‑تي‑تسكارم س‑وگُّار.

1 timutaws 1:1

زغ‑بولُس ارقّاس لّماسيح ياسوع، غمكلّي يومر ربّي انجّام‑نّغ د‑لماسيح ياسوع لّي‑غ‑ن‑نرجا.

1 timutaws 4:10

ف‑مايان ا‑ف‑ا‑نتخدام ار‑فلّاس‑نكّات تاكرّايت، اشكو نگا رّجا‑نّغ غ‑ربّي لّي‑يدّرن. نتّان ا‑يجّنجامن كولّو مدّن، س‑وگُّار غويلّي ءومنّين.

1 timutaws 5:4

والاينّي تاهجّالت نّا‑دار تاروا‑نس نغد تاروا ن‑تاروا‑نس، ءيقّان‑تن‑د اد‑يسّانّ ءيس‑گيسن‑يرا ربّي اد‑تهالّان غ‑تيلّي گانين تينسن. ءيلّا فلّاسن اد‑تراران لخير ءي‑ايت‑دارسن، اشكو ربّي ءيرضا س‑ماياد.

2 timutaws 1:9

ءيجّنجم‑اغ ربّي زغ‑دّنوب‑نّغ ءيغر‑اغ ا‑نگ ءيمژلاين‑نس، ءورد ف‑سّيبت ن‑كرا نسكار نكُّني والاينّي ف‑سّيبت ن‑ما‑يقصاد نتّان اد‑اغ‑يبارك ف‑وودم لّماسيح ياسوع ءور‑تا‑يخلق دّونيت.

iɛbrin 13:16

ا‑ور‑تتّوم ا‑تسكارم افولكي ار‑تمعاوانم ءي‑نگراتون، اشكو وان تيوافكيو‑ان ا‑س‑ا‑يترضو ربّي.

1 bṭrus 2:20

والاينّي ما‑لّفايتّ دارون ءيلّان ءيغ‑تسكرم ما‑يُخشنّ تصبرم ءي‑وكوراي لّي‑تشّام ف‑سّيبت لّخُشانت‑نّون؟ والاينّي ءيغ‑تسكرم افولكي ترفوفنم تصبرم، را‑كُن‑يبارك ربّي.

1 bṭrus 2:5

فكات ءيخف‑نّون ءي‑لماسيح زوند ءيژران دّرنين، باش ا‑سرون‑يبنّو يات‑تگمّي ن‑رّوح، ا‑ن‑گيس‑تسراسم غ‑لگدّام ن‑ربّي تيوافكيو ن‑رّوح لّي‑س‑را‑يترضو اشكو ار‑اس‑تنتي‑تاكّام س‑يسم ن‑ياسوع لماسيح.